ლილი ოლდრიჯის იდეალური სხეულის საიდუმლო - როგორ მიიღოთ Victoria’s Secret-ის „ანგელოზის“ სხეული?

ლილი ოლდრიჯი Victoria’s Secret-ის ერთ-ერთი ვეტერანი „ანგელოზია“. მოდელი ბრენდთან უკვე 7 წელია თანამშრომლობს. დამწყები მოდელებისთვის ლილი კარგი მაგალითია. 2012 წელს მას ქალიშვილი, დიკსი შეეძინა, რის შემდეგაც სწრაფად დაიბრუნა ფორმები, ახლა კი კარიერასა და დედობას შესანიშნავად ათავსებს. 32 წლის დაბადების დღისთვის, მოდელმა იდეალური სხეულის ყველა საიდუმლო გათქვა.

თუ ლილის გადაღებები დილით აქვს, სახლში მხოლოდ ჭიქა მწვანე ჩაის სვამს, საუზმეს კი გადასაღებ მოედანზე მიირთმევს. ოლდრიჯი ცდილობს დილით ბევრი ცილა და ნელი ნახშირწყლები მიიღოს, ამიტომ კვერცხს ლორით ან შვრიის ფანტელს ჩიას მარცვლებით არჩევს.

ცდილობს გამორიცხოს მარილიანი კერძები და მიიღოს მეტი ბოსტნეული. ოლდრიჯის საყვარელ კერძებს მიეკუთვნება - ორაგული და ავოკადო. ლილის ასევე უყვარს გრილზე მომზადებული ქათმის ხორცი, ბარბექიუს სოუსით.

მოდელი ცდილობს ყოველდღიურად მიიღოს ნატურალური წვენები და „სმუზი“. მის ფავორიტებს შორისაა - კომბოსტოს, კიტრის, ვაშლის, ნიახურის, კოჭასა და მწვანილების მიქსი, ვაშლისა და ანანასის კოქტეილი, ჭარხლითა და პიტნით, ასევე სტაფილოსა და ვაშლის ნარევი, ლიმონითა და კოჭათი.

ვარჯიშები


როგორც წესი, ლილი ოლდრიჯი კვირაში 6 საათს ვარჯიშობს. მისი საყვარელი სისტემა Ballet Beautiful-ი გახლავთ, რომელიც ფიტნეს-ტრენერმა მერი ჰელენმა სპეციალურად ნატალი პორმანისთვის, ფილმისთვის „შავი გედი“ მოსამზადებლად შეადგინა. სწორედ ეს სისტემა დაეხმარა ლილის მშობიარობის შემდეგ, ძველი ფორმების დაბრუნებაში.

მოდელი ძირითადად სახლში ვარჯიშობს. „მე სპორტდარბაზში სიარული არ შემიძლია, ასეთი ადამიანი არ ვარ“ - განმარტავს ლილი. ამასთან, ის ტრენერის ხელმძღვანელობით ვარჯიშობს, მაშინაც კი, თუ სხვადასხვა ქვეყანაში იმყოფებიან. ასეთ დროს ისინი ვარჯიშებს skype-ის საშუალებით წარმართავენ.

Victoria’s Secret-ის შოუმდე

Victoria’s Secret-ის ჩვენებამდე რამდენიმე კვირით ადრე, ყველა მოდელი ტრენერის, ჯასტინ გელბანდის ხელმძღვანელობით ვარჯიშობს. ამ დროს მოდელები პალეოდიეტას იცავენ, რაც დაბალი შემცველობის ნახშირწყლებისა და დიდი რაოდენობით ცხიმების შემცველობის პროდუქტების მიღებას მოიცავს. ის ვარჯიშებსაც ადევნებს თვალყურს და ასე ლილი ვარჯიშის ხანგრძლივობას დღეში ორჯერ ზრდის.

ოლდრიჯი გამოტყდა, რომ შოუს შემდეგ გემრიელად კვების რეჟიმზე გადადის, თავს პიცისა და ჰამბურგერის მირთმევის უფლებას აძლევს. ამ დროს ლილის ვარჯიშების რაოდენობაც იკლებს და ორი თვის მანძილზე კვირაში მხოლოდ 3-4-ჯერ ვარჯიშობს.

ანა ვერძაძე
like
0

კომენტარები

lanas 2017-11-30 19:58
nacrisferebi da sacodavebi shensken mokitxe ! kartvelebs dzalian lamazi kalebi gvkavs
lanas 2017-11-30 19:56
Dzlian kargad gamomdis lanachka she gvelo ! ase rom datsknardi !
lana 2017-11-28 09:13
qarTvel qalebs mainc ar gamogivaT nacrisferi da sacodavebi xart magram tu tqvenshi romelime lamazi gamoeria mtrisas chaqolavt , mecodebit

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.