რა დაგიჯდებათ საქართველოს ცნობილ კურორტებზე დასვენება

ზაფხულის ცხელი დღეები უკვე დაიწყო და მოსახლეობის დიდი ნაწილი მომავალ შვებულებას გეგმავს. თანხას დასვენებისთვის ყველა საკუთარი ფინანსური მდგომარეობიდან გამომდინარე ანაწილებს. ზოგი ზღვას ანიჭებს უპირატესობას, ნაწილი კი მთას და სუფთა ჰაერს არჩევს. "ბიზნესპრესნიუსი" შეეცადა გაერკვია, რა ღირს დასვენება საქართველოს ცნობილ კურორტებზე, როგორია სასტუმროების შემოთავაზებები და რამდენად კმაყოფილები არიან მიმდინარე სეზონით ადგილობრივი ბიზნესოპერატორები.



აბასთუმანში აქტიური სეზონი მაისიდან, ფიჭვის ყვავილობასთან ერთად იწყება. როგორც აბასთუმანში მდებარე სასტუმრო "კაპას" მფლობელი ჩვენთან საუბრისას აღნიშნავს, მომხმარებლებს წელსაც შარშანდელის მსგავსი ფასებით დახვდნენ. მისი ინფორმაციით, ერთი ღამის ღირებულება ერთ

კაცზე 80 ლარია. ფასში გათვალისწინებულია სამჯერადი კვება. რაც შეეხება ბავშვებს, 2 წლამდე ასაკის ბავშვი სასტუმროში უფასოდ, ხოლო 6 წლამდე ნახევარ ფასად განთავსდება.

საქართველოს კურორტები და მათი პოტენციალი

"ათი წელია ვიღებთ დამსვენებლებს. აბასთუმანში აქტიური თვეები მაისი, ივლისი და აგვისტოა," - აღნიშნავს სასტუმროს მფლობელი.

სეზონის გააქტიურებას ელოდებიან წყალტუბოშიც. "არგო წყალტუბოში" ჯავშნების მიღება უკვე დაწყებულია. როგორც სასტუმროს წარმომადგენელი ნუგზარ გიორგიძე აღნიშნავს, ფასი ერთ ადამიანზე 35 ლარიდან იწყება, კვებით კი 50 ლარი ღირს.

წყალტუბოში დამსვენებელთა აქტიურობა ივლისიდან იწყება და 15 სექტემბრამდე გრძელდება.




საკურორტო სეზონი ჯერ არ გახსნილა ბახმაროში. აქ დამსვენებლებს ძირითადად, 10 ივლისის შემდეგ ელოდებიან. როგორც სასტუმრო "ბახმაროს" წარმომადგენელი "ბიზნესპრესნიუსთან" საუბრისას აღნიშნავს, ამ ეტაპზე იქ მხოლოდ ადგილობრივები არიან და სტუმრების დასახვედრად შესაბამის ინფრასტრუქტურას ამზადებენ.

თავად სასტუმრო "ბახმაროში" ჯავშნების მიღება უკვე დაწყებულია. როგორც სასტუმროს წარმომადგენელი აღნიშნავს, მომხმარებელი უკვე აქტიურობს.

"ნახევარი სასტუმრო დაჯავშნილია, რაც შეეხება ფასს, 100 დოლარიდან იწყება და 200 დოლარამდე მერყეობს. ღირებულებაში სამჯერადი კვება და სტანდარტული პირობებია გათვალისწინებული," - აღნიშნავს სასტუმროს წარმომადგენელი.

ბახმაროში სეზონი 19 აგვისტომდე, ფერისცვალების დღესასწაულამდე გრძელდება. ადგილობრივებს წყლის პრობლემა წელსაც აწუხებთ. როგორც ჩვენთან საუბრისას აცხადებენ, არის ქუჩები, სადაც წყალმომარაგება ძალიან შეზღუდულია.

იხილეთ გაგრძელება

like
0

კომენტარები

maka 2016-07-24 20:34
abastymani dzalian magaria. iq rom daisvenebt sxvagan wasvlis survili agar geknebat.
Tamo 2016-07-23 22:38
Rogor miyvars chemi boshuri da misi wyarooo .
mari 2016-07-23 18:52
უბრალოდ აიჩემებენ ერთ კურორტს და მიაწყდებიან ხოლმე, დამსვენებელიც და ინვესტორიც. ერთხელ ადით და ნახეთ ატენის ხეობა, ბობნევი ,ბოშური , მიხვდებით რომ ბაკურიანი არაფერია
ნინა 2016-07-23 13:49
ბოშურის ჰაერი შეუდარებელია მართლა, მაგრამ აქ სასტუმრო არ არსებობს. ადგილობრივ მოსახლეებთან თუ გაჩერდები კი, მარა პირობები აქაც არაა გადასარევი. მაგრამ ბოშურის ჰაერი ისეთი მარგებელია ბავშვებისათვის მშობელი პირობებს აღარ დაეძებს. იაფი კია შედარებით.
qeti 2016-07-23 10:28
daisvenet Gortan axlos sofel boshurshi, nazvnaria, mTis mdinare da arc zviri dagijdebat sxva kurortebtan gansxvavebit, bakurianis havas sjobia...mit ufro bavshvebisatvis

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.