,,სეზონები-ფოტოდღიური“ - მოგზაურობა ნიდერლანდების ვენეციაში

თუ სავიზო ლიბერალიზაციის შემდეგ ევროპაში მოგზაურობას გეგმავთ, არჩევანის გაკეთებაში ჩვენ დაგეხმარებით!

Nike

,,სეზონები-ფოტოდღიური“ ქართული ბლოგია, რომელიც ევროკავშირის წევრ ქვეყნებში გიდობას სისტემატურად გაგიწევთ.


ამჯერად ნიდერლანდების სამეფოში გეპატიჟებით. კოფი შოფებისა თუ წითელი ფარნის კვარტალის შესახებ ალბათ ბევრმა იცით, ჩვენ კი მოგიყვებით თუ რამდენად ძლიერია აგროკულტურა ჰოლანდიაში და ვიმოგზაურებთ მის ულამაზეს სოფლებსა და ქალაქებში, რომლებსაც ნიდერლანდებში სტუმრობისას აუცილებლად უნდა ეწვიოთ.


გაინტერესებთ რომელია ყველაზე რომანტიკული ადგილი ნიდერლანდებში? ეს გიტჰორნია. სახელი იშიფრება როგორც - თხის რქა და

მას, რასაკვირველია, თავისი ისტორია აქვს. 1230 წელს სამხრეთიდან წამოსულმა ლტოლვილებმა აღმოაჩინეს ადგილი, სადაც წყალდიდობის შემდეგ, თხის უამრავი რქა იყო მიმოფანტული. სოფლის სახელწოდებაც აქედან მოდის, თუმცა მას მეორე სახელიც აქვს და ნიდერლანდების ვენეციას ეძახიან.

 

მიზეზს, ალბათ, უკვე მიხვდით. დასახლება წყლის არხებზე გაშენებული და დაახლოებით, 8 კმ სიგრძეზეა გადაჭიმული.


გიტჰორნში საავტომობილო გზა არ არსებობს. პატარ-პატარა კუნძულებზე განლაგებული სახლები ხიდებითა და ველობილიკებით უკავშირდება ერთმანეთს. ეკოლოგიასა და მყუდროებას მაცხოვრებლები განსაკუთრებით უფრთხილდებიან. სატრანსპორტო საშუალებად ნიჩბებიანი და ელექტრომოტორიანი ნავები გამოიყენება, რომლითაც დანიშნულების პუნქტამდე ყოველგვარი ხმაურის გარეშე გადაადგილდებით.


ულამაზესი პეიზაჟების გარდა, განსაკუთრებულ ყურადღებას დასახლების ძველი სახლები იქცევს. სოფელში დღეს არსებული ნაგებობის უმეტესი ნაწილი 17-18 საუკუნისაა. ეზოების უმეტესობა ჰორტეზიებითაა გაფორმებული.


წყლის არხები, ფერადოვანი მცენარეებით გაფორმებული ველობილიკები, ხის სახლები - ერთი შეხედვით, გიტჰორნი იდეალური ადგილია მათთვის, ვისაც სიწყნარეში განტვირთა და ბუნებით ტკბობა უნდა, თუმცა ნანახიდან გამომდინარე, შეგვიძლია გითხრათ, რომ აქ არც აქტიური დასვენების მოყვარებული მოიწყენენ, განსაკუთრებით კი ისინი ვისაც წყლის სპორტი უყვართ.


ეკატერინე მამამთავრიშვილი, დავით ხელაშვილი.

,,სეზონები - ფოტოდღიური“ იტალიაში: ფოტორეპორტაჟი მილანიდან

ქართული ფოტოპროექტი ვარსკვლავების სამფლობელოში (ფოტო + ვიდეო)

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.