ჩემი იდეალური ძველით ახალი წელი

ვინც მიცნობს, არ გაუკვირდება, თუ წერას ტურიზმსა და მოგზაურობაზე დავიწყებ, რადგან სწორედ ამ სფეროში ვმუშაობ და ჩემი სამსახური ჩემი ჰობიცაა.



ეს არის საქმე, რომელიც მიყვარს და მსიამოვნებს და ამაზე შემიძლია დაუსრულებლად ვისაუბრო. ვიფიქრე, რატომ არ შეიძლება, დავწერო იმაზე, თუ რეალურად რა თანხაში შეძლებს ადამიანი მოგზაურობას, გადაადგილებას და ღამის გატარებას და ა.შ. რაც მთავარია, თითოეული ბლოგი ჩემი საკუთარი გამოცდილებისა და დაკვირვებების ზუსტი აღწერილობა იქნება და არა ინტერნეტში მოძიებული ინფორმაცია.

თუმცა, დღეს მინდა ცოტა განსხვავებული ბლოგი დავწერო და საახალწლო განწყობას არ გადავუხვიო.
ალბათ, როგორც უმეტესობისთვის, ჩემთვისაც, ახალი წელი ასოცირდება საცივთან, გოზინაყთან და გენერალურ დალაგებასთან.

ქართველებს ყველაფერი 2 გვაქვს, 2 ახალი წელი, 2 გიორგობა.... თუ 31 დეკემბერს ყველა ოჯახთან ერთად ხვდება, 13-ში თავს უფლებას აძლევს ისე შევხვდეს, როგორც უნდა. 



მინდა გითხრათ, თუ როგორ წარმომიდგენია ძველით ახალი წლის გატარების იდეალური ვარიანტი. დავუშვათ, რომ უკვე 2018 წლის 13 ინავარია.
მე ყაზბეგში ვარ, სასტუმრო "Rooms Hotel Kazbegi”-ში. დილის 5 საათზე მაღვიძარა მაღვიძებს, რადგან მინდა მზის ამოსვლას შევეგებო გარე ტერასაზე, დიდ დაწნულ სავარძელში არომატული ცხელი ყავითა და თბილი პლედით მოკალათებული. არ მაშინებს არც ყინვა, არც დილის სუსხი იმდენად ძლიერია ამ სილამაზის ნახვის სურვილი. ალბათ დამეთანხმებით, რომ არაფერი შეედრება დათოვლილი ქედების ყურებას.



მზის ამოსვლის შემდეგ ძილს ვიბრუნებ, ვიღვიძებ 12-ზე და მივირთმევ ბრანჩს. შემდეგ ცოტა ხნით სასტუმროს მთავარ დარბაზში გადავინაცვლებ და წავიკითხავ „ბომონდის“ საახალწლო ნომერს.

უკვე შუადღეა და დროა ახალი წლის შესახვედრად მოვემზადო, სასტუმროს მიერ შემოთავაზებული სერვისებიდან ვირჩევ საუნასა და სპა პროცედურებს. ნომერში დაბრუნებულს სიურპრიზი მელოდება, ლოგინზე ჩემი საყვარელი და საოცნებო Tom Ford-ის სუნამო მხვდება, თუმცა გამომგზავნი საიდუმლოდ რჩება...



უკვე საღამოა და დროა, მეგობრებს შევუერთდე, რომლებიც ქვემოთ, სასტუმროს ლაუნჯში მელოდებიან. დასვენებული და ლამაზი ვარ. მაცვია ქართველი დიზაინერის კაბა და ფეხსაცმელი და მზად ვარ ძველით ახალი წლის შესახვედრად , რომელიც ბევრ სიახლესა და სიურპრიზებს გვპირდება.

ოცნებების ასრულებისა და დაუვიწყრი თავგადასავლების წელი გქონოდეთ...

ნატალინა ბერიანიძის ბლოგი
like
2

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.