5 მოდური ადგილი ლონდონში, სადაც აუცილებლად უნდა მოხვდეთ დიდ ბრიტანეთში მოგზაურობისას

ნიუ-იორკის მოდის ჩვენებები დასასრულს უახლოვდებადა მოდა დიდი ბრიტანეთის დედაქალაქში ინაცვლებს.
სად გაჩერდეთ საცხოვრებლად და სად შეუკვეთოთ ყველაზე გემრიელი ჩაი ან რომელი გამოფენა არ უნდა გამოტოვოთ - ამის შესახებ ჩვენ გამცნობთ:


სად იცხოვროთ


Kettner's Townhouse
სულ ცოტა ხნის წინ, ერთი ლონდონური სახლი მდიდრულ Kettner's -ის Townhouse-სასტუმროდ გადაკეთდა. რჩეული სტუმრებისთვის ის კომფორტული თავშესაფარი გახდება.



აქ სულ 33 ნომერია - ხელით მოხატული ფონი fin de siècle-ის სტილში, უილიამ მორისის ნახატებითა და ჭაღებით არ-ნუვოს სტილში. შეხვდით ან გააცილეთ ყოველი მომდევნო დღე შამპანიურის-ბარში, პირველ სართულზე.


რა დაათვალიეროთ



მოდილიანი Tate Modern-ში
გალერეა Tate Modern-ში ახლა შეგიძლიათ მოდილიანის გამოფენა დაათვალიეროთ - აქ უკვე მისი პერსონალური და ძალიან დიდი რეტროსპექტივაა.



უამრავი მგრძნობიარე, შიშველი პორტრეტი, მისი კოლეგებისა და მეგობრების გამოსახულებები, მათ შორის პაბლო პიკასოსა და კონსტანტინ ბრანკუზის - მოკლედ, აუცილებლად უნდა ეწვიოთ.


სად ისადილოთ



Londrino

რესტორანი Londrino თაუერის ხიდთან ახლოსაა - ძალიან ახალგაზრდა და ნიჭიერი, ლონდონელი გურმანების საყვარელი მზარეულის, ლეანდრო კარეირას პროექტია. პორტუგალიური კულინარიის მანერებით შესრულებულ მის გასტრონომიულ შედევრებს აუცილებლად უნდა გაეცნოთ - დესერტად შეუკვეთეთ ბრიოში კარამელით, რაზეც ქალაქის ნახევარი ჭკუას კარგავს. ამას საიდუმლოდ ვერ შევინახავთ: ნახეთ, როგორი მოდური Instagram-ი აქვს რესტორანს.


სად მიირთვათ ჩაი



Arthur’s-ის Liberty-ის უნივერმაღში
უნივერმაღში Liberty ცოტა ხნის წინ, განახლების შემდეგ, რესტორანი Arthur’s-ი გაიხსნა. ჩაის დასალევად აუცილებლად უნდა ეწვიოთ ამ ადგილს: როგორც ადგილობრივები მიიჩნევენ, ტრადიცული 5 o'clock აქ საუკეთესო დროა.


სად განიტვირთოთ



სპა სასტუმრო The Ned

1924 წლის შენობაში, თითქმის საუკუნის მანძილზე ბანკი ფუნქციონირებდა, ახლა კი მის ადგილას სასტუმრო The Ned-ი მუშაობს - ბანკის საფირმო გაშლილი ჰოლით, მაღალი ჭერით, 1930-იანი წლების დეკორითა და ყველაზე მრავალფეროვანი გასართობებით.



თქვენს განკარგულებაშია 20 მეტრიანი აუზი, ლონდონში ყველაზე დიდი მაროკოული აბანო, საუნა და მასაჟის რვა კაბინეტი. ეს ყველაფერი კი იმისათვის, რომ მთელი დაძაბული მოდური მარათონის მანძილზე თავს შესანიშნავად გრძნობდეთ.

ანა ვერძაძე


ასევე დაგაინტერესებთ:

ის, რაც ლიბანის შესახებ უნდა იცოდეთ, სანამ მოგზაურობას გადაწყვეტთ

,,სეზონები-ფოტოდღიური“ - მოგზაურობა ნიდერლანდების ვენეციაში

ფოტო-მოგზაურობა საფრანგეთის ქალაქ რიკვირში
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.