რა ხდის ქალს უფრო მიმზიდველს?

 - მოგზაურობა! ამბობენ, ქალი, რაც უფრო მეტს მოგზაურობს, მით უფრო ჭკვიანი, სექსუალური და მომხიბვლელია.



მჯერა, რომ ეს მხოლოდ სეზონური ან არასეზონური რუჯის ბრალი არ არის. მიმზიდველობასა და მოგზაურობას შორის კავშირი ნამდვილად არის… ეს ყველაფერი ეხმარება ქალს საკუთარი იდენტობის გაძლიერებაში. არაფერია იმაზე ლამაზი და სექსუალური თუ, როგორ ყვება ქალი იუმორით მოგზაურობასთან დაკავშირებულ ამბებს. ეს ხომ იშვიათობაა, რადგან უმეტესობას პრაქტიკულად არაფერი აქვს მოსაყოლი, რომ არაფერი ვთქვათ კარგ, საინტერესო ამბებზე.

დაუჯერებელი თავგადასავლები და საოცარი ადგილებით აღფრთოვანება კი უფრო მეტად მიმზიდველს ხდის ქალს, მამაკაცს-მასზე დამოკიდებულს.

თუმცა, მედალს აქვს მეორე მხარე -შური. ამით ქალი იმდენივე ადამიანს ჩამოიშორებს, რამდენზედაც შთაბეჭდილებას მოახდენს. მოგზაურობის მოლოდინი, სასიამოვნო მღელვარებასა და სიხარულთან არის ასოცირებული და ზაფხულის მოსვლასთან ერთად უფრო მეტად მძაფრდება. სიამოვნებას განიცდი იმ პირველივე წუთებიდან, როცა შვებულების დაგეგმვას იწყებ. ამ ყველაფერს ემატება ისიც , რომ მაისიდან ავიაკომპანიები ახალ მიმართულებებს გვთავაზობენ… თუმცა, არაუშავს თუ არ გაქვს ავიაბილეთების შესაძენად ფული. შეგიძლიათ თქვენი მოგზაურობა მეზობელი რეგიონიდან დაიწყოთ, დაიწყეთ შაბათ-კვირით , შემდეგ 1 კვირით გაზარდეთ, შემდეგ მეზობელ ქვეყნებს ეწვიეთ... თუ გინდათ, რომ უფრო მეტი ემოცია და გამოცდილება მოაგროვოთ ნებისმიერი ადგილის შესახებ,რაც შეიძლება მეტი იარეთ ფეხით, დაივიწყეთ რუკა და ის, თუ სად მიდიხართ. აირჩიეთ მიმართულება და წინ იარეთ.

ყოველი შემთხვევისთვის ჩაიწერეთ სასტუმროს მისამართი, თუ უკან დასაბრუნებლად ტაქსი დაგჭირდებათ. იყავით იმპულსური და ხშირად თქვით “დიახ” ადგილობრივის მიპატიჟებაზე, სცადეთ ახალი აქტივობები…. ზუსტად ეს მოულოდნელი და დაუგეგმავი სიტუაციები შემატებს თქვენს მოგზაურობას ხიბლს და შემდეგ საუკეთესო ისტორიად გადაიქცევა . დამიჯერეთ, მოგზაურობა ხანგრძლივ ბედნიერებას ანიჭებს ქალს, რადგან უფრო დიდ ადგილს იკავებს მის ცხოვრებაში ვიდრე მატერიალური ფასეულობები. ახალი მანქანა, ბრენდირებული ტანსაცმელი, აიფონი მოიცდის … თუ ნამდვილად გინდათ მოგზაურობა, შეგიძლიათ განახორციელოთ! ეს ხომ ლამაზი, ამაღელვებელი და მომაჯადოებელი სამყაროა, რომელიც თქვენ გიცდით.

 

ნატალია ბერიანიძის ბლოგი

ასევე დაგაინტერესებთ:


like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.