TOP 10 ადგილი ზამთარში სამოგზაუროდ

ეკონომიკური კრიზისის გამო უამრავი ადამიანის საახალწლო გეგმები შეიცვალა. გთავაზობთ ქვეყნების ჩამობათვალს, სადაც შედარებით იაფად შეძლებთ არდადეგების გატარებას.

 


გრანდვალირა, ანდორა



შესანიშნავი სამთო-სათხილამურო კურორტებით, შოპინგით მისაღებ ფასად და უჩვეულო პეიზაჟებით იზიდავს ანდორა ტურისტებს. გრანდვალირას - ანდორას უმსხვილესი სამთო-სათხილამურო კურორტის განსაკუთრებული ღირშესანიშნაობას ანდორის პირენეების უმაღლესი მწვერვალი წარმოადგენს, საიდანაც დაუვიწყარი, ულამაზესი პანორამა იშლება.


 

ხურგადა, ეგვიპტე



ზამთრის სიცივის სითბოსა და მზეზე გასაცვლელ ყველაზე იაფ საშუალებად ეგვიპტის ხურგადა რჩება - კურორტი, რომელიც უამრავი ტურისტისთვის საყვარელი გახდა. დასვენების გარდა, ხურგადის მზე ლამაზ რუჯს გჩუქნით.



ბანგკოკი, ტაილანდი



თუ გსურთ ახალი წელი პალმებისა და არომატული ორქიდეების გარემოცვაში გაატაროთ, პლიაჟზე დაისვენოთ და იაფად იშოპინგოთ - ბანგკოკი საამისოდ იდეალური ადგილია.



ფხუკეთი, ტაილანდი



ტაილანდური კიდევ ერთი პოპულარული მარშრუტი - კოლორიტული კუნძული ფხუკეთი გახლავთ, რომელმაც ტურისტებში სუფთა სანაპიროებითა და ექზოტიკური სამზარეულოთი გაითქვა სახელი. ახალი წლის სეზონზე ზღვა მშვიდი და გამჭვირვალეა, წვიმა, ფაქტობრივად, არ მოდის.



გოა, ინდოეთი



ტაილანდის ალტერნატივად გოას ასევე ულამაზესი სანაპიროები მიიჩნევა. ზამთარი ტურისტებისთვის იდეალური სეზონია. იაფი დასვენებისთვის გოას ჩრდილოეთ მხარეში უნდა გაემგზავროთ, თუ მეტი კომფორტი გსურთ - შტატის სამხრეთ მხარეში.



პრაღა, ჩეხეთი



პრაღას საახალწლოდ უამრავი ტურისტი სტუმრობს. პრაღაში ყველაფერი ძველი ევროპითაა გაღღენთილი - საშობაო ბაზრობები, თბილი ფუნთუშები და ცხელი ღვინო პირდაპირ ქუჩაში, დათოვლილი სახურავები ზღაპარში გაგრძნობინებთ თავს.



სტამბოლი, თურქეთი



ქართველი ტურისტების საყვარელი ქალაქაქი სტამბოლი - საახალწლო ხანმოკლე დასვენებისთვის შესანიშნავი ადგილია, მით უმეტეს, მაშინ, როდესაც ეკონომიაზე გიწევთ ფიქრი. ზამთარი - ტურისტულად მკვდარი სეზონია, მაგრამ ქალაქის დაუვიწყარი კოლორიტი მაინც ადგილზე რჩება. სწორედ სტამბოლში უყვარდათ ერნესტ ჰემინგუეისა და აგატა კრისტის საახალწლო არდადეგების გატარება, აქ ხომ თითოეული კუთხე-კუნჭული შთაგონების წყაროს წარმოადგენს!



მაირჰოფენი, ავსტრია



ევროპის ერთ-ერთი პოპულარული სამთო-სათხილამურო კურორტი - ავსტრიული მაირჰოფენი, მისაღები ფასებით გამოირჩევა. იგი დისკოთეკებისა და ღამის კლუბების მოყვარულ ახალგაზრდებს იზიდავს. თანაც, მაირჰოფენში ახალბედა მოთხილამურეებისთვის ყველაფერია გათვლილი.



დუბაი, არაბთა გაერთიანებული საამიროები



ქართველი ტურისტების კიდევ ერთი უცვლელი და საყვარელი მარშრუტი - მზიანი დუბაი გიზიდავს თავისი პლიაჟებით, შოპიინგითა და ღამის ცხოვრებით. კომფორტული ტემპერატურა (+25 იანვარში) ზღვაში ყოველდღე ცურვის საშუალებას იძლევა.



საქართველოს კურორტები



თუ არ გსურთ, ახალ წელს სახლიდან შორს, საზღვარგარეთ შეხვდეთ, გადახედეთ საქართველოს ზამთრის კურორტებს. არჩევანი დიდია - მრავალფეროვანი, თანამედროვე კურორტები, დასასვენებელი სახლები და პანსიონატები აუზებით, სათხილამურო ტრასებით, ღამის კლუბებითა და რესტორნებით გთავაზობთ კომფორტულ დასვენებას სახლთან ახლოს.

like
2

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.