ყველაზე უცნაური სააღდგომო ტრადიციები

თუ დავფიქრდებით, ბავშვობიდან ყველასათვის ნაცნობი ტრადიცია, კვერცხების შეღებვისა და შემდეგ ერთმანეთზე დაჭახუნების, საკმაოდ უცნაურია, მაგრამ როგორც აღმოჩნდა, მსოფლიოში არის ადგილები, სადაც ადამიანები გაცილებით უცნაურ და გიჟურ რაღაცებს აკეთებენ აღდგომის დღეებში.

Buty, koszulki, bluzy Męskie

ჩეხეთი

ჩეხეთში არსებობს ტრადიცია, შეღებილი კვერცხების გაცვლისა. თუმცა, ეს ისე არ ხდება, როგორც ჩვენთან. აღდგომაზე, მამაკაცებს სპეციალური მათრახები უჭირავთ, რითაც ქალები უნდა გაშოლტონ. ქალები კი მადლობის გამოსახატად მათ შეღებილ კვერცხებს ჩუქნიან. თუ ადამიანები საკმაოდ დიდები არიან, მამაკაცმა შეიძლება კოცნაც

მიიღოს.
კვიპროსი


კვიპროსზე ტრადიციული კვერცხების გარდა, რომელსაც კუნძულზე მაცხოვრებლები მალავენ, რათა ბავშვებმა არ იპოვონ, დილიდან ახალგაზრდები გამოდიან სანადიროდ ძველ ხის ნივთებზე, რათა დიდი საერთო კოცონი დაანთონ. კოცონი დღესასწაულით მთავრდება. ასე კუნძულელები დღესასწაულსაც აღნიშნავენ და თან, ძველ ნივთებსაც იშორებენ თავიდან.
ნორვეგია


ნორვეგიაში მთელი ოჯახი ერთად იკრიბება და მკვლელობების ისტორიებს განიხილავს. ისინი გამოთქვამენ ვარაუდებს, თუ ვინ არის ბოროტმოქმედი ამ დეტექტიურ ისტორიებში. ეს უცნაური ტრადიცია იმდენად გავრცელდა, რომ ბევრი მსხვილი კომპანია ცდილობს მხარი დაუჭიროს თავის თანამშრომლებს. მაგალითად, ნორვეგიის ტელევიზია პროგრამასაც კი ცვლის, რომ ეთერში მხოლოდ საიდუმლო ისტორიები გავიდეს.
დანია


დანიაში აღდგომა ჰელოუინს უფრო ჰგავს. ბავშვებს აცმევენ მონსტრების, ალქაჯების ან მოჩვენების კოსტიუმებს, დადიან კალათით კარდაკარ და კანფეტებს აგროვებენ. ჰელოუინისგან განსხვავებით, დანიაში ბავშვებმა კანფეტის სანაცვლოდ რაღაც უნდა გასცენ. ხშირ შემთხვევაში ეს ტირიფის ტოტებია.
საფრანგეთი


საფრანგეთში მშობლები უყვებიან ბავშვებს, როგორ დაფრინავენ ცაში ზარები. ეს უკავშირდება განსაკუთრებულ დღეს, სახელად „მდუმარე შაბათი“. აღდგომამდე რამდენიმე დღით ადრე, წყდება ზარების რეკვა, იესოს ხსოვნის პატივსაცემად. მშობლები უხსნიან ბავშვებს, ზარები იმიტომ არ რეკავენ, რომ ისინი ტოვებენ სამრეკლოებს და რომში მიფრინავენ, რათა რომის პაპი ნახონ. როდესაც ზარები ბრუნდებიან უკან, მათ მოაქვთ რომიდან შეღებილი კვერცხები და კანფეტების გირლიანდები.

like
2

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.