სექსი თქვენთვის უმნიშვნელოა? - 5 ნიშანი იმისა, რომ სინამდვილეში „დემისექსუალი“ ხარ

თუკი კონკრეტული პიროვნებისადმი ძლიერ მიზიდულობას გრძნობ, გილოცავ, შენ დემისექსუალი ხარ, ანუ ის, ვინც სექსუალურ მიზიდულობას ძლიერი ემოციური კავშირი მქონე ადამიანთან გრძნობს.

როგორც წესი, ადამიანების დიდ ნაწილს სექსუალური მიზიდულობის განცდა შეიძლება ჰქონდეს უცნობი ადამიანებისადმი, ფოტოზე აღბეჭდილი ადამიანების, სრულიად უცნობების მიმართ, რომლებთანაც არანაირი ემოციური კავშირი არ აქვთ, თუმცა დემისექსუალების შემთხვევაში ასე არ არის.

დემისექსუალისთვის აუცილებელია, გრძნობდეს ძლიერ ემოციურ კავშირს სხვა შემთხვევაში მას არ უჩნდება სექსუალური ლტოლვა.

„ბომონდი“ გიზიარებთ 5 ნიშანს, იმისა რომ სინამდვილეში დემისექსუალი ხართ.

ადამიანის შეხედვისას მის გარეგნულმ ხარეს არ აკვირდებით,
ცდილობთ მისი შინაგანი სამყაროს შესახებ გაიგოთ უფრო მეტი, გინდათ გაიგოთ, თუ რა იმალება გარეგნობის მიღმა. ინტერესდებით მისი შინაგანი სამყაროს შეცნობით. მხოლოდ გარეგნობით თქვენზე შთაბეჭდილების მოხდენა ვერ მოხდება. თუ ადამიანის შინაგანი სამყაროთი მოხობლული ხართ, მხოლოდ მას შემდეგ გიჩნდებათ მისდამი სექსუალური სურვილები, სწორედ ეს ნიშნავს იმას, რომ თქვენ დემისექსუალების რიცხვში ხართ.

მეგობრობაუპირველესყოვლისა. თქვენ არ წახვალთ პაემანზე პიროვნების გაცნობისთანავე. მეგობრული კავშირის დამყარებას ცდილობთ და ამა თუ იმ ახლადგაცნობილ ადამიანს პოტენციურ რომანტიკულ პარტნიორად არ განიხილავთ. თქვენს ცხოვრებაში, როგორც წესი, სასიყვარულო ურთიერთობა მყარ მეგობრულ კავშირს მოჰყვება ხოლმე, შედეგად კი ეს ურთიერთობები საკმაოდ მტკიცე, ხანგრძლივი და სამუდამოა.

პირველი პაემანი ძალიან მნიშვნელოვანია თქვენთვის...


პირველი პაემანი ყველას ცხოვრებაში მნიშვნელოვანია, მაგრამ თქვენ შემთხვევაში ამას განსაკუთრებულად დიდი მნიშვნელობა აქვს. როგორც აღვნიშნეთ, ყურადღებას არა ვიზუალზე, არამედ ემოციურ კავშირზე ამახვილებთ, ყველა დეტალს აქცევთ ყურადღებას, ოდნავ რომანტიკაზეც არ იტყოდით უარს, თუმცა თუკი პარტნიორი არ არის თქვენზე რომანტიკული, ამაზე ხუჭავთ თვალს და უხილავ ძაფებს უფრო მეტ მნიშვნელობას ანიჭებთ.

სექსი თქვენთვის უმნიშვნელოა, ეს არ ნიშნავს რომ სექსი არ გინდათ, რა თქმა უნდა, მიიჩნევთ, რომ სექსი სასიამოვნოა, მაგრამ თვლით, რომ ცხოვრებაში სხვა, გაცილებით უფრო მნიშვნელოვანი და სასიამოვნო რაღაცეებიც არსებობს. ვიღაცისთვის თუ ურთიერთობაში სექსი პრიორიტეტული საკითხია, თქვენ შემთხვევაში ასე არ არის. ასე იმიტომ ხდება, რომ დემისექსუალი ხართ და სულიერი კავშირი უფრო პრიორიტეტულია.

სერიოზული ურთიერთობისთვის ნაბიჯის გადადგმა გაშინებთ. თუ ხედავთ, რომ ურთიერთობა სერიოზულ ფაზაში შედის და მყარი ხდება, ეს ძალიან გაშინებთ. შინაგანად შფოთავთ და საკუთარ თავს ვერაფერს უხერხებთ. გეშინიათ იმის, რომ დროთა განმავლობაში, შესაძლოა, პარტნიორთან ემოციური კავშირი ვეღარ იგრძნოთ, ეს ნორმალურია, ვინაიდან დემისექსუალები ამას დაბრკოლებად აღიქვავენ თავიანთი ფაქიზი ბუნებიდან გამომდინარე, თუმცა გახსოვდეთ, რომ გადაულახავი ბარიერი არ არსებობს.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.