რა უნდა ვიცოდეთ ნარცისულ ძალადობაზე, რომლის მსხვერპლიც გაუცნობიერებლად ვართ

ვიდრე დები ჯენერები, ჰადიდები და სხვა „ინფლუენსერები“ ინსტაგრამზე ფოტოებს აქვეყნებენ კერძო თვითმფრინავებიდან, ატარებენ სამოსს, რომლებიც მაღაზიებში ჯერ არ გამოჩენილა და იდეალური სხეულებით მიირთმევენ ბურგერებს - ამ სურათს თვალს ადევნებენ რიგითი ახალგაზრდა ადამიანები მსოფლიოს გარშემო და მთელი ძალებით ცდილობენ მათი ყოველდღიური ცხოვრების უფრო ნათელი კუთხით ჩვენებას.

 

თუმცა, ლაიქებსა და გამომწერებზე დევნას და უცხო ადამიანების მხრიდან დადებით განწყობას ყოველთვის არ მივყავართ საოცნებო ცხოვრების სტილამდე. ხშირ შემთხვევაში პირიქით ხდება, ეს ზიანს აყენებს მენტალურ ჯანმრთელობას და ყველა სახის დარღვევას იწვევს - ხანგრძლივი აპათიიდან არაადეკვატურ

თვითშეფასებამდე, რაც ყველაზე მტკიცე ურთიერთობებსაც ანადგურებს.


მეცნიერები ირწმუნებიან, რომ მილენიალები(1980-დან 2000 წლამდე დაბადებულთა თაობა)ყველაზე მშფოთვარე თაობაა, მიდრეკილი აპათიის, დეპრესიისა და არაადეკვატური თვითშეფასებისკენ. ამ მოვლენას აქვს სახელწოდება - პიროვნების ნარცისული აშლილობა, რაც ხშირ შემთხვევაში ცხოვრებაზე არარეალისტური წარმოდგენითაა გამოწვეული.


„ნარცისიზმს უამრავი ფორმა და ვარიაცია აქვს: საკუთარი თავისა და შესაძლებლობების არაადეკვატური შეფასებიდან ღრმა პათოლოგიამდე. ნარცისული აშლილობის მქონე ადამიანთან ურთიერთობამ შესაძლა მენტალური ჯანმრთელობა დააზიანოს, ზოგიერთ შემთხვევაში ეს ზიანი შესაძლოა ოჯახური ძალადობის ტოლფასი იყოს“ - განმარტავს რობერტ უესისი, ამერიკელი ფსიქოლოგი.


ნარცისული აშლილობის უკან მხოლოდ მომატებული თვითშეფასება არ დგას - სინდრომის მფლობელები ხშირად მანიპულირებენ ახლო ადამიანებით, აკონტროლებენ მათ ადგილსამყოფელს, შეურაცხყოფას აყენებენ, მეგობრებისგან იზოლირებულად ამყოფებენ, არ გამოხატავენ გულწრფელ ემოციებს და აიძულებენ თავი არასრულფასოვნად იგრძნონ. მკვლევრების აზრით, ასეთი ადამიანების მთავარი მიზანია - გარშემომყოფები მათზე მაქსიმალურად დამოკიდებულები გახადონ.


„ნარცისული ძალადობა სამედიცინო ტერმინი არ გახლავთ. ამ გამოთქმას ფსიქოლოგები მაშინ იყენებენ, როცა ვიღაცის ეგოცენტრიზმი გარშემო მყოფების მენტალურ ჯანმრთელობას აზიანებს - ხშირი ემოციური ზეწოლა იწვევს დეპრესიას და განგაშის მდგომარეობას“ - ამბობს უეისი. იმისათვის, რომ გაექცეთ ან შეამციროთ ნარცისული აშლილობის მქონე პირების მხრიდან ზეწოლა, ექსპერტები გვირჩევენ გავთავისუფლდეთ დამოკიდებულების გრძნობისგან:

„ნებისმიერი ურთიერთობა - ეს ორმხრივი ქუჩაა, თუ ასეთ ადამიანთან ურთიერთობის შენარჩუნება და მენტალური დანაკარგის შემცირება გსურთ, მაშინ პირველ რიგში საკუთარ დამოკიდებულებაზე უნდა იმუშაოთ. ადამიანებს, რომელთა ახლო წრეში ნარცისული აშლილობის მქონე პირები არიან, დიდი მხარდაჭერა და გაგება სჭირდებათ“.

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.