დაიყვანეთ სტრესის დონე მინიმუმამდე - ხრიკები, რომლებიც განტვირთვაში დაგეხმარებათ

იმისათვის, რომ სტრესის დონე მინიმუმამდე დაიყვანოთ, რომელიც ჩვეულებრივთან შედარებით ბოლო პერიოდში განსაკუთრებით დიდი დოზით გვაქვს, აითვისეთ მარტივი ვარჯიშები, რომლებსაც ამ სტატიაში შემოგთავაზებთ.




ისინი დაგეხმარებათ სულიერი წონასწორობის შენარჩუნებაში კრიზისისა და ქაოსის დროს:



№1. მოადუნეთ კონტროლი



ძალიან ხშირად ვცდილობთ ყველაფრის კონტროლს, ეს მიდგომა საკმაოდ დამღლელი და როგორც წესი არაეფექტურია. ჩვენი სულიერი მხარე შესუსტებას განიცდის, ჯანმრთელობა გვიუარესდება და ნაკლებად შრომისუნარიანები ვხდებით. ამიტომ უნდა ისწავლოთ რაღაცეების „გაშვება“,არ იცით როდის დაუბრუნდებით სამსახურს კარანტინის შემდეგ? ნუ გაკიცხავთ საკუთარ თავს, სიტუაცია ამჟამად თქვენზე არ არის დამოკიდებული. შეადგინეთ

იმ ნივთების სია, რომლის კონტროლიც არ გეხერხებათ, ეს მოგცემთ საშუალებას შეხედოთ სიტუაციას გვერდიდან და დასვათ სწორი კითხვები: რამდენად მნიშვნელოვანია ეს სიტუცია, ჩემი აზრით? რა მოხდება თუკი ვერ გადავჭრი ამ პრობლემა? რა შემიძლია მოვიმოქმედო ამ დროს?


№2 გადაერთეთ თქვენს სხეულზე



ჩვენი ტვინი საკმაოდ ზარმაზია და როგორც წესი 24/7-ზე მუშაობს გამუდმებით ერთიდაიგივე კითხვების გარშემო. ჩვენ ვერ ვამჩნევთ ამას, მაგრამ ეს ნამდვილად განაპირობებს დაღლას. როგორც წესი ნეგატიური აზრები მიმართულია სტრესულ სიტუაციებზე - კოლეგასთან კამათი, ნეგატიური ამბები საინფორმაციო წყაროებიდან, ოჯახში კონფლიქტი. ჩვენ გამუდმებით იგივე სცენას ვაწყდებით სხვადასხვა სიტუაციებში. კარგი ვარიანტია ამ „ატრაქციონის“ დამშვიდება - სხეულთან კომუნიკაციის აღდგენით. დაუთმეთ დღეში 10 წუთი თქვენი სხეულის „დასკანერებას“. შეათვალიერეთ თითოეული ნაწილი, ფეხები, ხელები, ზურგი, თავი. ასე თანდათან მოიხსნით დაძაბულობას და გონება გადაიტვირთება. შეგიძლიათ გაიკეთოთ მასაჟი ლოსიონის გამოყენებით. გადაერთეთ ქაოსიდან ფიზიკურ შეგრძნებებზე და ასე გადალახავთ სტრესს.


№3. დაკავდით სოფროლოგიური ვარჯიშებითა და კოგერენტული სუნთქვით



სოფროლოგია - მარტივი ფიზიკური მოძრაობების კომპლექსია, რომელიც სხეულის შეგრძნებებზეა ორიენტირებული და გეხმარებათ განტვირთვაში. ეს პრაქტიკა განკუთვნილია მათთვის ვისაც მედიტაცია უჭირს. კიდევ ერთი პრაქტიკა, რომელიც აგრეთვე ეფექტურია კოგერენტული სუნთქვაა. ვარჯიშის ჩატარება შესაძლებელია ნებისმიერ პოზაში, სიარულის დროსაც კი.
მოადუნეთ კისერი და მხრები მაქსიმალურად იმ დონეზე რომ კისრის და მხრების კუნთები გადაიქცეს სუნთქვის პროცესის ნაწილად.

ჩაისუნთქეთ ჰაერი ნელ-ნელა ცხვირის მეშვეობით, დაითვალეთ ხუთამდე, ამ დროს მუცელმა უნდა აიწიოს ზემოთ, ხოლო მკერდი შეეცადეთ გაუნძრევლად დარჩეს.

ამოისუნთქეთ ნელა, დაითვალეთ ხუთამდე და შეეცადეთ მაქსიმალურად გამოუშვათ ჰაერი და დაიცარიელოთ ფილტვები. ჩასუნთქვა და ამოსუნთქვა უნდა იყოს მშვიდი და თანაბარი.


№4. ისწავლეთ პოზიტიური ვიზუალიზაცია

 



ზოგჯერ, ჩვენგან დამოუკიდებლად გონება ნეგატივისკენ „გარბის“, რაც ხელს გვიშლის განტვირთვასა და რაიმე კონკრეტულზე ფოკუსირებაში. ამიტომ ასეთ დროს პოზიტიური ვიზუალიზაცია მნიშვნელოვანია, მიმართეთ ყურადღება იმ ადგილისკენ, ნივთისკენ ან ადამიანისკენ, რომელიც ღიმილს გგვრით და დადებითად გმუხტავთ, ეს ტექნიკა ეფექტურად გამოიყენება სოფროლოგიაშიც. შეგიძლიათ გახსნათ კომპიუტერში ლამაზი პეიზაჟები, ხელოვნების ნიმუშები, გადახედოთ ფოტოებს, რომელიც სასიამოვნო მოგონებებთან ასოცირდება, გაიხსენოთ სურნელი, ხმები. ეს ოპტიმიზმით აგავსებთ რაც დღის წარმატებულად გაგრძელებაში დაგეხმარებათ.

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.