მარია გრაცია კიური ეძებს პასუხს კითხვაზე "რა მოხდებოდა სამყაროს ქალები რომ მართავდნენ?"

ფრანგული მოდის სახლმა თავიანთი ბოლო კოლექციის ჩვენებამდე, სოციალურ ქსელებში ვირუსული ვიდეორგოლი ჩაუშვა კითხვით, "რა მოხდებოდა სამყაროს ქალები რომ მართავდნენ?" ამ კითხვაზე პასუხს კი არაერთი ცნობილი სახე, მსახიობი, მომღერალი და მოდელი გამოეხმაურა. სინამდვილეში როგორ იქმნებოდა ბანერები Christian Dior-ის უმაღლესი მოდის ჩვენებისთვის? და როგორ შექმნა სინამდვილეში მხატვარმა, ჯუდი ჩიკაგომ, ინდური სამკერვალო სკოლის “ჩანაკიას” მოსწავლეებთან ერთად 21 ტილო ჩვენებისთვის?


სპეციალურად უმაღლესი მოდის ჩვენებისთვის Christian Dior-ის სახლმა გაზაფხული-ზაფხული 2020-ის კოლექციაზე სამუშაოდ, მარია გრაცია კიურიმ, მიიწვია მხატვარი ჯუდი ჩიკაგო, რომელსაც დეკორაციის შექმნა დაავალა. ამჯერად ინსპირაციის
წყარო აღმოჩნდა ჯუდის ინსტალაცია “საგანგებო ვახშამი”, რომელიც 1974-1979 წლებში შეიქმნა. ნამუშევარი მთლიანად მიეძღვნა სხვადასხვა ეპოქის ძლიერ ქალებს.



ჩვენებაზე მოდელები გამოდიოდნენ პოდიუმზე საგანგებოდ ხელით დამზადებული ბანერების ფონზე, რომელზეც შენიშნავდით წარწერებს What if women ruled the world?



წარწერებიანი ბანერების შესაქმნელად ჩიკაგომ 150 სტუდენტი ჩამოიყვანა ინდოეთიდან, კერძოდ მუმბაის სკოლა “ჩანაკია”-დან. თითოეული ბანერი სიგრძით 3 მეტრი 2 მეტრზე იქმნებოდა 500-დან 2800 საათის განმავლობაში. ეს იყო ინდოელი მოსწავლეებისთვის საკმაოდ მნიშვნელოვანი გამოცდილება, ვინაიდან მათი მთავარი მისია იყო ინდოეთში ძლიერი ქალების გამოვლენა, რომელთა შრომამაც ტრადიციული წესების შენარჩუნება და გაერთიანება მოახდინა. საბოლოო ჯამში შოუსთვის 21 ტილო შეიქმნა.



ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.