როგორია იდეალური ქალი გიორგი ნაზღაიძის წარმოდგენაში

თქვენ ფიქრობთ, რომ კარგად იცით, როგორი უნდა იყოს ქალი, რომელიც მამაკაცს მოეწონება? თვლით, რომ ყველა თვისება გაქვთ იმისთვის, რომ წესით ადვილად უნდა დაიპყროთ მამაკაცის გული? ხოლო, თუ ასე არ ხდება, ეს მხოლოდ იმის ბრალია, რომ მამაკაცები ვერ ამჩნევენ თქვენს ღირსებებს?

წარმოგიდგენთ ინტერვიუს ტელე-რადიო წამყვანთან და დიზაინერთან, გიორგი ნაზღაიძესთან. მოდით, ვნახოთ, როგორია იდეალური ქალი მის წარმოდგენაში.

 

გიორგი, პირველ რიგში, რას აქცევ  ყურადღებას ქალის გაცნობისას?

პირადად მე, პირველ რიგში ქალის გარეგნობას, აზროვნებას და ქცევას ვაქცევ ყურადღებას.


 რა არის შენთვის ყველაზე მნიშვნელოვანი ქალის გარეგნობაში?
ყველაფერი. სხეულიდან

დაწყებული, ხელის თითებით დამთავრებული. ამიტომ, პირადად ჩემთვის, იდეალური ქალის პოვნა ძალიან რთულია.


 როგორი უნდა იყოს ქალი, რომელიც მოგეწონება?
უნდა იყოს მომხიბვლელი, სექსუალური, შარმიანი. თავში თივის ნაცვლად წიგნები უნდა ჰქონდეს და იცოდეს რა არის ცხოვრება! შესაბამისად, აზროვნება და მეტყველება უნდა შეეძლოს კარგად, არ უნდა იყოს სულელი და მიამიტი. რაც მთავარია, უნდა იყოს ძლიერი, დამოუკიდებელი და არ უნდა იყოს მიჯაჭვული მამაკაცზე.


 რა გაღიზიანებს ყველაზე მეტად ქალში?
ყველაზე მეტად, უინტელექტო ქალები მაღიზიანებენ. ასევე, უწიგნური, უგემოვნო და სულელი ქალები.


 რა განსაზღვრავს შენთვის ქალის სექსუალურობას?
მისი საუბრის, სიარულის, ქცევის მანერა; გამოხედვა, გარეგნული იერი, ჩაცმულობის სტილი და რაც მთავარია, როგორია საწოლში.


გაიხსენეთ შენი პირველი სიყვარული. რა მოგეწონა მასში?
ჩემი პირველი სიყვარული, დაახლოვებით 18 წლის წინ იყო. მისი სახე ახლაც ცხადად მახსოვს და არ მავიწყდება: - ხორბლისფერი კანი, გრძელი და სწორი თმა, ლამაზი თვალები და დაუვიწყარი ღიმილი, რომელიც ყოველთვის ანათებდა მის სახეს. ამ გოგომ დანახვისთანავე შოკში ჩამაგდო.


გაქვს თუ არა რაიმე განსაკუთრებული მეთოდი, ქალების ყურადღების მოსაპოვებლად?
არ ვიცი. ქალებთან მიმართებაში ყოველთვის ბუნებრივი ვარ და არასოდეს ვთამაშობ.


დაალაგე მიმდევრობით შენთვის სასურველი კომპონენტები:
ა) ინტელექტი;
ბ) ვიზუალი;
გ) იუმორის გრძნობა;
დ) ხასიათი.
მე ასე დავალაგებდი: - ბ); დ); ა); გ);


შენი  დამოკიდებულება ქალის მაკიაჟის მიმართ?
ჩემი აზრით, ქალს სადა მაკიაჟი უნდა ჰქონდეს და არა ისეთი, როგორიც ჩვენს ქალაქში ყოველ მეორე გოგოზეა აღბეჭდილი: - მძიმე და არასწორად დახატული. ჩემი აზრით, ყოველდღიურად არც არის საჭირო მაკიაჟის გაკეთება.


 რა უნდა გააკეთოს ქალმა, რომ საყვარელი მამაკაცისთვის მუდამ სასურველი დარჩეს?
ყველა კაცი ინდივიდუალურია და ყველას თავისი მოთხოვნები აქვს. ზოგისთვის მთავარია, რომ ქალი სექსში იყოს მაგარი, ზოგისთვის სამზარეულოში, ზოგისთვის აუცილებელი პირობაა, რომ ქალი მუშაობდეს. პირადად ჩემთვის, ქალი მუდამ სასურველი რომ დარჩეს, მან თავად უნდა გამოიცნოს და დაიჭიროს ჩემში ის რაღაც, რაც მჭირდება, როგორი უნდა იყოს ქალი, რომელიც ჩემთვის ყოველთვის სასურველი იქნება? - ეს მათზეა დამოკიდებული. ჯერჯერობით არავის გამოსვლია, თორე ნამდვილად მოვიყვანდი ცოლად იმ ერთადერთს.

like
1

კომენტარები

nona uriadmkopeli 2016-06-12 06:46
giorgi saocnebo kacia .

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.