მოდა & სტილი

სალუტ! - ეს ჩემი პირველი პოსტია ბომონდისთვის და ამიტომ ვიფიქრე, რომ უმჯობესი იქნებოდა ყოფილიყო გაცნობითი სახის.
მოკლედ, ვარ სალი ბააზოვი, 25 წლის. მაქვს ბლოგი www.salisdiary.com სადაც ვწერ მოდაზე და მის შემადგენელ კომპონენტებზე, როგორიცაა: თავის მოვლა,makeup, ჯანსაღი ცხოვრების სტილი, სწორი კვება და რაც მთავარია, ვწერ ყველაფერ იმას, რაც მომწონს და არ მომწონს.

სწორედ ამიტომ დავარქვი ჩემს ბლოგს ,,სალის დღიური”, რაც ნიშნავს - მეტი გულწრფელობა და ნაკლები გაფორმებული ფრაზები.
ჩვენი ურთიერთობაც ამ კუთხით განვითარდება. ჩემი მიზანია, ტექსტები რაც შეიძლება მარტივად საკითხავი და

ახლის მომცემი იყოს.



- რა არის ჩემთვის მოდა? ჩემი მკითხველები საკუთარი ,,მეს” ძიებაში ხშირად მეკითხებიან : ,, იმ შემთხვევაში, თუ მოდურად შევიმოსები, თვალყურს მივადევნებ ბოლო სიახლეებს და ტენდენციებს, ნიშნავს ეს თუ არა იმას, რომ მე საკუთარი განუმეორებელი სტილი მექნება, რომელიც გამომარჩევს ირგვლივ მყოფი ადამიანებისგან?

- მსგავსი ტიპის კითხვები ხშირია, ამიტომ მინდა განვიხილო დღეს, თქვენთან ერთად ეს ორი ტერმინი, როგორიც არის - სტილი და მოდა. - რით განსხვავდებიან ისინი ერთმანეთისგან და რატომ ვიყენებთ ხშირად, ამ ორი სხვადასხვა აზრის მატარებელ სიტყვას ერთად?



მოდა - წარმოდგება ფრანგული სიტყვიდან - mode და ლათინურიდან - modus, რაც ნიშნავს ზომიერებას, წესს, უნარს. მოდა არ არის სამუდამო. ის ცვალებადია. ერთგვარი ცოცხალი მამოძრავებელი იმპულსია სიახლისკენ, ძიებისკენ და ხელოვნებისკენ. მოდა არის ფორმის და იერის ცვლილება გარკვეული დროის განმავლობაში.

გამოხატულება, იყო ჩაცმული მოდურად, ფრანგულად ჟღერს, როგორც -a la mode, წარმოიშვა მე-17 საუკუნეში, როდესაც საფრანგეთის სამეფო კარზე არსებული მოდა გახდა მაგალითი ევროპისთვის.

მისი დაბადების ზუსტი თარიღი და ადგილმდებარეობა დაუზუსტებელია და სხვადასხვა ქვეყნები დღემდე კამათობენ იმის შესახებ, თუ სად დაიბადა ცნება - მოდა. ექსპერტების უმრავლესობა ამტკიცებს, რომ ეს საფრანგეთში მოხდა.



ტყუილად არ ამბობენ, რომ ნებისმიერი წარმატებული დიზაინერის ოქროს გასაღებია, როდესაც ის ზუსტად ხვდება საზოგადოების განწყობას. პირველ რიგში, მოდა სწორედ რომ სოციუმის განწყობას, ოცნებებსა და იდეალებს კარნახობს. ასევე, კონკრეტულ პერიოდებს წარსულიდან თუ მომავლიდან...


ხომ გახსოვთ, როგორი წარმატებული იყო კრისტიან დიორის მოდის სახლი ომის შემდეგ? იმიტომ, რომ საზოგადოება მოწყურებული იყო სილამაზეს და ქალურობას. ხოლო დიორმა ,,დაიჭირა” მათი განწყობა და ოცნებები რეალობად აქცია.



ბევრი ფაქტორი შეიძლება გახდეს მოდის მკარნახებელი, მაგალითად ქალური სხეულის იდეალები და სილამაზის სტანდარტები. სამოსი, რომელიც ხაზს უსვამს ამ იდეალებს, ხდება მოდური. იწყებენ მის მასიურად ტარებას და ის ხდება პოპულარული. მოკლედ რომ ვთქვათ, მოდა არის ერთგვარი სარკე, რომელიც ასახავს საზოგადოებას.



იყო მოდური, ერთგვარი ნიშანია იმისა, რომ სოციუმში დაიმკვიდრო თავი, სადაც ჩვენ გვაფასებენ სამოსის მიხედვით და რა თქმა უნდა, რაც არ უნდა ცინიკურად ჟღერდეს, მოდა - ეს ბიზნესია. მოთხოვნა ზრდის წარმოების რაოდენობას, ისევე, როგორც სხვა ნებისმიერ ბიზნესში.


მოდის ძირითადი აზრი მდგომარეობს ადამიანის მიერ ახლის ძიებისა და მუდმივი განვითარებისკენ სწრაფვაში.

  • წინა
like
2

კომენტარები

gvantsa 2016-04-06 13:42
am statiit didad verc me avgprtovandi ragac eklda ...zerele iyo da zedapiruli
MON.EX 2016-03-27 15:45
Zalian konkretulii,lakonuri da yvelastvis gasagebi enit dacerili Statia..gulaxdiloba da ubraloeba rasac zalian vafaseb!!!da rac zaliaan ishviatia modis Speroshi!!!aseve pirveli statiiaa da namdvilad verikneba modis tendenciebze mimartuli rodesac bloggeri tavs gacnobs da zogad mimoxilvas aketebs!!!!bevrii carmatebebi salis da bevri bogmianis gulze gaxetkva !
MON.ex 2016-03-27 15:37
Fadhion-designerin
anna 2016-03-27 01:12
rac wavikitxet ,sakmaod uintereso da mscralia.tan kvelasatvis cnobili masalaa.rame upro saintereso da axali scemogvtavaze.stilisa da modis gansxvaveba dz.sasacilodaa gadmocemuli.modis tendeciebze gaamaxvile kuradgeba mikibul mokibulis garesce.

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.