ანუკი არეშიძე: "ყველაფერი, რაც street style-ში გამოჩნდება, ბესთსელერი ხდება"

ქართული ბრენდი ANOUKI - ახალი თაობის ლეიბლია. იგი ძალზედ პოპულარულია სოციალურ ქსელებში, მისი შემქმნელი ანუკი არეშიძე - street style-ის ვარსკვლავი და წარმატებული ბიზნესმენი გახლავთ.

 

Mercedes-Benz Kiev Fashion Days  ჩვენებამდე ერთ-ერთმა მოდურმა პორტალმა დიზაინერისგან ინტერვიუ აიღო და მას მომავალი სეზონის ტენტენციებზე, ბიზნესზე, სოციალური მედიის ზემოქმედებაზე და ბრენდის მიმართ ბაიერების ინტერესზე ესაუბრა.

გთავაზობთ ინტერვიუს უცვლელად.


- ბრენდი ANOUKI 2013 წელს შეიქმნა, მანამდე თქვენ ევროპის სხვადასხვა უნივერსიტეტში მიიღეთ განათლება. როდის გაგიჩნდათ სურვილი, დიზაინერი გამხდარიყავით?

 

- ჯერ კიდევ ბავშვობაში მომწონდა ტანსაცმლის გადაკეთება და მსურდა საკუთარი

მოდელების შექმნა, მაგრამ საბოლოოდ 2009 წელს ჩამოვყალიბდი, როდესაც მილანის დიზაინის სკოლაში ჩავაბარე (Istituto Marangoni, Accademia del Lusso), სწორედ იქ დამეხმარნენ გამეგო, რა მიმართულებით მსურს მუშაობა.

- მიუხედავად იმისა, რომ ბრენდი ახალია, იგი დიდი პოპულარობით სარგებლობს სოციალურ ქსელებში, ისევე როგორც თქვენი პირადი გვერდი. თქვენი აზრით, რამდენად მნიშვნელოვანია სოციალური მედია ახალი დიზაინერების განვითარებისთვის?

 

- სოციალური მედია ახალი მოდური ბრენდების განვითარებაში ძირითად როლს თამაშობს, რა თქმა უნდა, ჩვენთვისაც: ადგილობრივმა და უცხოელმა კლიენტებმა სწორედ მათი დახმარებით შეიტყვეს ANOUKI-ს შესახებ.

 

- თავიდანვე ბრენდი აქტიურად არის წარდგენილი ევროპულ გამოფენებსა და პარიზის შოურუმში More Dash. რატომ არის თქვენთვის მნიშვნელოვანი პრეზენტაციები მოდის მთავარი კვირეულების მსვლელობისას?

 

- პირველ რიგში, ჩვენი ბრენდისთვის ეს გახლავთ უდიდესი შესაძლებლობა, რადგანაც მუდამ უმაღლესი ხარისხის ტანსაცმელს ვკერავთ. ჩვენთვის მნიშვნელოვანია, ქვეყნის გარეთ რაც შეიძლება მეტმა ადამიანმა იხილოს კოლექცია ცოცხალ რეჟიმში, ასევე შოურუმები გახლავთ ადგილი, რომელსაც ცნობილი ბაიერები, ბლოგერები და ჟურნალისტები სტუმრობენ.

- როგორ რეაგირებენ თქვენს კოლექციაზე ბაიერები? რა რჩევებს გაძლევენ კოლექციასთან დაკავშირებით?

- ჩვენმა ტანსაცმელმა თავიდანვე მიიპყრო ცნობილი მაღაზიების ყურადღება, რადგანაც უმაღლეს ხარისხს ვთავაზობთ, ეს მაღაზიები, ასე ვთქვათ, "რისკავენ" და წარადგენენ ჩვენს ნაწარმს ტოპ-ბრენდების გვერდიგვერდ.

- რამდენ მაღაზიაშია ბრენდის ტანსაცმელი წარდგენილი?

 

-Harvey Nichols Hong Kong, D-Mop Hong-Kong, Isetan Japan, Rare Market Korea, Lyyk (4 მაღაზია რუსეთში) More is Love.

 

- არის მაღაზიები, სადაც ისურვებდით მოხვედრას?

 

- Net-A-Porter, 10 Corso Como, Antonia Milano, – აი, რამდენიმე სახელი!

- თქვენი ტანისამოსი და პირადად თქვენ ხშირად ხდებით სთრით-სთაილის გმირები. რატომ გაინტერესებთ ეს თამაში?

 

- ეს არის საუკეთესო საშუალება, რათა ფართო საზოგადოებას წარვუდგინოთ ბრენდი ANOUKI.

 

- სთრით-სთაილის ფოტოების პუბლიკაცია ეხმარება გაყიდვებს?

 

- ყველაფერი, რაც street style-ში გამოჩნდება, ბესთსელერი ხდება.

 

- ახალ სეზონში კოლექციას Mercedes-Benz Kiev Fashion Days-ზე წარადგენთ, რატომ აირჩიეთ კოლექციის პრეზენტაციისთვის ეს ადგილი?

- ბოლო რამდენიმე სეზონის განმავლობაში კიევის მოდის კვირეული საერთაშორისო მედიის ყურადღებას სულ უფრო იქცევს და აღმოსავლეთ ევროპაში ეს ყველაზე წარმატებული მოდის კვირეული გახლავთ. კიევი ჩემი ერთ-ერთი საყვარელი ქალაქია და ჩემთვის მნიშვნელოვანია ჩვენების სწორედ ამ ქალაქში გამართვა.

 

- რას უნდა ველოდოთ ბრენდისგან ამ სეზონში?

 

- ჩვენი ბრენდი საკუთარი სტილის ერთგული რჩება და სთავაზობს ქალურ სილუეტებს, რომელიც ხელით არის შექმნილი, ასევე ექსკლუზიური ფეხსაცმლის უამრავ მოდელს.

- თავიდან რომ მოგეცეთ კარიერის არჩევის შესაძლებლობა, ისევ დიზაინერი გახდებოდით?

 

- დიახ, რა თქმა უნდა.

 

წყარო: fw-daily.com

like
2

კომენტარები

mamıs saxelıc xom ar gındat
Tavshlıto da raga dsvtero
2016-08-05 11:05
teo
anuki super :*
2016-01-27 12:36

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.