ცნობილი ვარსკვლავების ლეგენდარული „ლუქები“ ჩვენი საყვარელი ფილმებიდან

ფილმის ყურებებისას ყურადღება ხშირად არა მარტო შინაარსზე, არამედ პერსონაჟიების სტილისა და ხასიათის სწორად შეთავსებაზეც მახვილდება.

მნიშველოვანია სწორი კავშირი პერსონჟის პიროვნულ თვისებებს, ხასიათსა და ჩაცმის სტილს შორის. გთავაზობთ დასამასოვრებელ ლუქებს კინოსამყაროდან, რომლებსაც დრომ და ტრენდენციებმა ვერაფერი დააკლო.

Pretty Woman

კოსტიუმების დიზაინერმა მერილინ ვანსმა ფილმში „ლამაზმანი“ ჯულია რობერტის პერსონაჟის ვივიენ უორდის ტრანსფორმაცია მსუბუქი ყოფაქცევის ქალიდან ელეგანტურ, დახვეწილ ქალბატონამდე საუკეთესოდ ასახა ჩაცმის სტილის მეშვეობით. წითელი კაბა კი, რომელიც ვივიენს ოპერაში აცვია რამდენიმე ცნობილი დიზაინერისთვის, მათ შორის Christian Dior-ისთვისაც კი ინსპირაციის წყაროდ იქცა.


Breakfast
at Tiffany’s


1961 წელს გამოსული კომედიური ჟანრის ფილმში „საუზმე ტიფანისთან“ მთავარ როლს სილამაზის სიმბოლო ოდრი ჰეპბერნი თამაშობს. მიუხედავად იმისა, რომ ფილმის გამოსვლიდან 50 წელზე მეტი გავიდა, ფრანგული მოდის გურუს Hubert de Givenchy-ის მიერ შექმნილი შავი კაბა, რომელიც პირველივე კადრებში ოდრის პერსონაჟს ჰოლი გოლაითლის აცვია საკმაოდ მოთხოვნადი და ტრენდულია. პერსონაჟის ჩაცმის სტილი დახვეწილი, გლამურული ქალბატონის შესაფერისია.


Scarface

კოსტუმების დიზაინერმა, პატრისია ნორისმა, 1983 წელს დაუვიწყარი ლუქები შექმნა მიშელ ფაიფერის პერსონაჟისთვის, ელვირა ჰენქოქისთვის, ფილმში „ნაიარევი სახე“. ელვირას სტილი თამამი და ამავდროულად გლამურულია, რაც ზუსტად უსვამს ხაზის პერსონაჟის ხასიათს.


The Seven Year Itch

ალბათ არ არსებობს ადამიანი, ვისაც ერთხელ მაინც არ უნახავს ლეგენდარული კადრი, რომელზეც მერლინ მონრო აფრიალებულ კაბას იჭერს. ფილმში სექსსიმბოლოდ აღიარებულ მსახიობს არაერთი დასამახსოვრებელი, საოცარი გემოვნებითა და ელემენტებით დატვირთული ლუქები აქვს მორგებული, რომლებზეც კოსტუმების დიზაინერბმა უილიამ ტრავილამ და ჩარლზ ლემარმა იზრუნეს.


Atonement

დიზაინერმა Jacqueline Durran-მა ფილმისთვის “მონანიება“ თანამედროვე კინოინდუსტრიის ყველაზე ინსპირაციული და ლამაზი, 1940-იანი წლების სტილის მწვანე კაბა შექმნა კირა ნაითლის პერსონაჟისთვის.


The Great Gatsby

კოსტუმების დიზაინერმა ქეთრინ მარტინმა მიუჩია პრადასთან კოლაბორაციით ბაზ ლურმენის ფილმის „დიდი გეთსბისთვის“ შექმნილი ლუქებით ზუსტად ასახა 1920-იანი წლების ამერიკა და მისთვის დამახასიათებელი მდიდრული, საოცრად დახვეწილი ჩაცმის სტილი.


The Sex And The City

„სექსი დიდ ქალაქში“, სატელევიზიო შოუს ერთ-ერთი მთავარი მახასიათებელი და ამოსავალი წერტილი ქერი ბრედშოუს ჩაცმის სტილი და ელეგანტური ლუქებია. მოგვიანებით კოსტუმების დიზაინერმა, პატრისია ფილდმა, განაცხადა, რომ მისთვის ინსპირაცია ამ პერსონაჟის ჩაცმის სტილის შესაქმენლად თავად ნიუ იორკი იყო. ქერი ბრედშოუს ყველა ლუქი ასახავს მის ემოციურ მდგომარეობას ან პირდაპირ კავშირს ნიუ იორკის ცხოვრების სტილთან.


The Devil Wears Prada

კოსტუმების დიზაინერი პატრისია ფილდი ზუსტ აქცენტებს ეთებს პერსონაჟების ჩაცმის სტილთან დაკავშირებით, რითიც ხაზს უსვამს ფილმში მის სტატუსსა და შეხედულებებზე სხვადასხვა საკითხთან დაკავშირებით. გამონაკლისი არც „ეშმაკს აცვია პრადა“ გამოდგა, სადაც მერილ სტრიპისა და ენ ჰეთუეის საოცარი სამსახიობო ტანდემი მათი პერსონაჟების ჩაცმის სტილმა კიდევ უფრო წარმატებით გამოაჩინა.

დეა კოლოტაური

like
2