დედოფალ ვიქტორიას საკულტო ქორწილი, რომელმაც ”თეთრი კაბის” კულტურა დაამკვიდრა

კოსტიუმების ისტორიაში მყარად დამკვიდრებული ვიქტორიანული სტილი 2017 წელს არაერთი მოდის სახლის შთაგონებაა.

მათ შორის, ლელა ელოშვილის ELOSHI-ს დიდი ზომის ბომბერებზეც შენიშნავთ მაისურ საყელოებს და ატლასის ბანტებს. თუმცა, ბევრმა არ იცის,

რომ დედოფალ ვიქტორიას სამეფო ქორწილი საქორწილო ტენდენციის დამამკვიდრებელ მოვლენად იქცა: სწორედ 1840 წელს, როდესაც მონარქი პრინც ალბერტზე დაქორწინდა, თეთრი კაბის კულტურა შეიქმნა.


ისტორიამ დღემდე ბევრი მოვლენა შემოინახა, რომელთა დამსახურებითაც ვიქტორიას ქორწილი საყოველთაოდ საინტერესო მოვლენას წარმოადგენს, ამიტომაც, 1840 წლის 10 თებერვლის შესახებ რამდენიმე ფაქტს გაგაცნობთ:
ვიქტორიას მოკრძალებული ცერემონიის გამართვა სურდა. 
დედოფალს პომპეზური ქორწილის გადახდა სულაც არ უნდოდა, მაგრამ ამის აუცილებლობაში მისმა პირველმა პრემიერ-მინისტრმა და ახლო მეგობარმა - ლორდ მელბურნმა დაარწმუნა. სწორედ ვიქტორიამ გახადა პოპულარული თეთრი საქორწილო კაბა.


ქორწილებში თეთრი კაბები ადრეც ეცვათ, თუმცა თეთრი ფერი ეტიკეტის ნაწილს არ შეადგენდა. ვიქტორიამ თეთრ ფერს უპირატესობა რამდენიმე მიზეზის გამო მიანიჭა: სურდა, უკეთ წარმოეჩინა ლამაზი მაქმანი, თანაც იმ პერიოდის ინგლისში მაქმანის მქსოველებს კრიზისი ჰქონდათ და დედოფლის გათვლით, თუ თავად არჩევანს სწორედ ამ ქსოვილზე შეაჩერებდა, მას მაღალი წრის დანარჩენი ქალბატონებიც მიჰბაძავდნენ, შედეგად - მქსოველებს შეკვეთები გამოუჩნდებოდათ და ინდუსტრიაც განვითარდებოდა. ვიქტორიამ ქორწილის ეტიკეტის ტენდენციაც დაამკვიდრა: გამოაცხადა, რომ ცერემონიაზე მის გარდა არავის ჰქონდა თეთრი ფერის კაბის ჩაცმის უფლება და საკუთარი კაბის თარგიც კი გაანადგურა, იმავე ფორმის კაბა სხვასაც რომ არ შეეკერა.


კაბის გარდა, დედოფალი ქორწილში რამდენიმე მნიშვნელოვანი აქსესუარით გამოირჩეოდა, ესენია:
თურქული ბრილიანტის საყურე, პრინცის საჩუქარი - საფირის ბროში, სატინის თეთრი ფეხსაცმელი, ლაიკის ხელთათმანები, მირტის ფოთლების ფორმის გვირგვინი. ვიქტორიას ხელში ფორთოხლის ყვავილების თაიგული ეკავა, რაც ასევე ფატაზეც იყო ამოქარგული.


მეჯვარეების არჩევასთან დაკავშირებით პატარა გაუგებრობა მოხდა
პრინც ალბერტს სურდა, ხელისმომკიდე ქალბატონები რეპუტაციის მიხედვით შეერჩიათ, თუმცა ვიქტორიამ ქმრის თხოვნა ყურად არ იღო და 12 ხელისმომკიდეს საპატიო პასუხისმგებლობა თავიანთი ჩინით მიანიჭა. თავადვე იზრუნა მათი თეთრი კაბების და არწივის გამოსახულების მქონე ბროშების დიზაინზეც, - საბოლოოდ კი ის ბროშები ქალბატონებს სამახსოვროდ აჩუქა.


ქორწილის დღეს გაუჩერებლად წვიმდა თუმცა ამინდმა ხელი ვერ შეუშალა ხალხს, ქუჩაში შეკრებილიყვნენ და ეცქირათ, როგორ მიჰყავდათ ოქროს ეტლით პატარძალი წმინდა ჯეიმსის სასახლეში. ცერემონია ეკლესიაში გაიმართა, შემდეგ კი მარხვა დაიწყო საქორწილო ცერემონია წმინდა ჯეიმსის წითელ და ოქროსფერ ფერებში გადაწყვეტილ სამეფო კაპელაში გამართეს, თუმცა ვიქტორიას იქაურობა საშინლად არ მოსწონდა. ამიტომაც, როგორც კი ცერემონია დამთავრდა, კაბა გამოიცვალა და მარხვის დაწყების აღსანიშნავად უზარმაზარი ქუდი დაიხურა, შუადღის 4 საათზე კი კაპელა პრინცთან ერთად დატოვა და უინძორის სასახლეში გაემგზავრა, სადაც ქორწილის ღამე გაატარეს.


დედოფალი საქორწილო მოგზაურობიდან ნაადრევად დაბრუნდა. პრინცს იქ 2 კვირა სურდა დარჩენა, თუმცა ჯერ მხოლოდ 20 წლის მონარქი საკუთარ პასუხისმგებლობებს სრულად აცნობიერებდა და ქმარს აუხსნა, რომ საქმეს ამდენი ხნით ვერ მოსწყდებოდა.

ტექსტი: ქეთი ფოფხაძე

ჟურნალი ”ბომონდი”

თებერვლის ნომერი

წყარო: VOGUE

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.