ახალგაზრდა დიზაინერი, ირაკლი რუსაძე, რომლის სამოსიც ცნობილმა მოდელმა, ბელა ჰადიდმა მოირგო

რამდენიმე წლის წინ ახალგაზრდა დიზაინერმა, ირაკლი რუსაძემ საინტერესო კონცეფციის კოლექციით მიიქცია ჩვენი ყურადღება.

 

პირველი ჩვენება 2010 წელს გამართა. როგორც თავად აღნიშნავს, მხოლოდ მას შემდეგ დაეუფლა კონსტრუირებას. შესაბამისად, მისი შემოქმედება, დასაწყის

ეტაპზე, სპონტანური იყო, თუმცა ახალი იდეებით გამოირჩეოდა. ახალგაზრდა დიზაინერს დამოუკიდებლად მუშაობის საშუალება მხოლოდ ახლა მიეცა, როცა ბრენდი Situationist ჩამოაყალიბა. მისი შექმნიდან მალევე დიდი წარმატება მოიპოვა Mercedes Benz Fashion week თბილისი-ზე, რომელსაც მოდის საერთაშორისო კრიტიკოსები და ბაიერები დაესწრნენ. ამ მარკის კოლექციის შესახებ ინფორმაცია ცნობილ გამოცემაში VOGUE დაიბეჭდა. მას შემდეგ ირაკლის სამოსი ცნობილმა მოდელმა ბელა ჰადიდმა მოირგო. ირაკლი ახლახან მილანიდან დაბრუნდა, სადაც მოდის კვირეულზე მისი კოლექციის ჩვენება მოეწყო. დიზაინერი საერთაშორისო აღიარებას კიდევ უფრო მეტი მოტივაციით და პასუხისმგებლობით ეკიდება.

- ირაკლი, როგორ აღმოაჩინა ცნობილმა მოდელმა ბელა ჰადიდმა მარკა Situationist?

- დები ჰადიდები ცნობილი მოდელები არიან. ცნობილი ბრენდები მარკის სახეებად იწვევენ. რომ იტყვიან მოდის სამყარო მათი ჩაცმის სტილს აკვირდება. "სიტუაციონისტი" ახალგაზრდა ბრენდია და ვერ წარმოვიდგენდი, რომ ასეთი მოდელები ამ მარკის კოლექციით დაინტერესდებოდნენ.

- ცნობილი სახეები ფრთხილად და მოზომილად ირჩევენ ტანსაცმელს, რადგან ამ ფორმით მარკას რეკლამას უწევენ...

- თავად ბელა ჰადიდი ძალიან იშვიათად ირგებს ახალი ბრენდების სამოსს. ის მაინც ცნობილ მარკებს ანიჭებს უპირატესობას. თითქმის არასდროს ირგებს ერთი და იმავე ტანსაცმელს. ისე გამოვიდა, რომ ჩვენი მარკის ტყავის ქურთუკით მეოთხედ წარდგა საზოგადოების წინაშე. ჩექმისა და ქურთუკის გარდა ჩვენი მარკის კიდევ ხუთი ლუქი შეიძინა.



- სად ნახეს Situationist-ის სამოსი?

- ჩვენ არც დავკავშირებივართ. ჩვენი წარმატება Mერცედეს Bენზ Fასჰიონ ჭეეკ თბილისი-ით დაიწყო. ქართველ დიზაინერებს გვაქვს იმის ფუფუნება, რომ ვინც ამ კვირეულზე ვმონაწილეობთ, ურთიერთობა გვქონდეს მოდის წარმომადგენლებთან, ცნობილ კრიტიკოსებთან და ბაიერებთან. ჩვენს ჩვენებებს აქტიურად აშუქებს ცნობილი გამოცემები. ჩვენი მარკის ჩვენების შემდეგ, ახალი კოლექციის ფოტოები "ვოგის" საიტზე მოხვდა. სწორედ იქ იხილეს ჰადიდებმა ჩვენი კოლექცია და სამოსის შეძენის სურვილი გამოთქვეს. საიტის წარმომადგენლები დაგვიკავშირდნენ სიტყვებით: "ბელა შეყვარებულია ამ კოლექციაზე და 5 ლუქის შეძენა სურს".



- საუბარი რომელ კოლექციაზეა?

- ეს გახლავთ წინა სეზონის კოლექცია. "სიტუაციონისტი" არ არის ბრენდი, რომელიც ინსპირაციად ერთ კონკრეტულ თემას იღებს. ინსპირაცია ჩვენი ყოველდღიური ცხოვრებაა. ეს გარდერობი რეალისტურია და თანამედროვე სამყაროს სულისკვეთებას გამოხატავს. აქედან გამომდინარე, თემად ბევრი რამ შეიძლება ავიღოთ. ჩვენ მაინც გამოვხატავთ თავისუფალი, ძლიერი ქალის ხასიათს. ამ იდეის ერთგული ვრჩები დღემდე. ჩვენი საზოგადოება მაინც არასაკმარისად ლოიალურად ეკიდება ქალის თემას. ის, რაც ჩვენს პროვინციებში ხდება, ძალადობა ქალზე, მათ დამოუკიდებლობაზე, ჩემთვის მიუღებელია. ამიტომ კოლექციებში ამ ფორმით მხარს ვუჭერ ქალის თავისუფლების იდეას. ბრენდის კოლექციები ამავდროულად ახლოსაა კლასიკასთანაც. ბელას ძალიან უყვარს მაღალი ხარისხის პროდუქცია, განსაკუთრებით ტყავის მასალა და სწორედ ამან მიიქცია მისი ყურადღება. ასევე დიდი მნიშვნელობა აქვს თუ სად გამოჩნდება. ამ სამოსით იგი პარიზის მოდის კვირეულზე და "ჟივენშის" After Fartyზე მივიდა.

  • წინა
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.