კომფორტის ზონიდან გამოსული ახალი ესთეტიკა - მანანა ანთელიძის ბლოგი

მანანა ანთელიძის ბლოგი მკითხველებში დიდი პოპულარობით სარგებლობს.

ამ ნომერში გთავაზობთ მის ბლოგს შეცვლილი ფორმატით - კითხვა-პასუხის რეჟიმში. "ბომონდის" მთავარი რედაქტორის, თეა აგლაძის, კითხვებს პასუხობს მანანა ანთელიძე. ეს ის შეკითხვებია, რომლებიც მოდის მიმდევრებს ყველაზე მეტად აინტერესებთ.

- რა მიიჩნევა მოდის ცვლილების მიზეზად, ახალი მიმართულებების, სილუეტების შექმნა?

- მიზეზი ბევრია. ერთ-ერთია ადამიანისთვის დამახასიათებელი განახლების სურვილი. ეს შეგრძნება ბევრისთვის ნაცნობია: ახალი სეზონის დადგომისას ჩვენი გარდერობის სიამაყის საგანი შეიძლება აღარ მოგვეწონოს. ეს ბუნებრივია, რადგან მოდა გარკვეული გემოვნების მოკლევადიანი გაბატონებაა ცხოვრების ამა თუ იმ სფეროში.

-

ვინ არის ახალი იდეების გენერატორი, ვინ ქმნის მოდას?

- საზოგადოება დარწმუნებულია, რომ ეს ერთმნიშვნელოვნად დიზაინერ-მოდელიერია. ასეც იყო, სანამ შეიქმნებოდა კონგლომერატები, რომლებიც აკანონებენ ტენდენციებს. მანამ კი სწორედ დიზაინერების ტალანტსა და შორსმჭვრეტელობას ენიჭებოდა გადამწყვეტი როლი მოდის განვითარებაში.

ეს განვითარება არ იყო განპირობებული მხოლოდ განახლების სურვილით: როგორც წესი, მას საფუძვლად ედო ობიექტური მიზეზები. მაგ: პოლ პუარე, მე-19 საუკუნის დასაწყისში ტექნიკური პროგრესისა და ქალთა სოციალური აქტივობის ფონზე, ათავისუფლებს მათ კორსეტებისგან და ქმნის სწორ, თავისუფალი სილუეტის კაბებს. კოკო შანელი აგრძელებს ქალთა ემანსიპაციის პროცესს. ამოკლებს კაბებს, ამკვიდრებს მოძრაობისთვის მოსახერხებელ სიგრძეს მუხლამდე, პოპულარიზაციას უწევს შარვალს ქალის გარდერობში, ქმნის მხარზე გადასაკიდ ჩანთას ჩჰანელ და უთავისუფლებს ქალს ხელებს.



როგორც ვხედავთ, ეს ინოვაციები პირდაპირ კავშირშია ისტორიულ მოვლენებთან და წარმოადგენს ნიჭიერად გააზრებულ რეაქციას მათზე. ასე ხდებოდა მომდევნო რამდენიმე ათეული წელი. მეორე მსოფლიო ომის დროს ფუფუნებას მოკლებული ქალი ომის დამთავრებისას იღებს დიორის, ჟივანშის, ბალენსიაგას დახვეწილ სამოსს.

60-70-იანი წლების მოდის ჩამოყალიბებაში დიდი როლი ითამაშა ახალგაზრდულმა საპროტესტო მოძრაობამ - ბიტნიკების, ჰიპებისა და პანკების მსოფლმხედველობამ გამოხატულება პოვა მერი კუანტის, პიერ კარდენის, პაკო რაბანის, ვივიენ ვესტვუდის... შემოქმედებაში.

პარალელურად, თითქოს ბალანსის შესანარჩუნებლად, გენიალური ივ-სენ ლორანი ქმნის ელეგანტურ, რაფინირებულ სამოსს.


შემდეგ კი დგება კორპორაციების, როგორიცაა LVMH და PRADA GROUP-ის, მმართველობის პერიოდი. ისინი კარნახობენ პრიორიტეტებს, გამომდინარე ფინანსური მიზანდასახულობიდან. გამოთქმა "მოდის ინდუსტრია" ამიერიდან ზუსტად ასახავს რეალურ მდგომარეობას. რეკლამა, მენეჯმენტი, მარკეტინგი ემსახურება მას და გადამწყვეტია ამწუთიერი მოდის შექმნაში. კორპორაციები წყვეტენ დიზაინერების ბედსაც - მათ დანიშვნას და გათავისუფლებას.
კარლ ლაგერფელდის მსგავსად ცოტამ შეინარჩუნა დამოუკიდებლობა.

დიზაინერების უზარმაზარი რაოდენობა მთელ მსოფლიოში ქმნის სეზონური ტანსაცმლის კოლექციებს ნაკარნახევი ტენდენციების გათვალისწინებით. შედეგად ვიღებთ სამწუხარო ერთფეროვნებას. სამაგიეროდ, ყოველ სეზონზე, აგრესიული რეკლამის მეშვეობით, მომხმარებელს შთააგონებენ ახალი შენაძენის აუცილებლობას, ე.წ. მუსტ-ჰავე-ს, რომელიც შესაძლოა წინა სეზონის მუსტ-ჰავე-სგან მხოლოდ ფერით განსხვავდება! ეს ყველაფერი ემსახურება ერთ მიზანს - გაყიდვების ზრდას და არ ითვალისწინებს ფუნქციას და ესთეტიკის საკითხებს. ამგვარად, ადამიანისთვის დამახასიათებელი განახლების სურვილი ხელოვნურად პროვოცირდება.

 

Yves Saint Laurent

- რას ურჩევთ ჩვენს მკითხველებს, როგორ ორიენტირდნენ მოდის ამ რთულ სამყაროში?

- იმათ, ვისაც უნდათ, იყვნენ მოდურები, აქვთ ორი განსხვავებული მოტივაცია: პირველი - არ აღმოჩნდნენ მოდური საზოგადოების გარეთ და ამ საზოგადოების დაცინვის ობიექტი და მეორე - ადაპტაცია მოახდინონ ახალ მოდურ რეალობაში და მისი კრიტიკული ანალიზის შედეგად მოადინონ განახლების მოთხოვნილება.

მე, რა თქმა უნდა, ყველას ვურჩევ, მეორე გზით იარონ! გარდა იმისა, რომ ამგვარად ზედმეტ შენაძენს აარიდებენ თავს, თავად ეს პროცესი შემოქმედებითია და გემოვნების განვითარებას უწყობს ხელს.

 

- შეგიძლიათ გამოარჩიოთ დიზაინერი და ბრენდი, რომელიც, თქვენი თვალსაზრისით, დღეს საინტერესო ტანსაცმელს ქმნის?



- მიუხედავად ყველაფრისა, არც ისე ცოტანი არიან დიზაინერები, რომლებიც ესთეტიკურ და ხარისხიან სამოსს ქმნიან. აი, Vetements-ს, Balenciaga და მათ სამხატვრო ხელმძღვანელს, დემნა გვასალიას გამოვყოფდი მოდის მიმართ თავისი განსხვავებული პოზიციით.

 

- რას წარმოადგენს ეს განსხვავებული მიდგომა, რა არის მათი წარმატების საიდუმლო?



- საფუძველი, ჩემი აზრით, გულწრფელობაა.  

 

- ძალიან მოულოდნელი პასუხია! შეგიძლიათ, უფრო ვრცლად გამოხატოთ თქვენი აზრი?



- დაარსებისთანავე მათ ღიად და გამჭვირვალედ მიანიშნეს ის სტილისტიკური წყაროები, რომლებსაც საფუძვლად იყენებენ. გადაამუშავეს ისინი და იმ სტანდარტებს, რომლებმაც დაიმკვიდრეს თავი სხვადასხვა სოციალურ ჯგუფში, მიანიჭეს განსხვავებული, მომხიბლავი ესთეტიკა.

ეს ღია თამაშია და მიმზიდველი პროცესი - იწვევს თამაშში ჩართულობის სურვილს: Vetements-ის ტანსაცმელს ატარებს მოდის სამყაროს ცნობილი პიროვნებები: Rihanna, Kanye West, Kylia Janner, რომლებიც თავად ქმნიან ტანსაცმელს. შტრეეტ შტყლე-ის ბოლო წლების რეპორტებში მუდმივად ვხედავთ Vetements-ის სამოსს.

 

- ამავე დროს, ვიცით, რომ Vetements-ს ყველა ჩვენების შემდეგ აქვთ ნეგატიური გამოხმაურებაც.

- რა თქმა უნდა, ასე უეცრად მოსულ პოპულარობას ბევრის გაღიზიანება მოსდევს. მათი პოზიცია მოდაში ავანტიურიზმად შერაცხეს. 2016 წელს საინტერესო პრეცედენტი მოხდა. ვინმე დევიდ ტრანმა გამოუშვა შავი საწვიმარი ლაბადები ზურგზე Vetements-ის წარწერით, რაც დამახინჯებულ Vetements-ს წარმოადგენდა და მიზნად ისახავდა Vetements-ის სტაფის ჩაცმულობის პაროდირებას, რომელიც პარიზის ერთ-ერთ კვი-რეულზე ძალზე ეფექტურად გამოიყურებოდა. ამ დაცინვამ შედეგი ვერ გამოიღო: Vetements-ის გავლენა მოდაზე იზრდება.

- არ შემიძლია გვერდი ავუარო იმ აჟიოტაჟს, რომელიც Vetements-ის კოლაბორაციამ 18 ბრენდთან ერთ ჩვენებაში წარმოადგინა. რატომ იყო ეს ფაქტი ასე გასაკვირი? ჩვენ ვიცით კოლაბორაციის წარმატებული მაგალითები - Adidas-ი Yohji Yamamoto-სთან და Stella McCartney-სთან, მასს მარკეტ-ის ბრენდი, H&M უმაღლესი რანგის ბრენდებთან (high-end): Versace, Marni, Margiela, Balmain, Alexander Wang...

- H&M ერთ სეზონზე მხოლოდ ერთ ბრენდთან თანამშრომლობს. ცნობილია Gosha Rubcinsky-ს და Virgil Abloh-ს (Oss-white) კოლაბორაცია რამდენიმე ბრენდთან ერთად, მაგრამ Vetements-მა არნახული პრეცედენტი შექმნა - ჩვენებაზე კოლექციის ყველა, 54-ვე მოდელი კოლაბორაციის შედეგი იყო.


საინტერესოა ისიც, რომ ეს ბრენდები მოდის ინდუსტრიაში განსხვავებულ სეგმენტს წარმოადგენენ: LEVIS, Reebok, Canada, Goose, Juicy Couture, ... სპორტულს, ყოველდღიურს; Maonolo Blahnik, Brioni, Comme des garcons, Macintosh - luxury კატეგორიას. ასეთი "ჭრელი" ჯგუფის ერთ ვიზუალურ რიგში ჩასმა სახიფათოა და უდავოდ დიდ სიმამაცეს მოითხოვს - ნებისმიერი ორი ბრენდის კოლაბორაცია ორივე კომპანიის საბაზისო ღირებულებების შენარჩუნებას და ერთმანეთთან შეთანხმებას ითვალისწინებს. ყველა მოწვეულ ბრენდს გააჩნია ეს ღირებულებები, რომლებიც უზრუნველყოფენ მათ იმიჯს და მაღალ ავტორიტეტს. შედეგად შეიქმნა კოლექცია, სადაც ყველაფერი კარგად ნაცნობი - ჯინსის ქურთუკი, მაკინტოში, პუდი, პაფი, ბომბერი და ა.შ. - ახლებურად აჟღერდა, სადაც ყველა ავთენტურმა ერთეულმა გადამუშავების შედეგად (რეკონსტრუქციის, დეკონსტრუქციის, დეტალების უტრირებით...) თანამედროვე, მძაფრი სახე მიიღო, Vetements-ის DNA შეიძინა!), შეიქმნა მოდის ახალი სიბრტყე და მისი მთავარი გასაღები, ჩემი აზრით, იუმორია! იუმორი და არა დაცინვა, გაშარჟება, როგორც ამას ზოგიერთი მიიჩნევს.

- როგორ აღიქვეს ეს გარდაქმნები მოწვეულმა ბრენდებმა, ორიგინალების ავტორებმა?


- მათთვის ეს საინტერესო პროცესი აღმოჩნდა. ბევრი აღტაცებას ვერ მალავდა. Manolo Blahnik-მა ერთ-ერთ ინტერვიუში განაცხადა: "ის, რასაც ისინი აკეთებენ, ძალიან ჭკვიანური და თანამედროვეა", Brioni-ს წარმომადგენელმა აღნიშნა: "ჩვენ მივიღეთ ნამდვილი სიამოვნება, როცა მუშაობისას გამოვედით ჩვენთვის ჩვეული კომფორტის ზონიდან!"

- ვინ მიგაჩნიათ დღეს ასევე საინტერესო ბრენდად, დიზაინერად?




- Gucci-ს სამხატვრო ხელმძღვანელი Alessandro michele. მან მკვეთრად შეცვალა წარმოდგენები კარგ გემოვნავს, რომ აქ არ არის რაიმე ახალი, გამეორება ნიშნავს, დახვეწილს და განსხვავებულს, შექმნილს თავდაყირა დაყენების შედეგად. ეს სიყვარულივითაა".ნებაზე. მისი მიქსი ჩინური ეთნოგრაფიის ფრანგულ ბაროკოსთან, თუ სპორტული ტანსაცმლის დისკოსთან ცოტა ხნის წინ წარმოუდგენელი იქნებოდა იმათთვის, ვინც ახლა მათ ამაყად ატარებს.

Alessandro michele-მ დიდი დამაჯერებლობით დაარღვია არსებული სტერეოტიპები. შეიქმნა ახალი ესთეტიკა. მომწონს მისი სიტყვები: "თქვენ ყოველთვის ქმნით ახალ ისტორიას - გამეორება არ ნიშამას
გარდა, საინტერესოდ მიმაჩნია დიზაინერი Virgil Abloh (ბრენდი Off-White), მკვეთრად გამოხატული Street Style პოზიციით და ავსტრალელი დიზაინერი Lukas Vincent(ბრენდი Exinfinitas). ის არის Ugly-Chic მიმართულების ერთ-ერთი მკაფიო წარმომადგენელი. პოზიცირებს თავისი საქმიანობის შედეგს, როგორც წარსულის და მომავლის გადაკვეთაზე შექმნის რეალობას. ძალიან საინტერესოა.- დასასრულ, რას იტყოდით ქართულ მოდაზე, ახლახან თბილისში ჩატარდა ორი მოდის კვირეული...


- ჩვენ ვხედავთ დიდ აჟიოტაჟს, რომელიც ახლავს ამ ღონისძიებებს. რა თქმა უნდა, მსოფლიო მოდის ყურადღების ცენტრში მოხვედრა ორგანიზატორების, მათი მხარდამჭერების, სპონსორების დიდი მუშაობის შედეგია. და მაინც, მთავარია ის ფაქტი, რომ რასაც ქმნიან ქართველი დიზაინერები, მართლაც საინტერესოა. მაშინაც, როდესაც ისინი ტენდენციებს სრულად ითვალისწინებენ, ქართული ინდივიდუალობის, მენტალობის გამო განსხვავებული შედეგი აქვს და სწორედ ეს არის ასეთი ინტერესის საფუძველი. მონაწილეებში არიან ძლიერი დიზაინერები ან პოტენციურები, არიან სუსტებიც. კარგია, რომ შემდგომი ზრდისთვის მათთვისაც არსებობს ჩვენების საშუალება. მათ შორისაც შეიძლება აღმოჩნდნენ ბრილიანტები.

 

"ბომონდი" ივნისის ნომერი

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.