Girl of Now- დაუვიწყარი შეხვედრა პარიზში

მადლობელი ვარ ბედისწერის, რადგან საყვარელი საქმე, ყოველ ჯერზე, საყვარელ ქალაქთან მაკავშირებს. ბევრი ადამიანი იოცნებებდა, რომ პარიზის ერთ-ერთ პრესტიჟულ სასტუმროში InterContinental - Paris Le Grand-ის ნომერში, თვით ელი სააბისგან გამოგზავნილი მოსაწვევი დახვედროდა! ელი სააბის პარფიუმერიის ხაზი, სჰისეიდო ჯგუფს შეუერთდა. ახალი სუნამოს გასაცნობად და ამ მოვლენის აღსანიშნავად შეიკრიბა პარიზში სრულიად "პრიალა" მედია მთელი მსოფლიოდან. საქართველოს გამოცემებიდან მე მხვდა პატივი, ხატია შამუგიასთან ერთად დავსწრებოდი ამ მართლაც საოცარ ღონისძიებას.

როდესაც პარიზში ამა თუ იმ მეგაბრენდის მიწვევით ჩადიხარ, დღესასწაული აეროპორტიდანვე იწყება, როდესაც ლუქსკლასის მანქანა და
სმოკინგში გამოწყობილი მძღოლი შენი სახელი და გვარით განათებული პლანშეტით გხვდება და მანქანაში ტკბილეულსა და გამაგრილებელ სასმელებს გთავაზობს. სწორედ ასე იყო ამჯერადაც. გრანდოტელში მთელი დღის განმავლობაში სხვადასხვა ქვეყნიდან ჩამოსული პრესტიჟული გამოცემების რედაქტორები და ჟურნალისტები იკრიბებიან, რათა მეორე დღისთვის დაგეგმილ ღონისძიებას შეურთდნენ. სასიამოვნოა უკვე ნაცნობ და უცნობ კოლეგებთან შეხვედრა და ნომერში დახვედრილი მოსაწვევები.

ელი სააბი ცნობილია სკეპტიკური დამოკიდებულებით ტრენდების მიმართ. "ყველაფერი მარტივად არის. მე დარწმუნებული ვარ, რომ ყველა ქალს, მიუხედავად ტრენდების დიქტატისა და მარკეტინგული მანიპულაციებისა, უნდა ერთი რამ - გამოიყურებოდეს ლამაზად!" - ამბობს ის. ახალი არომატის კონცეფცია მისი ახალგაზრდული შემართების შედეგია. ელის სურვილი იყო, შეექმნა სრულიად თავისუფალი და ენერგიული არომატი.

დაემსხვრია მითი, რომ მისი ძვირფასი ქვებითა და ნაქარგებით მოოჭვილი კაბა მხოლოდ წითელი ხალიჩისა და ქორწილისთვის არის განკუთვნილი. ამ კაბაში გამოწყობილმა შეიძლება დილამდე იცეკვო და დიჯეის პულტთან იდგე, იყო თავისუფალი და გრძნობდე სამყაროს პულსაციას!

არომატის შემქნელები არიან პარფიუმერები: სოფი ლობე და დომენიკ პიპონი. იოლი არ იყო მათთვის ახალი მილენიუმის გოგონას არომატში მოქცევა - შეექმნათ სუნამო, რომლის სლოგანიც დაახლოებით ასე იჟღერებდა: თქვენი სუნამო, თქვენი იდენტობაა! დღევანდელი დღის გოგონა! ელის ერთადერთი სურვილი იყო, გამოეყენებინათ "ფისტაჩიო" - კაკალი, რომელიც მაესტროს ლიბანურ მოგონებებს გააგრძელებდა სუნამოში.

პარფიუმერები დიდებულად გაუმკლავდნენ დიდ გამოწვევას და მართლაც საოცარი არომატი შექმნეს, რომლის მთავარ ნოტებს - ჟასმინსა და მაგნოლიას - ემატება მსხლის, ნუშისა და ფორთოხლის ყვავილის შუა ნოტები. ფაჩულისა და ფისტაჩიოს აკორდები კი არომატს აგვირგვინებს.
ფაბურგ სენტ-ონორეს ქუჩაზე მდებარე ისტორიულ კლუბ-სასტუმრო ცერცლე დელ უ ნიონ ინტერალლიეე-ში გაიმართა ახალი სუნამოს წარდგენა.


პრეზენტაციის ფორმატმა ყველანაირ მოლოდინს გადააჭარბა! ულამაზესი გოგონების მიპატიჟებით ახალი მილენიუმის სამეგობრო პრივატულ წრეში აღმოვჩნდით. ოთახების ინტერიერი ქაოსურად მდიდრული იყო. შევიხედეთ მათ აბაზანაში, გარდერობში, სასადილოსა და საძინებელში. გოგონების მიერ დადგმული პერფორმანსი ბუნებრივი და ორიგინალური იყო. იმ წუთამდე არ ვიცოდით სუნამოს კონცეფცია, მაგრამ ვიგრძენით მთავარი - თავისუფალი გოგონების არჩევანი, მიირთვან ხელით, თუმცა ისე, რომ დარჩნენ მდიდრულები, წარმოიდგინონ თავი ბლოკბასტერის გმირად ან ლიტერატურულ პერსონაჟად, იყვნენ მეგობრებზე მეტი ერთმანეთისთვის: სურნელოვანიდები. გაუზიარონ ყველაფერი მსოფლიოს ისე, რომ არ ადარდებდეთ, ვინ რას ფიქრობს მათზე, იცხოვრონ საინტერესოდ და უყვარდეთ ნამდვილად! არ აქვს მნიშვნელობა, რომელ ქალაქში იქნება: პარიზში, ლონდონში, მილანსა თუ დუბაიში. თავს ყველგან ისე გრძნობს, როგორც საკუთარ სახლში, თავისუფლება მისი რელიგიაა. გირლ ოფ ნოწ-ს გოგონამ იცის ყველა კარგი ადგილი, აქვს ადაპტაციის უნარი და დახვეწილი გემოვნება. აყვავებული ნუშისა და ფორთოხლის სურნელი მასთან ერთად მოგზაურობს და Ellie Saab-ის კაბაში გამოწყობილი შეუსვენებლივ ცეკვავს გათენებამდე!

გალა-ივენთი ავენუე მონტაიგნე-ზე მდებარე კლუბ მანკოში გაიმართა. მთავარი მასპინძელი ცხადია, თავად ელი სააბი იყო. ვარსკვლავთცვენა და პარიზული შიკი აღმოსავლურ გულუხვობას ერწყმოდა. საღამოს სტუმრებს შორის იყო ჩემი საყვარელი მოდის ჟურნალისტი და კრიტიკოსი სუზი მენკესი. შამპანურისა და კოქტეილების წვიმა დილამდე გრძელდებოდა. ეს იყო ერთ-ერთი დასამახსოვრებელი საღამო ჩემს ცხოვრებაში. სოციალური ქსელები "დაინგრა~ საღამოს გაზიარებით.

სუნამოს ისტორია კი საქართველოში, ექსკლუზიურად, "ისი პარის" მაღაზიათა ქსელში გაგრძელდება. ქართველი გოგონები შეუერთდებიან გლობალურ, თავისუფლების მოყვარულ "დღევანდელი დღის" გოგონებს. ქალბატონებს კი ეს სუნამო, უდარდელ გოგონებად აქცევს. მაშ, ასე: ახალი არომატი ellie saabის Girl for now! - პარფიუმი,რომელიც თან გდევთ ყოველი მოძრაობისას, არასოდეს მოიხედოთ უკან, გიყვარდეთ თქვენი არჩევანი და იცხოვრეთ საკუთარი გატაცებებით! იყავით #სურნრლოვანიდები, #fragrancesisters!


თეა აგლაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.