Carpe Diem! ვაჟა ქუჩულორია - თვითნასწავლი ფოტოგრაფი ინდივიდუალური ხედვით!

"ვფიქრობ, როცა რაღაც კარგად გამოგდის, არ უნდა გაჩერდე და ბოლომდე გამოცადო თავი.

მაქვს ნებისყოფა და მიზანს რომ დავისახავ, უკან არ ვიხევ. ვიყიდე პროფესიული ფოტოაპარატი და ინტერნეტით შევისწავლე ფოტოს დამუშავება, განათება, ამ მხრივ, საქართველოში სიღრმისეული განათლების მიღება რთულია. ძირითადად, თვითონ შევითვისე ყველაფერი, ცვლილებებსაც ვამჩნევ და ვხედავ, როგორ ვიზრდები. მინდა, კარგად შევისწავლო ფოტოგრაფიის "გრამატიკა". თუმცა, გარკვეულწილად, მეშინია, ამან არ დამაკარგვინოს თვითმყოფადობა და ჩარჩოში არ მომაქციოს. არაფერმა შემბოჭოს, თუმცა ადამიანს მაინც გინდა, რომ პროფესიონალმაც დადებითად შეგაფასოს", - ეს ამონარიდია რამდენიმე წლის წინ ჩაწერილი
ინტერვიუდან. რამდენიმე წლის შემდეგ ვაჟა ქუჩულორია თვითნასწავლი ფოტოგრაფიდან პროფესიონალ ფოტოხელოვანად ჩამოყალიბდა. გამოირჩევა ინდივიდუალური ხედვით და ხელწერით, რომელიც ქმნის ხასიათს სტატიკურ გარემოში, ადამიანის სხეულითა თუ შინაგანი დინამიკით.



ფოტოგრაფობამდე მოცეკვავე იყო. კარგად იცნობს სხეულის ენას და ნამუშევრებში გადმოსცემს, ამიტომაც ხშირად თანამშრომლობს მსოფლიოში ცნობილ სცენის ვარსკვლავებთან. ფოტოთი არაჩვეულებრივად ასახავს სხვადასხვა ატმოსფეროს. თუმცა, მისი მთავარი მახასიათებელი მშვენიერების პოეტურად დანახვაა.
ფოტოგრაფიის პარალელურად საბანკო საქმიანობითაა დაკავებული. მიუხედავად მრავალფეროვანი საქმიანი გამოცდილებისა, ფოტოგრაფია მთავარ გატაცებად რჩება.

- როდის დაინტერესდით ფოტოგრაფიით?

- ჩემი გატაცება ფოტოგრაფიით ჯერ კიდევ მაშინ დაიწყო, როცა "ვერნისაჟში" ვცეკვავდი. მეგობარმა ფირის კამერა მაჩუქა. თავდაპირველად, ჩემი მოდელები ჩემი მოცეკვავე მეგობრები იყვნენ - ფირზე გადმოტანილმა სხეულის პლასტიკამ, გამომსახველობამ და არტისტიზმმა მიმიზიდა და ამ მიმართულებით დავიწყე მუშაობა და განვითარება. ჩემს ფოტოგრაფიას, ვფიქრობ, სწორედ პლასტიკის, სხერამდენიმე წლის შემდეგ ვაჟა ქუჩულორია თვითნასწავლი ფოტოგრაფიდან პროფესიონალ ფოტოხელოვანად ჩამოყალიბდა. გამოირჩევა ინდივიდუალური ხედვით და ხელწერით, რომელიც ქმნის ხასიათს სტატიკურ გარემოში, ადამიანის სხეულითა თუ შინაგანი დინამიკით.
ფოტოგრაფობამდე მოცეკვავე იყო. კარგად იცნობს სხეულის ენას და ნამუშევრებში გადმოსცემს, ამიტომაც ხშირად თანამშრომლობს მსოფლიოში ცნობილ სცენის ვარსკვლავებთან. ფოტოთი არაჩვეულებრივად ასახავს სხვადასხვა ატმოსფეროს. თუმცა, მისი მთავარი მახასიათებელი მშვენიერების პოეტურად დანახვაა.
ფოტოგრაფიის პარალელურად საბანკო საქმიანობითაა დაკავებული. მიუხედავად მრავალფეროვანი საქმიანი გამოცდილებისა, ფოტოგრაფია მთავარ გატაცებად რჩება.



- რამ ჩამოაყალიბა თქვენი გემოვნება?

- ბევრმა ფაქტორმა. უპირველესად, ცეკვით დავეუფლე პლასტიკას და ჩამომიყალიბდა შინაგანი დინამიკა, რაც აუცილებელი კომპონენტებია, ასევე თვალით აღქმული ატმოსფეროს ფოტოზე აღბეჭდვის სურვილმა. დიდი გავლენა მოახდინა მოგზაურობებმა - სხვადასხვა კულტურასთან ზიარებამ, სხვადასხვა ეთნიკური წარმომავლობის ადამიანებთან კონტაქტმა, განსხვავებულ კულტურათა სინთეზის შესაძლებლობამ. არ შემიძლია არ აღვნიშნო მეგობრებთან კონტაქტით მიღებული შთაბეჭდილებები. ის, რაც ჩემ გარშემო ხდება და ჩემში ემოციას აღძრავს, ნამუშევრებზე გავლენას ახდენს.

- რომელ ნამუშევარს გამოარჩევდით?

- წლების განმავლობაში ბევრ საინტერესო პროექტზე მიმუშავია. დღესაც ვაგრძელებ მუშაობას ქართველ და უცხოელ მოდელებთან, მსახიობებსა და მოცეკვავეებთან. გამოვარჩევდი ბოსტონის ბალეტის სოლისტ ლაშა ხოზაშვილთან შექმნილ სერიას, რომელიც რამდენიმე წლის წინ ჟურნალ "ბომონდში" დაიბეჭდა.

- რატომ აღმოჩნდა ეს ფოტოსესია თქვენთვის საინტერესო?

- ლაშას საქართველოში ვიზიტისას შევუთანხმდი გადაღებაზე. შეძლო გამოენახა დრო, მაგრამ ლოკაციასთან დაკავშირებით შეგვექმნა პრობლემა. მცხეთაში წასვლა გადავწყვიტეთ იმ იმედით, რომ იქ აღმოვაჩენდით ჩვენთვის საინტერესო ადგილს. მართლაც, ვიპოვეთ მიტოვებული შენობა. ეს სერია მთლიანად ფირზე გადავიღე. ლაშას პლასტიკამ, ლოკაციამ, განათებამ და ფირის გრადაციამ საოცარი შედეგი მიგვაღებინა. ამიტომაც გამოვარჩევ და მიმაჩნია, რომ ამ ფოტოსესიას განსაკუთრებული ადგილი ექნება ჩემს პორტფოლიოში.

- რას ითვალისწინებთ ფოტოსესიაზე მუშაობისას?



- მთავარია კონცეფცია. შესაბამისად, ამ კონცეფციას უნდა მოერგოს მოდელი, გარემო, სამოსი, მაკიაჟი, განათება, გადაღების კუთხე და ფოტოგრაფის ხედვა. ამ კომპონენტების ერთობლიობა ქმნის სრულყოფილ პროდუქტს.

- როგორი უნდა იყოს მოდელი, რომ მისით დაინტერესდეთ?

- ვიზუალის გარდა, მოდელი უნდა იყოს მეტყველი, სახასიათო, საინტერესო, თავისუფალი. ზოგჯერ კონკრეტული პროექტი მკარნახობს, როგორი ტიპაჟია საჭირო ფოტოზე შესაბამისი განწყობის შესაქმნელად. ვთანამშრომლობ სამოდელო სააგენტო "ლუქმოდელსთან". უპირატესობას ახალ სახეებს ვანიჭებ. - გადაღებებისთვის ლოკაციას როგორ არჩევთ.



-როგორ გარემოში მოგწონთ ფოტოსესიის მოწყობა?

- ძირითადად სტუდიური გადაღებები მაქვს. აქტიურად ვთანამშრომლობ "სავემომენტსტუდიო"-სთან. ჩემს ნამუშევრებში აქცენტი მოდელზე, სხეულსა და პლასტიკაზე კეთდება. თუ ლოკაციის მოძიების აუცილებლობა დგება, ვიწყებ სასურველი გარემოს მოძიებას. ამ მხრივ ამოსავალი წერტილი ფოტოსესიის ხასიათია ან ის კოლექცია, რომელიც ფოტოზე უნდა წარმოვაჩინო. მთავარი მაინც იდეაა, რომელიც ფოტოში უნდა გაითვალისწინო.

- ხშირად იღებთ მოცეკვავეებს დინამიკაში.  მოცეკვავის პლასტიკის ფოტოზე აღბეჭდვა ყველაზე რთული მგონია. რა პრინციპი უნდა გაითვალისწინოს ფოტოგრაფმა ასეთი სესიის გადაღებისას?

- სხეულის მოძრაობის გადაღებისას, იმ კონკრეტული წამის დაჭერა უნდა შეძლო, სადაც დინამიკა, ხასიათი, პლასტიკა ჩანს. ასეთ გადაღებებში ჩემი გამოცდილება მეხმარება. ამ მიმართულებით ხშირად მიწევს თანამშრომლობა მსოფლიოს წამყვან საბალეტო თეატრების მოცეკვავეებთან. ამ სესიებიდან ერთ-ერთი ინეტ-ის მოცეკვავესთან შემდგარი პროექტია.



- მოგვიყევით იმ ფოტოსესიის შესახებ, რომელიც "ბომონდში" იბეჭდება...

- აღნიშნული პროექტი ჰოლანდიური კომპანია "ვლისკოს" და ლაშა დევდარიანის კოლაბორაცია იყო, რომელიც "თბილისის ფოტოფესტივალისთვის" შეიქმნა. გადასაღებ სივრცედ ულამაზესი კაფე "პურ-პური" ავირჩიეთ, რადგან ჩავთვალეთ, რომ ლაშას ფერადი, ბოჰემური კოლექციისა და ვინტაჟური ინტერიერის სინთეზი საინტერესო შედეგს მოგვცემდა. მოდელი თამარ გოგოლაძე - განსხვავებული გარეგნობის გამო შევარჩიეთ. თამარი ძალიან მოუხდა აღნიშნულ პროექტს.



- ხშირად თანამშრომლობთ დიზაინერ ლაშა დევდარიანთან. როგორი ატმოსფერო უნდა შეიქმნას, რომ მისი კოლექციის განწყობა სრულად გადმოსცეთ?

- ლაშა ჩემი მეგობარია. მართლაც, ხშირად ვთანამშრომლობთ. მიუხედავად იმისა, რომ ლაშას შემოქმედება არის განსხვავებული და მკვეთრად ინდივიდუალური, მისი კოლექციის გადაღებისას სრული თავისუფლება მაქვს. თვითონ კოლექცია იძლევა ლავირების საშუალებას - გადაიღო სხვადასხვა სივრცეში, ხასიათში, განსხვავებული ტიპაჟებით.

- აპირებთ თუ არა მიმართულების შეცვლას ან ახალ პროექტებზე თუ ფიქრობთ?

- თვითნასწავლი ფოტოგრაფი ვარ და, შესაბამისად, საკუთარი ტექნიკის დასახვეწად ბევრს ვმუშაობ. ვაპირებ უცხოეთში ცნობილ ფოტოგრაფებთან მასტერკლასების გავლას. ვიმედოვნებ, ეს უფრო საინტერესოს და მრავალფეროვანს გახდის ჩემს შემოქმედებას.

ქეთი დარჩია
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.