კულტურა

ტრადიციული ტატუირების უკანასკნელი და უხუცესი 101 წლის ოსტატი - Maria Oggay
იყო დრო ადამიანები სხეულებს ფერადი ნახატებით ილამაზებდნენ. სვირინგის ისტორია უძველესია, ძნელია ზუსტი თარიღი დაასახელო სად და როდის გაკეთდა პირველად სვირინგი, თუმცა მომდევნო საუკუნეებში ეს ტრადიცია პოპულარული მეზღვაურებმა, პატიმრებმა და კრიმინალურ სამყაროს წარმომადგენლებმა გახადეს.
სვირინგის ბევრი განსაკუთრებული ტრადიცია არსებობდა და მათი დატვირთვა სხვადასხვა მნიშვნელობის იყო: სოციალური, რელიგიური, ეზოთერული, მისტიკური, დამსჯელი, კულტურული... დღეს ტენდენცია და ტექნიკა შეიცვალა, შეიცვალა სვირინგის მიმართ საზოგადოების დამოკიდებულებაც. ის მოდური გახდა, დღევანდელი ჩემი სტატიის თემა უძველესი ტატუირების მეთოდი და 101 წლის ტატუს ოსტატია.


Maria Oggay ტრადიციული კალინგას ტატუირების უკანასკნელი და უხუცესი ოსტატია. მარია 15 წლის იყო, როცა მამამ ასწავლა ამ მეთოდით ტატუს გაკეთება და შემდეგ თვითონ მოიხატა სხეული. მისი პირველი ტატუ კიბე და პითონი იყო.



ძველად ფილიპინებში სვირინგის გაკეთებას სხვა დატვირთვა ჰქონდა და მას თან ახლდა ხანგრძლივი რიტუალი: მკითხაობა და გალობა. თუმცა ამჟამად მხოლოდ სხეულის დეკორის დატვირთვა აქვს და რიტუალებს აღარ მიმართავს.
თავდაპირველად ის ანაზღაურების გარეშე აკეთებდა ტატუს, თუმცა ტურისტების მხრიდან ინტერესის გაზრდასთან ერთად , მისი შემოსავალიც გაიზარდა. მარია დღეში 20-30 სვირინგის მსურველ ადამიანს იღებს.

ტატუს ბატოკით აკეთებს, ძველი მივიწყებული ტრადიციული მეთოდით, ტატუს მელანი შედგება ბუნებრივი მასალებისგან, ეს არის წყლის და ხის ნახშირის ნარევი, რომელიც კანში შეჰყავს ეკლიანი პომელოს ხის ჯოხით.(გრეიფრუტის მაგვარი ციტრუსოვანი ხილი). მისი ინსპირაცია ბუნება და გეომეტრიული ფიგურებია, ხოლო მისი სავიზიტო ტატუ კი 3 წერტილის კომპოზიციაა.

ნატალია ბერიანიძე

9 აგვისტოს უიტნი ჰიუსტონის დაბადების დღეა - ლეგენდარული მომღერლის იშვიათი ფოტოები
ყველაფერი 11 წლიდან დაიწყო, როდესაც R&B-ის მომავალი დედოფალი უიტნი გოსპელის ახალგაზრდულ გუნდში სოლისტი გახდა და ნიუარკის ბაპტისტურ ეკლესიაში პიანინოს დაეუფლა. უიტნი ჰიუსტონის ბავშვობა მჭიდრო კავშირშია ეკლესიურ ცხოვრებასთან, მან წმინდა დომინიკის აკადემიაში უამრავი ადამიანი გაიცნო, მისი შთამაგონებელი პიროვნება კი დედა იყო. პირველად დედამ მოასმენინა ჩაკა ხანს, გლედის ნაიტს და რობერტა ფლეკის - სამივემ უდიდესი გავლენა იქონია ჰიუსტონის, როგორც მუსიკალურ გემოვნებაზე ასევე საშემსრულებლ სტილზეც.
ყველა ერთხმად აღიარებს რომ უიტნი ჰიუსტონმა ეპოქა შექმნა. დაუვიწყარია მისი ვოკალური მონაცემები, ჰიუსტონი იმ იშვიათ მომღერლების ჯგუფს განეკუთვნება რომელთაც ალბომში 70%-ზე მეტი სინგლი ჰიტად არის ქცეული.
2009 წელს R&B-ის დედოფალი „გინესის მსოფლიო რეკორდების“ მიერ დასახელდა, როგორც ყველა დროის ყველაზე მეტი ჯილდოთი აღნიშნული მომღერალი.
უიტნი ერთადერთი შემსრულებელია, რომლის ზედიზედ შვიდი სინგლი „ბილბორდში“ ნომერ პირველ პოზიციაზე მოხვდა.

გთავაზობთ ლეგენდარული ამერიკელი მომღერლის იშვიათ ფოტოებს.








ლეგენდარული ბიონსე "მოდის ბიბლიის" გარეკანზე!
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას