თიკა ბალანჩინი და New One: ბენდის განვითარების ახალი ეტაპი

New One-ი 2016 წელს, მუსიკოსმა და პროდიუსერმა დათუნა ბარნაბიშვილმა შექმნა. ჯგუფის ლიდერი დაარსების დღიდან ვოკალისტი თიკა ბალანჩინია; რაც შეეხება სხვა წევრებს, წელს შემადგენლობაში ცვლილებებია: ბენდის სახელი კონცეფციას ამართლებს — New One-ი ტრადიციას არ ღალატობს და მუდმივად სიახლეებს გვთავაზობს.




New One-ი ქართულ რეალობაში პირველი ქავერ-ბენდი აღმოჩნდა, რომელმაც თბილისის საკლუბო სცენაზე სრულიად ახალი მუსიკალური სტილი დაამკვიდრა.

წარმატებულ ლაივებს ჰიტები — Artificial Love და Reality მოჰყვა, უამრავ საერთაშორისო ლეიბლთან კოლაბორაციასთან ერთად: ჯგუფის წევრებმა იმუშავეს ისეთ მუსიკალურ სახლებსა და არტისტებთნ, როგორებიცაა Gramophonedzie, Max The

Sax, Stanley Randolph და აშ. Artificial Love-მა მუსიკალური კონკურს „ოქროს ტალღის“ ორ ნომინაციაში გაიმარჯვა და საუკეთესო სინგლისა და მუსიკალური კლიპის ჯილდოები მოიპოვა.

დაახლოებით 2 წლის განმავლობაში სცენაზე, სტუდიაში, სოლო-კონცერტებსა თუ შერეულ კონცერტებში მონაწილეობის შემდეგ, ბარსელონაში გადასვლის გადაწყვეტილება მიიღეს. დღეს კი New One-ი განახლებული შემადგენლობით ისევ საქართველოშია და სულ სხვა ამბის დასაწყისის შესახებ გვიამბობს.

2016 წელს ჟურნალ „ბომონდთან“ მიცემულ ინტერვიუში აღნიშნეს, რომ უახლოეს მომავალში ფორმატის შეცვლას და საავტორო ბენდად ჩამოყალიბებას გეგმავდნენ. 3-წლიანი მუშაობის შემდეგ, თიკა ბალანჩინი ახალი კლიპის პრეზენტაციის შესახებ აანონსებს და გვიმხელს, რომ ჯგუფი ახალ, საავტორო ალბომზე მუშაობს.

რა ხდებოდა ბარსელონაში?

დათუნა ბარნაბიშვილი:
New One-ის სახელით სულ რამდენიმე კონცერტი გვქონდა, დროის უდიდესი ნაწილი ექსპერიმენტებს დავუთმეთ — თიკა ცოცხლად მღეროდა, მე კი დიჯეი-პროდიუსინგის სწავლა დავიწყე და ელექტრონული მუსიკის ღონისძიებების ორგანიზებაში ჩავერთე. ცოცხალი კონცერტები გვქონდა (სხვადასხვა ფესტივალებზე, კლუბებში - La Daurada Beach Club, Negro-Rojo, Bestial და სხვები; თიკას კი შესაძლებლობა მიეცა, სოლო-კარიერის განვითარებისთვისაც დაეთმო დრო.



თიკა ბალანჩინი:
ბარსელონაში მუშაობისას მეტი დრო დავუთმე მუსიკის წერას. ამ მიმართულებით ყველაზე მნიშვნელოვანი პროექტი ლეიბლ Rapid Eye movement-თან კოლაბორაცია გამოვიდა: ერთობლივი ჰიტი Does It Matter, რომლის მუსიკის და ტექსტის ავტორიც მე ვარ, ელექტრონულ პროექტ Memorial Home-ის ალბომში შევიდა და ვინილზე ჩაიწერა.

გაგვაცანით ბენდის ახალი წევრები.

დათუნა ბარნაბიშვილი:
ძველი შემადგენლობიდან მე, თიკა და ნიკა ადიკაშვილი დავრჩით. გვეამაყება, რომ ქართული მუსიკალური წრეებდან ძალიან მნიშვნელოვანი არტისტები შემოგვიერთდნენ — მაგარი გიტარისტი და ვოკალისტი ლაშა თოფურია და ბას გიტარ/ვოკალი და ასევე მუსიკალური პროდიუსერი ალეკო ბერძენიშვილი. ალეკო უამრავი ქარტული ჰიტის მუსიკალური პროდიუსერი და სტუდია „ბრავო რექორდსის“ ხმის რეჟისორიცაა.

New One-ი ამ ეტაპზე ტრადიციულ ჟღერადობას ინარჩუნებს, თუმცა როგორც უკვე აღვნიშნეთ, New Disco-ს, Funk-ის, Neo Soul-ის სტილის ახალ კომპოზიციებზე ვმუშაობთ, აუცილებლად შემოგთავაზებთ ექსპერიმენტებსაც.

ახალი სინგლი „შენთან“.

თიკა ბალანჩინი:
დავასრულეთ მუშაობა ქართულენოვან კომპოზიციაზე, რომლის თითოეული წახნაგი ბენდის წევრებმა ერთობლივად შევქმენით. ამ ეტაპზე ყველაზე მეტად გამაბედნიერებს, თუ მალე მივაღწევთ ეტაპს, როდესაც ჩვენი სრული რეპერტუარი საავტორო ჰიტებით იქნება შედგენილი. სიმღერის ტექსტის ავტორი დათო ფორჩხიძეა, არანჟირება კი ჩვენ გვეკუთნის. კლიპზე კვლავაც რეჟისორმა Yugo Morris-მა და მისმა გუნდმა DG Recriation-მა იმუშავა. გადაღებები დასრულებულია და კლიპის სატელევიზიო პრეზენტაცია 3 ივლისს შედგება.


ქეთი ფოფხაძე

like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას