კინოს ისტორიაში საუკეთესო ფილმები მოტივაციისთვის

არ გყოფნით მოტივაცია, რომელიც მიმდინარე სეზონზე ძალიან გჭირდებათ? გთავაზობთ შთამაგონებელ ფილმებს ადამიანებზე, რომლებიც ბედნიერები და წარმატებულები გახდნენ, მიუხედავად ბევრი სირთულისა. შეგიძლიათ ფილმის დასრულებამდე მოამზადოთ სუპერ გმირის კოსტიუმი, რადგან მთების დაძვრის სურვილი უცილებლად გაგიჩნდებათ.

„მოჩვენებითი სილამაზე“

ერთი ფილმი მაინც გახსოვთ უილ სმითის მონაწილეობით, რომელიც ცრემლებს არ მოგგვრით? გამონაკლისი არც „მოჩვენებითი სილამაზეა“, რომლის გმირსაც ტრაგედია შეემთხვა და გონს ვერ მოდის. საბოლოოდ მისი კოლეგები ექსპერიმენტზე მიდიან, რაც მას უნდა დაეხმაროს. მოულოდნელი შედეგი, ამაღელვებელი სიუჟეტი და უპირობო მოტივაცია.

“ადამიანი, რომელმაც ყველაფერი შეცვალა“

ჩვენს წინაშეა
გენიალური ბილი ბინის ისტორია, რომელმაც შეზღუდული ბიუჯეტით ბეისბოლის შესანიშნავი ჯგუფი შეკრიბა. სიუჟეტი კომედიას ჰგავს, თუმცა ასე არ არის. ეს გახლავთ დრამა ადამიანზე, რომელიც სრულიად მოცულია საკუთარი სტიქიით და მიუხედავად იმისა, რომ მისი თითქმის არავის სჯეროდა, მიზანს მიაღწია.


„გადაუხადე სხვას“ (2000)

ძალიან შთამბეჭდავი და ერთ-ერთი საუკეთესო ფილმი კინოს ისტორიაში. სიუჟეტი ასეთია: ბიჭუნა, რომელმაც სკოლაში განსაკუთრებული დავალება მიიღო, მსოფლიოს შეცვლას გადაწყვეტს. იდეამ ის იმდენად მოიცვა, რომ მას რეალობად აქცევს და უცნობ ადამიანებს ეხმარება. საინტერესოა, რომ თეორია, რომელსაც ფილმის გმირი იყენებს, რეალურ ცხოვრებაშიც მოქმედებს. თქვენ შეძლებთ მის გამეორებას?


„დიდი თვალები“ (2014)

გასული საუკუნის 60-იან წლებში მსოფლიო გრანდიოზული ტყუილის შესახებ ისტორიამ მოიცვა, რომელიც მხატვარი ცოლ-ქმრის მარგარეტ და უოლტერ კინების მიერ იყო ორგანიზებული. აღმოჩნდა, რომ კარგად გაყიდვადი დიდ თვალებიანი ბავშვების ნახატები, არ ეკუთვნოდა მას, ვისაც ეთაყვანებოდნენ.


„ხელშეუხებელნი“ (2011)

ავარიის შედეგად დაინვალიდებული ფილიპი, დამხმარედ აიყვანს ემიგრანტ დრისს, რომელიც გარშემო მყოფების თვალში არასასურველი პიროვნებაა. თუმცა მათი ურთიერთობა ჭეშმარიტ მეგობრობაში გადაიზრდება.


„ყოველთვის თქვი დიახ“ (2009
)

ჯიმ ქერის გმირი ადამიანია, რომელსაც ცხოვრებაში მიზანი არ აქვს, ზარმაცი და ცოტა მოსაწყენიცაა, მას საუკეთესო მეგობრის ზარზე პასუხიც კი არ შეუძლია. ურჩევნია გრთობაზე უარი თქვას და „დიდ სამყროში“ გამოსვლას სულელური მიზეზების მოფიქრებას ამჯობინებს. მაგრამ ყველაფერი იცვლება, როცა ის გოგონას ხვდება. ალბათ, ცხოვრებაში პირველად მიდის ექსპერიმენტზე, რომ ყოველთვის თქვას „დიახ“.


„ველურ პირობებში“ (2007)

ბიჭი, რომელსაც ყველა პირობა აქვს იმისთვის, რომ წარმატებული კარიერისტი გახდეს და უმაღლეს საზოგადოებაში მოხვდეს, ყველაფერს ტოვებს და სამოგზაუროდ მიეშურება. აღმოჩნდა, რომ მსგავსი ცხოვრება მისთვის არ არის: ის დაიღალა მშობლების კამათით, გარშემო მყოფი საზოგადოებით, საკუთარი თავით. ახლა კი მოუწევს ცხოვრების მიზანი იპოვოს.


„მოსამსახურე ქალი“ (2011)

ფილმი აფროამერიკელების პრობლემებს ეძღვნება. სურათი ძალიან ტრაგიკული და ფილოსოფიურია, რთულია მისი ყურებისას გულგრილი იყოთ. ფილმი იდეალურია ყველაფრით და ყველასთვის, ვისაც გული აქვს. და რა თქმა უნდა, მოტივაციის მომცემი, რომ ყოველთვის იყოთ გულწრფელი - პირველ რიგში საკუთარ თავთან.


„შეპყრობილი“ (2013)

დემიენ შაზელის ფილმი, რომლის გმირი პირველკურსელი მუსიკოსი ენდრუ ნიმანია. ახალგაზრდა მუსიკოსი აღმერთებს ბადი რიჩს და ოცნებობს ასეთივე ცნობილი დრამერი გახდეს. ენდრუს მასწავლებლისთვის მოუწევს იმის დამტკიცება, რომ მის საქმეში ის საუკეთესოა.


„სოციალური ქსელი“ (2010)

თანამედროვეობის ერთ-ერთი ყველაზე აქტუალური და მოტივაციის მომცემი ფილმი, რომელიც მსოფლიოში ყველაზე ახალგაზრა მილიარდერ მარკ ცუკენბერგზეა გადაღებული, რომლის წარმატების ისტორია ცალმხრივი სიყვარულით დაიწყო.


ანა ვერძაძეNike Air Max Plus
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას