ტოპ 7 ფილმი რომელიც სექტემბერში უნდა ნახო!

სამწუხაროა, რომ ზაფხული ასე მალე დასრულდა, მაგრამ მოსაწყენად ნამდვილად არ ღირს, ვინაიდან შემოდგომაზე უამრავი ფილმის ცხელი პრემიერა გველოდება კინოთეატრებში, თუმცა სანამ ეკრანებზე ახალ სხვადასხვა ნომინაციებზე ორიენტირებულ ფილმების სანახავად გავეშურებით, „ბომონდმა“ უქმეებზე სანახავ ტოპ 7 ფილმს მოუყარა თავი, შედეგად კი კარგი განწყობა გარანტირებულია.


მაშ ასე, მოიმარაგე პოპ-კორნი, ტკბილეული და მიყევი ტოპ 7 რჩეულ ფილმს სასექტემბროდ.

1. ალადინი/Aladdin

ყველასათვის საყვარელი ანიმაცია ეკრანებს დაუბრუნდა, თუმცა განახლებული და თან ფილმის სახით. „დისნეიმ“ იზრუნა იმაზე, რომ სიუჟეტი იგივე დარჩენილიყო, მაგრამ კოსტიუმებმა, დეკორაციებმა, მსახიობების ოსტატურად შესრულებულმა
როლმა ნამდვილად გადააჭარბა მოლოდინებს. თუ აქამდე ვერ მოახერხეთ მისი ნახვა, სწორედ ის დროა, თქვენს საყვარელ ადამიანთან ან ოჯახის წევრებთან ერთად ჩაუჯდეთ და იმოგზაუროთ ზღაპრულ სამყაროში ალადინთან და მის პრინცესა ჟასმინთან ერთად.


2. იქს-ადამიანები: ბნელი ფენიქსი/X-Men: Dark Phoenix

სიკეთისა და ბოროტების ორთაბრძოლა გრძელდება. ჯინ გრეი იძენს გასაოცარ ძალებს, რაც მას ბნელ ფენიქსად აქცევს. ახლა იქს-ადამიანებმა უნდა გადაწყვიტონ, გუნდის წევრის სიცოცხლე უფრო მნიშვნელოვანია თუ მსოფლიო მოსახლეობის? რა მისია აკისრია მთავარ გმირს და რა ელოდება წინ, ეს ნამდვილად საკუთარი თვალით უნდა ნახო.


3. შურისმაძიებლები 4: დასასრული/Avengers: Endgame

22 ერთმანეთთან დაკავშირებული ფილმის კულმინაცია და ფინალი მარველის კინემატიკური სამყაროს გრძედისა და განედის კვალდაკვალ. ჩვენი საყვარელი გმირები გაანალიზებენ რამდენად მსხვრევადია რეალობა და რა მსხვერპლის გაღებაა საჭირო იმისთვის, რომ ყველაფერი უკეთესობისკენ შეიცვალოს. ის დროა თამაშის დასასრულს ჩაუჯდე პოპ-კორნით და უყურო, წინ საუკეთესოდ აწყობილი კომპიუტერული გრაფიკა, საოცარი გრიმები და ოსკაროსანი მსახიობების ვარსკვლავთცვენა გელის.


4. თაღლითები/ The Hustle

ფილმი მოგვითხრობს ამბავს, რომელშიც ენ ჰეთუეი და რებელ უილსონი ერთად შეეცდებიან შური იძიონ მამაკაცზე, რომელმაც ორივე გააწბილა. ორი ქალბატონის შეკრული გუნდი, რომელშიც ერთი დაბალ კლასს, ხოლო მეორე მაღალ კლასს წარმოადგენენ, გვთავაზობს სახალისო და ცხოვებისეულ თავგადასავალს...


5. გოძილა 2: მონსტრების მეფე/Godzilla: King of the Monsters

ახალი ისტორია მოგვითხრობს კრიფტო-ზოოლოგიური სააგენტო მონარქსა და მათ წევრებზე, რომლებიც ღვთაებრივი ზომის მხეცებთან დაპირისპირებით არიან დაკავებული. მათ შორის ძლევამოსილი გოძილასი, რომელიც უპირისპირდება მორტას, რონანს და სამხელა მეფე გიდორას, სუპერსახეობების მითი რეალობა ხდება, კაცობრიობის ბალანსს კი გაწონასწორება სჭირდება...


6. ასიმილაცია/Assimilate

ორი მეგობარი ერთ პატარა ქალაქში ვიდეო ბლოგების გადაღებას გადაწყვეტს. მოივლიან ყველას იმ იმედით, რომ საინტერესო მასალას შექმნიან, თუმცა მათი გართობა მალე სერიოზულ სახეს მიიღებს, ქალაქის მაცხოვრებლებს უცნაური გაორებები ემართებათ, როგორც აღმოჩნდა ყველა მათგანს სამუდამოდ გაქრობა ემუქრება, რა მოხდება და როგორ განვითარდება მოვლენები, როცა მათ გუნდში მესამე ადამიანი გოგონა ემატება...


7. არასწორი წყვილი/Long Shot

როდესაც ფრედ ფლერსკის გზები მისი პირველი სიყვარულის გზებს გადაეკვეთება ყველაფერი იცვლება. მისი პირველი სიყვარული კი მსოფლიოში ძალიან ცნობილი და წარმატებული ქალია სახელად - შარლოტა ფიელდი. შარლოტა საპრეზიდენტო არჩევნებისთვის ემზადება და ფრედს დაიქირავებს თავისი სიტყვის მოსამზადებლად, რა ხდება მაშინ როცა საერთოდ არ უხდებით ერთმანეთს და ერთად არც თუ ისე კარგად გამოიყურებით? პასუხს სწორედ ლამაზმანი შარლიზ ტერონი და სეთ როგენი გაგცემთ.

ლიდია ამარიანი



like
2

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას