ეროტიკა - ქალის წინააღმდეგობრივი ბუნება

ფოტოგრაფიის პირველივე ნაბიჯებიდან შეგვიძლია ვთვათ, რომ სიშიშვლე ერთ-ერთი შთაგონების მთავარი წყარო იყო მათთვის, ვინც ცდილობდა მარტივი ფორმებით საკუთარი შემოქმედების წინა პლანზე წამოევას.


თუმცა, ჰემლმუტ ნიუტონის კარიერაში ასე არ ყოფილა. ნიუტონს
სიშიშვლის განსაკუთრებული აღქმა ჰქონდა. მას ყველაზე უკეთ ჰქონდა გაცნობიერებული ქალბატონების ცხოვრების გამორჩეული მომენტები. მისი გადაღებული ეროტიკული ფოტოები არ არის ბოლომდე გახსნილი. მოდელები ერთგვარ დისტანციასა და მიუწვდომლობას გვიჩვენებენ ქალის ძლიერ ხასიათთან ერთად, რომელიც ნიუტონის ნებისმიერ ფოტონამუშევარში იკითხება.



იგი ყველაფერთან ერთად საუკეთესო პორტრეტისტიც იყო, შესაბამისად მისი ფოტოები ინტელექტუალური ხასიათისაცაა. უბრალოდ, ვერ გავექცევით პროვოკაციულ ელემენტებს, რომელსაც ყველა მშვიდად ვერ მიიღებს.  ფოტოგრაფის არქივში გვხდება მის მიერ გადაღებული სალვადორ დალის ფოტო, სადაც მხატვარი უმძიმეს მდგომარეობაში იმყოფებოდა, ამით ნიუტონი საკუთარ წინააღმდეგობრივ ბუნებას და მეამბოხე ხასიათს უსვამს ხაზს.



ჰელმუტ ნიუტონი ყოველთვის სასურველი ფოტოგრაფი იყო გავლენიანი ჟურნალებისთვის, ტოპ მოდელებისა და მსახიობებისთვის. რთული იყო მისთვის უარის თქმა, ბევრიც ოცნებობდა მასთან მუშაობაზე, უფრო ბევრისთვის კი წარმატების მომტანიც შეიძლება გამხდარიყო მისი გადაღებული, ერთი შიშველი ფოტო.



ფოტოგრაფი ძალიან შორს იდგა პედანტური ბუნებისგან. მისი ფოტოების სპონტანურობა და სირთულე ყოველთვის შოკისმომგვრელი იყო ნებისმიერი მოდელისთვის. არასდროს ხარჯავდა ბევრ დროს გადაღებაში, თვლიდა რომ გენიალური კადრის დაფიქსირება ხასიათისა და ექსპოზიციის სისწორეზე იყო დამოკიდებული.



დაკვეთებზეც მხოლოდ ერთი ან ორი კამერით მიდიოდა, ხშირ შემთხვევაში მარტო, ან ერთი დამხმარით. ყოველთვის ზუსტად სწავლობდა დეტალებს და ფოტოს იმპროვიზირება საუკეთესოდ შეეძლო კადრში, ისე, თითქოს გადაღების დროს იქ არ ყოფილა.



მისი ნაბიჯები მოდის ჟურნალებში, ერთგავერი კლასიკური ბურჟუაზიის რხევის მცდელობა იყო ძვირფასეულობის მიმართ. ხშირად შეგხვდება მის ფოტონამუშევრებში შიშველი ქალბატონის ფოტო, რომელიც შეკაზმულია ულამაზესი სამკაულით.


 დათა ალექსეევი




like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ინდოეთი - კონტრასტების ქვეყანა
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას