წლევანდელი ზაფხულის ტრენდი: უმკლავო მაისური ჟაკლინ კენედის სტილში

ამერიკის შეერთებული შტატების ყველაზე დასამახსოვრებელი და გამორჩეული ქალი ჟაკლინ იგივე ჯეკი კენედი იყო, რომელმაც თავის სიცოცხლეშივე მოდის მიმდევარი გოგონების გულები სწრაფად მოიგო და სტილის კერპის სახელიც მოიპოვა.


ის დიდი თეთრი სახლის პატარა და მშვენიერი დიასახლისი გახლდათ. რეპორტიორები ტყავიდან ძვრებოდნენ, შორიდან მაინც გადაეღოთ მისთვის ფოტო. მაშინაც კი, როცა ბებია გახდა, არ განელებულა საზოგადოების ყურადღება მის მიმართ. იგი იყო ამერიკის ერთ-ერთი ყველაზე ქარიზმატული პრეზიდენტის, ჯონ კენედის მეუღლე. მის ცხოვრებაში იყო ბედნიერი წლები, იყო იმედგაცრუება

და დიდი ტრაგედია.

უნივერსიტეტში სწავლის დროს ჟაკლინი მუშაობდა რეპორტიორად და 21 წლის ასაკში დაიკავა ცნობილ ჟურნალ Vogue-ის უმცროსი რედაქტორის თანამდებობა. ნახევარი წელი იმუშავა ამერიკულ განყოფილებაში, შემდეგ კი ფრანგულში გადავიდა.


1975 წელს, მეორედ დაქვრივებული ჟაკლინი გადავიდა საცხოვრებლად ნიუ-იორკში და მუშაობდა რედაქტორად წიგნების გამოცემა Viking Press-ში. შემდეგ კი, სიცოცხლის ბოლომდე - უფროს რედაქტორად გამოცემა Doubleday- ში.

ჯეკი უპირატესობას ყოველთვის რომანტიკულ, ჰაეროვან და კომფორტულ ტანისამოსს ანიჭებდა, საღამოს სეირნობებით დაწყებული იახტებზე მოგზაურობებით და ჩოგბურთის თამაშითა და უბრალოდ მზეზე დროის გატარებით დასრულებული. ყველა ჩამოთვლილ სიტუაციაში კი პირველი ლედი ნაჭრის თხელ უმკლავო მაისურს ანიჭებდა უპირატესობას. ჟაკლინის ფავორიტი კლასიკური თეთრი ვარიაცია იყო, ყვავილებით და ზოლებით გაწყობილი მოდელები, ასევე ლიმონის ჯემის შეფერილობის მაისურები, რომლის ფერები გაუჯულ სხეულთან იდეალურ კონტრასტს ქმნიდა.

დარჩენილი ზაფხულის თვის გატარება სწორედ ასეთი სტილის მაისურებსა და ტილოს შორტებში უნდა გადაწყვიტოთ, ხოლო შემოდგომაზე შეგიძლიათ კოსტიუმები, ჯინსები და კომფორტული კარდიგანები მოირგოთ ზემოდან. 


ლიდია ამარიანი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას