ეძღვნება ყველა ქერას!

მე ქერა ვარ, შეღებილი ქერა და საერთოდ არ ვმალავ ჩემი თმის ფერის ხელოვნურ წარმომავლობას. ბუნებრივად შავგვრემანი ვარ, მუქი შავი თმა მაქვს. ერთ დღეს გადავწყვიტე და თმის ფერი რადიკალურად შევიცვალე. ვთვლი, რომ ცვლილება მომიხდა, ჩემს შინაგან სამყაროს სინათლე მოემატა. საერთოდ არ მაწუხებს ქერას კომპლექსი და მეცინება შურიანი ადამიანებისგან გაგონილ ბრძნულ ფრაზებზე, რომ " ქერა ქალები სულელები არიან" ან "ქერა გოგოებს ეშხი აკლიათ".
სასაცილოა ეს ყველაფერი იმის ფონზე, რომ უმრავლესობის თმის ფერი ხელოვნურად არის მიღებული და მეეჭვება თმის ფერთან ერთად შეცვლილიყო მათი

დამოკიდებულება საქმისადმი და მამაკაცებისადმი.

მე ისევ მე ვარ, და თმის ფერის ცვლილებას ნამდვილად არ უმოქმედია ჩემს გონებრივ და ინტელექტუალურ მონაცემებზე. მცდარია წარმოდგენა იმის შესახებ, რომ ქერებს განსხვავებული ფსიქოლოგია აქვთ. ყველა მითი რეალობას არ შეესაბამება და დაჯერების წინ, გააზრებაა საჭირო. გამაღიზიანებელია, როცა სათანადოდ არ მაფასებენ და ჩემს გონებრივ შესაძლებლობებზე მეტად , ფიზიკურს რომ აფასებენ. მაგრამ ამ დამოკიდებულებას მთლად ქერა თმას ვერ დავაბრალებ, ეს ზოგადად ქალს ეხება, მით უმეტეს ლამაზ ქალს.

და ყველაფრის მიუხედავად მე ქერა ვარ და ამით ვამაყობ. ვეთანხმები დონატელა ვერსაჩეს, რომელიც ამბობს: "ქერა მხოლოდ თმის ფერი არ არის, ეს სულიერი მდგომარეობაა. ქერა თმა უკვე სამკაულია, განსაკუთრებით, როცა ქალს შავი ტანსაცმელი აცვია".

ატალია ბერიანიძის ბლოგი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას