როგორ მოვუაროთ მშრალ კანს და როგორ შევარჩიოთ შესაფერისი კოსმეტიკა

მზიან ამინდებთან ერთად კანი უფრო გამომშრალი ხდება, კარგავს ელასტიურობას და ტენიანობას, შესაბამისად განსაკუთრებული მოვლა სჭირდება. როგორი უნდა იყოს მშრალი კანის მოვლის წესები და რომელი კოსმეტიკური საშუალებები შევარჩიოთ დერმატო-კოსმეტოლოგების რჩევით.

რამდენად მშრალი კანი გაქვთ

მშრალი კანის ტიპის შემთხვევაში დაბერების პროცესი უფრო სწრაფად მიმდინარეობს, ვინაიდან კანი საკმაოდ თხელია და როგორც პერგამენტის ქაღალდი გამოიყურება. ასაკთან ერთად ტექსტურა იცვლება და ფორთოხლის გულს ემსგავსება, ამიტომ აუცილებელია არასასურველი შედეგის თავიდან ასაცილებლად სახის დაბანის შემდგომ ქაღალდის ხელსახოცები გამოიყენოთ. თუკი მასზე არ

დარჩა კვალი, მაშინ თქვენი კანი მშრალია და საკმარისი რაოდენობის სებუმს გამოიმუშავებს.



მშრალი კანის ტიპის ნიშნები: 

 

  • ხშირად გრძნობთ კანის დაჭიმულობას

  • მუდმივად გიჩნდებათ სახეზე დამატენიანებლის წასმის სურვილი, სასურველია უფრო ცხიმიანი ტექსტურის

  • კანი სახის დაბანის შემდგომ უფრო თხელი ჩანს ვიზუალურად

  • მუდმივად გექერცლებათ კანი

  • წვრილი ნაოჭები ქრება დამატენიანებელი საცხის გამოყენების შემდგომ



რა იწვევს კანის სიმშრალისკენ მიდრეკილებას

პირველ რიგში ასაკის მატებასთან ერთად კანს უჭირს კოლაგენის გამომუშავება, შესაბამისად ორგანიზმში მიმდინარე პროცესები თანდათან ფერხდება. ასევე დიდი მნიშვნელოვა აქვს სახლში თავის მოვლას, არასწორი გამოყენება რეთინოლის, მჟავების, გამწმენდი საშუალებების კანზე ცუდად ასახვას განაპირობებს. შედეგად ზიანდება ლიპიდური ფენა და კანს დაუცველს ხდის, რაც ტენიანობის სწრაფად დაკარგვას განაპირობებს. მეორე მხრივ სიმშრალე შესაძლოა ჰორმონებთან, გენეტიკასთან, იმუნური სისტემის მუშაობასთან, გარე ფაქტორებთან ზემოქმედებით იყოს გამოწვეული.

როგორ ავარჩიოთ სწორად მშრალი კანისთვის კოსმეტიკური საშუალება

აუცილებელია ტექსტურა ნახოთ და არა შემცველობა - ის უნდა იყოს გაჯერებული დამატენიანებელი და მკვებავი კომპონენტებით, ჰიალურონის მჟავით, ალოეთი, ლოკოკინას მუცინით, მცენარეული ზეთებით. ეს ყველაფერი უნდა იყოს სახის გამწმენ ტონიკში, რძეში, ქაფში ან ლოსიონში. მთავარია სახის გამწმენდი პროცედურა ეტაპობრივად შესრულდეს და ტონერით დასრულდეს, რაც შეუნარჩუნებს კანს ტენიანობას. საცხის შემცველობაში უნდა იყოს ანტიოქსიდანტები სელენის შემცველობით, ჰიალურონის მჟავა, კერამიდები, ამინომჟავები, კოენზიმი Q10, ხოლო მინერალური ზეთი, სპირტი რეთინოლი უმჯობესია უარი თქვათ.

ლიდია ამარიანი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას