ცხოვრების სტილი

სიშიშვლე - გამოხატვის თავისუფლება
ადამიანის მოთხოვნილება, გააზრებულად თუ გაუაზრებლად, თავისუფლების მოპოვებისა და საკუთარი ეგოს დაკმაყოფილების მიზანს ემსახურება.
ირინა შეიკი გვიჩვენებს, როგორ უნდა ატაროთ ქაშმირის თეთრეული
იტალიურმა ბრენდმა Intimissimi, რომლის უცვლელი სახე ირინა შეიკი გახლავთ, საცვლებისა და საშინაო სამოსის ახალი კოლექცია გამოუშვა, რომელიც რბილი, ქაშმირნარევი ქსოვილითაა დამზადებული. კომფორტული ყელიანი როლინგები, მაისურები, ბოდე - არამარტო თბილი და კომფორტული, არამედ წარმოუდგენლად მომხიბვლელია.

მთელი კოლექცია ნეიტრალურ ფერებშია შესრულებული - ფერფლისფერი-ნაცრისფერი, ვარდისფერი და შავი. ირინა შეიკის ყურებისას, სურვილი გაგიჩნდებათ, რაც შეიძლება მალე მოირგოთ გრძელმკლავიანი ბოდე, რომელიც სხეულს ფარავს ისე, თითქოს მეორე კანი იყოს. კოლექციიდან ზოგიერთი რამ უკვე შესაძლებელია ბრენდის მაღაზიებსა და Intimissimi-ის საიტზე იხილოთ.


მარიამ გეგუჩაძე ჩარჩოებს მიღმა
აკუთარი ადგილი და გზა აირჩია. დამოუკიდებელი და მიზანდასახულია აუცილებლად იტყვის სათქმელს ადამიანის უფლებების დაცვის საკითხში. მანამდე კი ბევრს ფიქრობს და მუშაობს კარგი განათლების მისაღებად. უკვე ჩართულია სხვადასხვა პოლიტიკურ აქტივობაში და როგორც აღნიშნავს, ამ სფეროში თავს ყველაზე რეალიზებულად გრძნობს. მარიამ გეგუჩაძე სიამოვნებით გვესაუბრება თავის არჩევანზე, სულიერ ტრანსფორმაციებსა და ინდივიდუალურ სტილზე.


 - მარიამ, უცნაურია, რომ ჟურნალისტიკამ არ დაგაინტერესა და სხვა სფერო აირჩიე...

 - ბავშვობიდან თავისუფალ დროს, ყოველთვის დედასთან,ვატარებდი სამსახურში. ჯერ კიდევ ალიონში რომ მუშაობდა, ერთი წლის ვიყავი ველოდებოდი სამონტაჟოში. ახლა მისი მაშინდელი კოლეგები რომ მეუბნებიან "ჩემ ხელში ხარ გაზრდილი" პირდაპირი გაგებით მესმის. შემდეგ იყო კურიერი. ამიტომ, ჟურნალისტიკა ჩემი ცხოვრების განუყოფელ ნაწილად იქცა. ნანუკას ძალიან უნდოდა მოვეწამლე ტელევიზიით და მის გადაცემაში რუბრიკაც კი მოიგონა, მაგრამ ჟურნალისტად იბადები. ჩემი აზრით უნარია, რომელიც ჩემი შეფასებით მე არ მაქვს. "რუსთავი 2"- ში პრაქტიკა მქონდა, რაც დამეხმარა დასკვნების გაკეთებაში. პრაქტიკულ საქმიანობაში ხედავ საკუთარ თავს და შესაძლებლობებს. თეორიულად სხვაგვარად ჩანს ყველაფერი. მიუხედავად ჩემი მხრიდან დიდი ინტერესისა, მივხვდი, რომ საშუალო-სტატისტიკური ჟურნალისტი გამოვიდოდი, რაც არ მინდოდა. საქმეში პირველი უნდა იყო. ჯერ მარტო ნანუკასთან ურთიერთობით, მასზე დაკვირვებით ვიცი, როგორი უნდა იყოს ჟურნალისტი. ეს საზომი ყოველთვის მქონდა.

- პირველი ახალგაზრდა არ ხარ, ვინც ასე თავდაჯერებით საუბრობს პროფესიულ არჩევანზე. ეს თაობის დამახასიათებელი ნიშანია?

- ბევრ ახალგაზრდას ვიცნობ, რომლებიც მიზანდასახულები არიან და ის გზებიც იციან, როგორ შეიძლება მიზნის ასრულება. ამასთან, საოცრად მებრძოლებიც არიან. შეიძლება იმიტომ, რომ საზღვრები გაიხსნა და ჩვენი თვალით ვნახეთ კონკურენცია, რომელიც მხოლოდ შენი ქვეყნის მასშტაბებს არ მოიცავს, ან ვიგრძენით საკუთარი შესაძლებლობები... ვფიქრობ, მთავარი სტიმული სწორედ ესაა. ვნახეთ, როგორ საინტერესოდ ცხოვრობენ პროფესიონალები, რამხელა შესაძლებლობები აქვთ. ჩვენმა თაობამ ეს არ იცის გადმოცემით. საკუთარი თვალით გვაქვს ნანახი.

- როდის მიხვდი, რომ პროფესიული არჩევანი ერთ-ერთი მთავარი სტიმული და ძალაა ადამიანის ცხოვრებაში?

- ბაკალავრის ორმაგ ხარისხს ვაკეთებ - პოლიტიკა და ფინანსები. შემდეგ კი მაგისტრატურას ადამიანის უფლებების საკითხებში გავივლი. ერთი წლის წინ მივხვდი, რომ ამ პროფესიით სიამოვნებით ვიმუშავებდი. ვიცით, რომ ბულინგის თემა სკოლის ასაკში გავრცელებულია. ბავშვობაში ბულინგის მსხვერპლი მეც ვიყავი და არ ვსაყვედურობ იმ ადამიანებს, რომლებიც ალბათ ვერც ხვდებოდნენ რა ტრამვას ვიღებდი მაშინ, როცა დედაჩემს თავს ესხმოდნენ. ამიტომაც, ჩემი დამოკიდებულება ამ თემის მიმართ მძაფრი იყო. ყოველთვის ვიცავდი დაჩაგრულს. "არამკითხე მოამბეს" რომ ეძახიან, ისეთი ვიყავი. ამის გამო აგრესიაც მიგრძნია. ჩემი ხასიათით, ინტერესით, ადამიანის უფლებების დაცვის სფეროში საქმიანობა ლოგიკური იქნება. თან ბოლო წელს აკადემიური ავიღე. ამ პერიოდში ბევრი სამსახური გამოვიცვალე, ბევრ სფეროს გავეცანი. ვიმუშავე არასამთავრობო ორგანიზაციის "გამჭვირვალობა საქართველო" არაჩვეულებრივი პროფესიონალების გუნდში. მათთან ურთიერთობით დიდი გამოცდილება მივიღე. სიმართლე გითხრათ, აქ მოხვედრამ ძალიან შეცვალა ჩემი დამოკიდებულება ბევრი თემის მიმართ. აქტიური მოქალაქე გავხდი. მივხვდი რომ ყველაფერი ჩვენ ხელშია და რამე თუ არ მოგვწონს, შეცვლაც მხოლოდ ჩვენ შეგვიძლია. ბევრი თანამოაზრე გავიცანი "ბასიანის" აქციებზე. და ბოლოს გაჩნდა ყველაზე მნიშვნელოვანი ეპიზოდი ჩემს ცხოვრებაში. ეს არის მოძრაობა "რუსეთი ოკუპანტია"

- ახლა სად სწავლობ?

- სკოლის დამთავრების შემდეგ, გაცვლითი პროგრამით მოვხვდი ჰარვარდის საზაფხულო სკოლაში, ვსწავლობდი ბუდაპეშტში, ამერიკულ სკოლაში. შემდეგ იყო უნივერსიტეტი ამერიკაში, სადაც ორი წელი ვისწავლე ახლა პარიზში ვსწავლობ. სამწუხაროდ, მაგისტრატურამდე ბაკალავრისთვის იურიდიული საკითხები არ ისწავლება, ამიტომ სასწრაფოდ ვიცავ ორმაგ ხარისხს, რომ მაგისტრატურა იურიდიულზე გავაგრძელო ისევ ამერიკაში.

- რა მნიშვნელოვანი ცოდნა მიიღე უნივერსიტეტში?

- ვერ დავაკონკრეტებ, რთულია... გამოცდილება იყო მნიშვნელოვანი. ამერიკაში განსხვავებულ გარემოში აღმოვჩნდი, რამაც შინაგანი ტრანსფორმაცია გამოიწვია. საკუთარ თავზე დაკვირვება მახასიათებს. ხშირად ვიხსენებ რამდენიმე თვის წინ ნათქვამ ფრაზებს და ვაფასებ... თუ ვხვდები, რომ იმავე ფრაზას აღარ ვიმეორებ, ნიშნავს, რომ გავიზარდე. ჩემში ზრდის პროცესი მსიამოვნებს. ამ პროცესს განსაკუთრებით აქ დაბრუნებული ვამჩნევ. ის მნიშვნელოვანი რამ, რაც ამერიკულმა უნივერსიტეტმა მასწავლა, საკუთარ თავზე მუშაობაა. პირველი ორი წელი ლექციები გვიტარდებოდა ტექსტის სწორად წაკითხვაში, სწორად მეცადინეობასა და დროის სწორად განაწილებაზე... აქედან გამომდინარე, საკუთარ თავზე ბევრი ვიმუშავე. მგონია, ეს ცოდნა ყველაზე მეტად მადგება როგორც პროფესიაში, ისე ცხოვრებაში.

- როგორ განვითარდება მოვლენები, სად აღმოჩნდები... ან სად გინდა ყოფნა?

- რაც ოთხ წელიწადში უნდა მესწავლა, ორ წელიწადში უნდა გავიარო, ამდენად, ჯერ სწავლაზე ვარ ორიენტირებული. არ მიყვარს ცხოვრების დაგეგმვა. არც პროფესიული განვითარების... შინაგანად კი ვიცი, რა მინდა ან სად ვისურვებდი ყოფნას, მაგრამ არაფერს ვგეგმავ. ხვალინდელ დღეზე არასდროს ვფიქრობ. ისიც ვიცი, რატომ... უფროსი თაობის მხრიდან ჩვენ მიმართ მოლოდინი იმდენად დიდია, რომ ეს პასუხისმგებლობას გვიზრდის. თან ეს დიდი წნეხია. წარმოიდგინეთ, როცა სულ გესმის "მომავალი თაობა გადაგვარჩენს" და როცა გინდა ამ თაობას შენც წარმოადგენდე. მე, ძალიან თავისუფლად გავიზარდე. არ არსებობს საკუთხი, რაც მე მიკავშირდება და სხვა გადაწყვეტს. როგორც კი სრულწოვანი გავხდი, დედაჩემმა მითხრა რომ უკვე ჩემი გზა იწყებოდა სადაც მარტო მომიწევდა წასვლა. მშობლები და ოჯახის წევრები კი გამომყვებოდნენ, მაგრამ ყველა გადაწყვეტილება მე უნდა მიმეღო და პასუხისმგებლობაც ამეღო. როცა სასწავლებლად წავედი და მარტო დავრჩი, მივხვდი, რომ ხვალინდელ დღეზე ნერვიულობით აწმყოს ვკარგავდი.

- როგორი ტიპი ხარ?

- ძალიან ბავშვური. უცნაური ვარ, ვერ ვიტყვი, რომ ბოლომდე ბავშვური ვარ. ისეთიც ვარ, ასეთიც... ახლა, პასუხისმგებლობის გრძნობის გამომუშავებაზე ვმუშაობ. არა ადამიანებთან დამოკიდებულებას, არამედ დისციპლინას ვგულისხმობ. რეჟიმისადმი განსაკუთრებული, უარყოფითი დამოკიდებულება მქონდა. თითქოს რაღაცის პროტესტი მქონდა. არ ვიცი, რატომ მაგრამ უწესრიგობაში ცხოვრება უფრო მომწონდა და მივხვდი რომ ეს, უნდა შევცვალო. ამ საქმეში მეხმარება მედიტაცია, რომელსაც ინდოეთში დავეუფლე.

- ინდოეთსა და მედიტაციაზე მომიყევი...

- ინდოეთში ახლა მეორედ ვიყავი. იქ ყოველი დილა, მასწავლებლის დახმარებით, მედიტაციით იწყებოდა. ბევრი ვიმუშავე, იმდენად, რომ შიდა ხმა გავიჩინე, რომელთანაც ვურთიერთობ. ეს ხმა ყველა ადამიანს აქვს. ის ხმა ჩვენს ქცევებს მართავს. მედიტაციის შემდეგ ეს ხმა გამოიკვეთა და ჩემს თავთან, ქცევებთან ჰარმონიას მიაღწია. შემიქმნა გარემო, რომელშიც მსურს ყოფნა. პანიკისა და ქაოსის სიტუაციაში თვალის დახუჭვა და მედიტირება შემიძლია. ასე ორ წუთში მოვიყვან თავს მწყობრში. ინდოეთში გარემოსთან სრულ ჰარმონიაში ვარ. ასკეტურად ვცხოვრობ. გადავდივარ სხვა რეჟიმზე. ვცხოვრობ გარემოში სადაც მხოლოდ ცხოველებია, ვჭამ ბალახს, ვუსმენ ოკეანის ხმას, ვიღვიძებ დილის 7 საათზე. ბევრ კვლევას გავეცანი და ასეა - ადამიანის ძილის რეჟიმი მზის ამოსვლა-ჩასვლას თუ უკავშირდება, იდეალურია. ინდოეთში ვცდილობ ამ რეჟიმის დაცვას. ვიძინებ მზის ჩასვლიდან მალევე 10-11 საათზე. თბილისში რომ ჩამოვდივარ, ეს რეჟიმი იცვლება.

- ღამის ცხოვრება გიზიდავს?

- არააა... ამ მხრივ მოსაწყენი ბავშვი ვიყავი ყოველთვის. მეგობრებიც კი არ მტოვებდნენ თავისთან, რადგან იცოდნენ, რომ 12 საათამდე ჩამეძინებოდა. ძილია ჩემი მთავარი ენერგია. ამიტომ ვერ ვიკლებ.

- ინდოეთში ხშირად დადიხარ?

- რადგან ნანუკა მოიწამლა იქაურობით, ახლა ყოველ 6 თვეში ერთხელ ვივლით. ჩემი ცხოვრების წესი ჯანსაღია, მაგრამ ინდოეთი კიდევ სხვა სამყაროა. იქ, გარემოც ჯანსაღია. ერთი წლის წინ, საშინლად ალერგიული გავხდი. სპეციალური წამლით დავდივარ. რაც კი არანატურალურია, ყველაფერზე ალერგია მაქვს - ეხება როგორც საკვებს, ასევე ქსოვილებს. როგორც კი არანატურალურ პროდუქტს შევჭამ, რეაქცია გულის აჩქარებით იწყება. ავტომატურად ვშუპდები. ჩემმა ორგანიზმმა იმდენი არაბუნებრივი საკვები მიიღო, რომ რეაქცია ასე გამოხატა. დამეწყო თავის ტკივილები. ახლა ვაკონტროლებ საკვებსა და ტანსაცმელს. ხორცი ისედაც არ მიყვარს. ჩემი ძირითადი საკვები ბოსტნეულია. ამ მხრივ, ინდოეთი ჩემთვის ნირვანაა, ჩემს პირად სამოთხეს ვეძახი. ჩასვლისთანავე მის ენერგეტიკაში ვეხვევი. ისედაც მიყვარს განმარტოება, რასაც ყველაზე უკეთ ინდოეთში ვახერხებ.

- ყველაზე დასამახსოვრებელი და გამორჩეული მოგზაურობა...

- მეგობართან პორტუგალიაში ჩავედი. პარაშუტიდან გადმოხტომა გადავწყვიტეთ. ყოველდღე გადიოდა რეკლამა, რომ მთელ ევროპაში ყველაზე მაღალი, 5 000 მეტრიდან გვთავაზობდნენ გადმოხტომას. თვითმფრინავი ხომ კატასტროფაა... თვითმფრინავის დაშვების უფრო მეშინია, ვიდრე იქიდან გადმოხტომის. მოკლედ, გადმოვხტით და... ეს ისეთი ადრენალინი იყო... ენერგიული ვარ, დაშვების შემდეგ ისეთი ენერგია ვიგრძენი, რომ ვეღარ ვჩერდებოდი. ენერგიის აფეთქება მქონდა. მეგობარს ვუთხარი, რომ რაღაც უნდა მოგვეფიქრებინა. ჩავსხედით მანქანაში, წავედით ესპანეთში, სევილიაში, დავესწარით სხვადასხვა შოუს თუ პერფორმანსს. ღამე სევილიაში გავჩერდით. სადაც ასევე ჩვენი მეგობარი დაგვხდა. ეს მოგზაურობა ჩემთვის ერთ-ერთი ყველაზე გიჟურია.

- ჩაცმის როგორ სტილს ირგებ, შენი საყვარელი ბრენდი...

- ჩაცმის სტილი ჩემს განწყობას უკავშირდება. შეიძლება ერთ დღეს ჭრელ ტანსაცმელში მნახოთ, მეორე დღეს სადა ფერებში. მოდა მე არ მეხება. ჩემი მოდა არის კომფორტი. რაშიც თავისუფლად ვგრძნოვ თავს, ეგაა ბოლო ტენდენციაც.

- სამოსს სად ირჩევ?

- გაგეღიმებათ, მაგრამ ხშირად პიჟამაში მნახავთ. ახლა ხომ მოდურია მასთან მიმსგავსებული , მაგრამ მე სულ ასე ვიყავი. კომფორტულია და იმიტომ. აკადემიური იმიჯებიც მომწონს. ჩემგან განსხვავებით ნანუკა გაცილებით თავისუფალ სტილს ირჩევს. ასეთ დროს მე უფრო ვგავარ დედას და ის შვილს. ჩემს ძვირფას დროს ნამდვილად ვერ დავხარჯავ იმააზე ფიქრში თუ რა ჩავიცვა. მომწონს ვინტაჟი და პარიზში ვიცი რამდენიმე ასეთი მაღაზია. აკადემიურ სტილში YVES SAINT LAURENT მომწონს. ჟანრობრივად მომწონს COMME des GARÇONS. თუმცა, ტანსაცმლის შეძენისას ბრენდს არასდროს ვითვალისწინებ. მომწონს ქართველი დიზაინერების ტანსაცმელი. ვცდილობ, საზღვარგარეთ მათი სამოსი მეცვას. ჩემს გარდერობში ყველაზე მეტი, დათუნა სულიკაშვილია.

- თავს როგორ უვლი?
- კარგი სახის კანი მაქვს და განსაკუთრებული მოვლა არ სჭირდება. ღამე მაკიაჟს არასდროს ვიტოვებ, შეიძლება სახის კანი ზედმეტად მგრძნობიარეა და ალერგიისგან მისი დაცვა მაინც მიხდება. ძილი და წყალია მთავარი მოვლა. სახის კანისაც და მთლიანი სხეულის.

ქეთი დარჩია
ქართველი ტოპ მოდელის მორიგი წარმატება ნიუ-იორკში
“IC Model Management”-ის მოდელმა თათია ახალაიამ ნიუ ირკში მიმდინარე მოდის კვირეულზე (Ready To Wear Spring Summer 2019 New York) Tadashi Shoji- ს შოუ გახსნა. თათია მაყურებლის წინაშე სამი განსხვავებული ლუქით გამოვიდა. ნიუ იორკის მოდის კვირეული 15 სექტემბრამდე გაგრძელდება და თათიას წინ კიდევ რამოდენიმე ჩვენება ელის.
თათია ახალაია წინა სეზონებზე წარმატებით გამოვიდა ისეთი ცნობილი ბრენდების ჩვენებებზე, როგორებიც არის: DOLCE & GABBANA, Roberto Cavalli, Emilio Pucci, HERMES, MIU-MIU, Laura Biagiotti, Stella Jean, Narciso Rodriguez, Kate Spade, Jonathan Saunders, და სხვა.


5 უცნობი ფაქტი ბექჰემების ყველაზე მორცხვ შვილზე - ვიღაცას ძალიან გაუმართლებს
1 სექტემბერს რომეო ბექჰემს 16 წელი შეუსრულდა. ახლობლებმა კი დღესასწაულის წინასწარ აღნიშვნა გადაწყვიტეს და რომეოს სიურპრიზი მოუწყვეს - იუბილარს რესტორანში ტორტი მიართვეს. მიუხედავად სახელგანთქმული გვარისა და ინსტაგრამზე 1.4 მლნ გამომწერისა, დევიდის შუათანა ვაჟზე ბევრი არაფერია ცნობილი. გაიგეთ მის შესახებ მეტი და ის, თუ რატომ დაიკავებს ძალიან მალე ბრიტანეთის ყველაზე სასურველი სასიძოს სტატუსს?

1. შესაძლოა ჩგბურთის მომავალი ვარსკვლავი

მამის შემდეგ, ბექჰემებს შორის ყველაზე სპორტული რომეოა. ადრეული ასაკიდან ის ჩოგბურთითაა დაკავებული და მწვრთნელები მას დიდ მომავალს უწინასწარმეტყველებენ. დევიდ ბექჰემი შვილის არჩევანის გამო განაწყენებული იყო, რადგან იმედი ჰქონდა, რომ რომეო ფეხბურთს აირჩევდა. ამბობენ, ბიჭს საოცრად სწრაფი რეაქციის უნარი აქვს. ახლა მოზარდი მთელ თავისუფალ დროს ჩოგბურთს უთმობს და ყოველდღე ვარჯიშობს. მისი ყველაზე დიდი ოცნებაა გახდეს უიმბილდონის გამარჯვებული. რომეოს კიდევ ერთი სპორტული გატაცებაა - ბოქსი.

2. მისი ნათლია ელტონ ჯონია

ლეგენდარული კომპოზიტორი და მუსიკოსი სერ ელტონ ჯონი უკვე მრავალი წელია ბექჰემების ოჯახთან მეგობრობს. მისი და დევიდის მეგობრობა კი 25 წელს ითვლის. ყოფილი ფეხბურთელი მუსიკოსს ხუმრობით ბიძია ელტონს ეძახის. ელტონი და მისი პარტნიორი დევიდ ფერნიში რომეოს ნათლიები არიან. ბიჭს დაბადების დღე პირველებმა სწორედ მათ მიულოცეს.

3. ის აღმერთებს თავის დას, ჰარპერს

დასთან ყველაზე მეტ დროს რომეო ატარებს. ეს ოჯახურ ფოტოებსა და ვიდეოებზეც ჩანს. ცოტა ხნის წინ ბექჰემების დასვენების პერიოდში გამოჩნდა ამაღელვებელი ფოტო, რომელზეც რომეო აუზში ჩახტომას დიდი სიმაღლიდან აპირებს, გოგონა კი ცდილობს ძმას ეს „საშიში“ იდეა გადააფიქრებინოს. აშკარაა, რომ რომეო მზრუნველი მამა და ქმარი იქნება, ქალებს ხომ ის განსაკუთრებული ყურადღებითა და სინაზით ეპყრობა.

4. უყვარს კერძების მომზადება

ცნობილ მამას რომეო ბევრ რამეში ჰგავს. მათ შორის კულინარიის მიმართ ინტერესში. ცოტა ხნის წინ მან მოამზადა პიცა, შოკოლადის პასტითა და ბანანით. მოზარდი სოც.ქსელში ხშირად აქვეყნებს მის მომზადებულ კერძებს და ცნობილ მზარეულსა და მამის მეგობარს ირონიით მიმართავს: ეს როგორ მოგწონს, გორდონ რამზი?

5. ის ბრიტანეთის ყველაზე სასურველი სასიძო იქნება

რომეო ვარსკვლავური წყვილის საუკეთესო ასლია. მოდური ჟურნალები მას უკვე მოიხსენიებენ, როგორც ქვეყნის ყველაზე გემოვნებიან მოზარდს. ამას დაუმატეთ კეთილი გული, მოკრძალებულობა, ხასიათი და მიზანსწრაფულობა. ვიღაცას ძალიან გაუმართლებს. ჯერჯერობით მოზარდის გულის საიდუმლოებებზე ცნობილი არაფერია, მაგრამ რომეოს ხშირი ურთიერთობა აქვს და დიდი ხანია მეგობრობს გორდონ რამზის ქალიშვილთან. ორივე ოჯახი არდადეგებს ერთად ხშირად ატარებს. ამიტომ, შესაძლოა ეს მეგობრობა უფრო დიდ გრძნობაში გადაიზარდოს.

ანა ვერძაძე
მარწყვის ტორტი და Jacquemus-ის კაბა: ვენსან კასელისა და ტინა კუნაკის მორიგი წვეულება
გასულ პარასკევს, 24 აგვისტოს ზაფხულის ყველაზე გახმაურებული ქორწილი შედგა - ახლო მეგობრების გარემოცვაში ვენსან კასელმა და ტინა კუნაკმა იქორწინეს. წყვილის ქორწინებამ სოც.ქსელში დიდი აჟიოტაჟი გამოიწვია - ცერემონია საიდუმლოდ გაიმართა და ნამდვილი სენსაცია გახდა.

ოლო დღეებს შეყვარებულები ატლანტიკის სანაპიროზე მეგობრებთან ერთად ატარებენ, მათი ქორწინების აღსანიშნავად კი მორიგი წვეულება მოაწყვეს. ფოტოზე, რომელიც სოც.ქსელში ფრანგმა დიზაინერმა სიმონ პორტ ჟაკმიუმმა გამოაქვეყნა, აღბეჭდილია ვენსანი და ტინა მარწყვის ტორტის გაჭრისას.
დღესასწაულისთვის კუნაკმა Jacquemus-ის მარგალიტის, ბრეტელებიანი კაბა შეარჩია. კაბა კასელის მეუღლის შეუდარებელ სხეულს წარმოაჩენდა. მოდელმა სამოსს მასიური საყურეები შეუხამა, ვარცხნილობის სახით კი მაღალი კუდი გაიკეთა.

ანა ვერძაძე
დაკოტა ჯონსონის „ სუპერმარკეტის სტილი“ – GUCCI, GUCCI, GUCCI
„ვიკენდებზე“ შოპინგი ძალიან ბევრი ვარკსვლავის საყვარელი რუტინაა. ერთ-ერთი მათგანი დაკოტა ჯონსონია, რომელიც პაპარაცებმა მალიბუში დააფიქსირეს. მსახიობის ყოველდღიური ლუქი დადებითად შეაფასეს მოდის კრიტიკოსებმა - სპორტული სტილისა და ვინტაჟის ესთეტიკას GUCCI-ის 60-იანი წლებით შთაგონებული ჩანთა და ამავე ბრენდის ფეხსაცმელი (Classic soccer shoe) ყოველდღურ ლუქს სრულყოფილს ხდიდა.
ვენსან კასელის გულწრფელი აღიარება: „ თინასთან შეხვედრამდე ჩემი ცხოვრება ცარიელი იყო...“
24 აგვისტოს 51 წლის მსახიობის, ვენსან კასელისა და 21 წლის მოდელის, თინა კუნაკის ქორწილი შედგა, რომელიც საფრანგეთის სამხრეთ-დასავლეთ ნაწილში მდებარე პატარა ქალაქ ბიდარტში გაიმართა. ქორწილამდე რამდენიმე დღით ადრე წყვილმა იტალიურ გამომცემლობას Vanity Fair ინტერვიუ მისცა, სადაც მათ სიყვარულზე ისაუბრეს - ყველაზე საინტერესო მომენტები ინტერვიუდან, რაც განქორწინებისა და მონიკა ბელუჩისთან ამჟამინდელ ურთიერთობასაც ეხება, მოცემულია სტატიაში.

„ვფიქრობდი: დაქორწინებული ვიყავი, ორი ქალიშვილი მყავს, ყველაფერი გავაკეთე, რაც უნდა გამეკეთბინა. ვცხოვრობდი თავისუფალი კაცის ცხოვრებით. ეს სახალისოა, მაგრამ რაღაც მომენტში მივხვდი, რომ ჩემი ცხოვრება ცარიელი იყო. ვინმესთან შეხვედრის იმედიც კი არ მქონდა, მაგრამ ეს მოხდა. ეს ქალი კი იმაზე ბევრად ახალგაზრდაა, ვიდრე წარმომედგინა“ - განაცხადა კასელმა Vanity Fair -თან ინტერვიუში და აღნიშნა, რომ „ჩვენ არ ვირჩევთ, ვინ შევიყვაროთ. ეს თავისთავად ხდება“.

ასელსა და კუნაკს შორის ასაკობრივი სხვაობა 30 წელია. თინას ასაკის გაგებისას, ვენსანი გაოცებული იყო.
„გაცნობიდან მეორე დღეს (წყვილმა ერთმანეთი 2015 წელს გაიცნო, როცა კუნაკი 18 წლის იყო) არა მარტო თინას ასაკი გავიგე, არამედ ისიც, რომ გასულ საღამოს მამამისი ძალიან ინერვიულა, რადგან მისი ქალიშვილი სახლში ჩვეულებრივზე გვიან დაბრუნდა. მაშინ მე მას შევთავაზე, რომ ყველანი ერთად ლანჩზე წავსულიყავით. და იმ წამსვე გავიფიქრე, რომ ეს სიგიჟე იყო - ჩვენ ხომ ერთმანეთი მხოლოდ გუშინ გავიცანით. თუმცა გულის კარნახს მივყევი და ეს მაინც გავაკეთე“ - ჰყვება მსახიობი.
მამის გარდა ლანჩზე მიწვეული იყო მოდელის ძმაც - შეხვედრის დროს მათ ბევრი ისაუბრეს ყველაფერზე და შესანიშნავი დრო გაატარეს, რის შემდეგაც მიუხედავად ასაკობრივი სხვაობისა, წყვილის რომანი ძალიან სწრაფად განვითარდა.
საკუთარ ინტერვიუში ვენსან კასელი თინა კუნაკს ახასიათებს, როგორც „ინტელექტუალსა და თავისუფალს“, გოგონა კი გამოტყდა, რომ მისი საყვარელი მამაკაცი - „ჯენლტმენი, ძალიან ნიჭიერი და სექსუალურია“.
მათ ურთიერთობაში მთავარ დაბრკოლებას კი თინა ხუმრობით ასახელებს ვენსანის მუსიკალურ გემოვნებას - მას უყვარს ბრაზილიური სიმღერა, რაც თინას საერთოდ არ მოსწონს. მაგრამ ორივეს უყვარს ცხოველები - რამდენიმე თვის წინ მსახიობმა საყვარელ ქალს კატა სფინქსი აჩუქა, რაზეც თინა 15 წლიდან ოცნებობდა.
„როცა რამდენიმე თვის წინ მან ცოლობა მთხოვა, გაურკვევლობაში ვიყავი. მანამდე ამაზე არასდროს გვისაუბრია. მაშინ ვერაფერი ვუპასუხე, რადგან არ ველოდი“ - განაცხადა თინა კუნაკმა ინტერვიუში.
„ქორწინება ეს პირობაა, რის მიცემაც ერთმანეთისთვის მანამ შეგვიძლია, ვიდრე ნამდვილი ოჯახი გავხდებით“ - აღნიშნავს კასელი და ხაზს უსვამს, რომ მზადაა მამა კიდევ ერთხელ გახდეს: „შვილები საუკეთესო რამაა ამ სამყაროში. ჩემი ქალიშვილების წყალობით ჭეშმარიტად შევიცანი მთელი სამყარო, ისინი დამეხმარნენ საკუთარი თავის შეცნობაშიც“.

შეგახსენებთ, რომ მონიკა ბელუჩისთან ქორწინებიდან კასელს ორი ქალიშვილი ჰყავს.
Vanity Fair-თან ინტერვიუში ვენსანმა მონიკა ბელუჩისთან ურთიერთობაზეც ისაუბრა, რომელსაც 2013 წელს დაშორდა: „მონიკას ცუდს არასდროს გავუკეთებ. მე ის მიყვარს და პატივსვცემ, თუ მას ოდესმე ჩემი დახმარება დასჭირდება, მასთან ქვეყნიერების მეორე კუთხიდან მივალ. ჩვენს შორის კონფლიქტი არ არის“.
მონიკა ბელუჩისა და ვენსან კასელის ქორწინება 14 წელს გაგრძელდა.

ანა ვერძაძე
როგორ ცხოვრობს სუპერმოდელი დები ჰადიდების დედა იოლანდა ჰადიდი სოფელში - 54 წლის ვარსკვლავის შთამაგონებელი ცხოვრება
54 წლის იოლანდა ჰადიდი მსოფლიოში ყველაზე პოპულარული მოდელების, ჯიჯი და ბელა ჰადიდების დედაა. წარსულში ასევე სუპერმოდელი ასაკის მიუხედავად შესაშურ ფორმაშია.

თუ Instagram-ზე მის მიერ გამოქვეყნებულ ფოტოებს დავაკვირდებით, ვარსკვლავის სილამაზისა და ახალგაზრდობის საიდუმლოდ შეიძლება მივიჩნიოთ ჯანსაღი ცხოვრების წესი.

უკვე მრავალი წელია იოლანდა ცდილობს მხოლოდ ორგანული საკვები მიირთვას. ის სამშობლოში, ჰოლანდიაში დიდ დროს ატარებს, სადაც აქვს საკუთარი ბოსტანი, ლიმნისა და ლავანდის ბაღები, ჰყავს შინაური ცხოველები და ქათმები, რომელთა მოვლაში აქტიურადაა ჩართული. საკვებად კი სწორედ მის მიერ მოყვანილ ხილსა და ბოსტნეულს მიირთმევს.

წარმატებული სუპერმოდელების დედა დიდ დროს ატარებს ბუნებაში და ყოველთვის დიდ მადლიერებას გამოხატავს ცხოვრებისადმი.
იოლანდა ჰადიდის, როგორც ქალის, სამი შვილის დედის, ყოფილი მოდელისა და უბრალოდ შემოქმედი ადამიანის წარმატებული ცხოვრება შესაძლოა ბევრისთვის აღმოჩნდეს შთაგონების წყარო და მაგალითი იმისა, თუ როგორ მიიღოთ ცხოვრებისგან სიამოვნება.



ანა ვერძაძე
ჟურნალ ბომონდის დაუვიწყარი წვეულება სამორინე ამბასადორში
ჟურნალ “ბომონდის” გამოშვება 22 წლის წინ დაიწყო და დახვეწილი შინაარსისა და დიზაინის, მაღალი პოლიგრაფიული ხარისხის, გამოცემის სტაბილურობის და მუდმივი განვითარების დამსახურებით დღეს ის ქართველი ქალბატონების LOVE MARK-ია. ჯურნალი „ბომონდი“ არაერთი ინიციატივისა და წამოწყების ავტორია ასევე დაუვიწყარი წვეულებების მასპინძელი. 12 დეკემბერს „ბომონდმა“ და სამორინე ამბასადორმა საზოგადოება არაჩვეულებრივ საღამოზე შეკრიბა. საქართველოს მასშტაბით ეს იყო პირველი წვეულება სამორინეში, სადაც წინასაახალწლო განწყობას სადღესასწაულო ფურშეტი და დაუვიწყარი საჩუქრები ამშვენებდა. მომღერალმა ია ტომაშმა კი დომინანტი ოქროსფერის ფონზე, დაუვიწყარი ქართული და უცხოური მუსიკალური ჰიტები შეასრულა, საღამოზე რომელზეც დიდხანს ილაპარაკებენ.


დათა ალექსეევი Data Alekseev















დათა ალექსეევი თეა აგლაძე

AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას