რა გავლენას ახდენს ტკბილი საკვები და ჭარბი წონა სქესობრივ სისტემაზე?

ჰორმონები ორგანიზმში არსებული ბიოლოგიურად აქტიური ნივთიერებებია, რომლებსაც შინაგანი სეკრეციის ჯირკვლები გამოყოფენ, შემდეგ ხვდებიან სისხლში და არეგულირებენ ნივთიერებათა ცვლას.

 

 

სწორედ ორგანიზმში ჰორმონალური ბალანსი უზრუნველყოფს მთელი სასიცოცხლო სისტემის სწორ ფუნქციონირებას

 

რა გავლენას ახდენს ტკბილი საკვები და ჭარბი წონა სქესობრივ სისტემაზე?

ჭარბი რაოდენობით ტკბილი საკვები ორგანიზმის გადაუმუშავებელი ენერგია ხდება, რაც საბოლოოდ წონაში მატებას იწვევს. წონის მომატების გამო ინსულინის რეცეპტორები უგრძნობი ხდება და გლუკოზა უჯრედებში შეღწევას ვერ ახერხებს. ამ პროცესის გამო სისხლში გლუკოზისა და ინსულინის დონე იზრდება, რაც ერთ-ერთ ყველაზე გავრცელებულ პრობლემას, პოლიკისტოზური საკვერცხის სინდრომს იწვევს.

სწორედ ეს პრობლემა ითვლება უნაყოფობის მთავარ ფაქტორად, როცა ოვულაცია საერთოდ არ ან ძალიან იშვიათად ხდება. სწორედ ინსულინის მაღალი დონე საკვერცხეების ჰიპერსტიმულაციას და   ანდროგენების (მამაკაცის სქესობრივი ჰორმონი) გამომუშავების მომატებას ახდენს, რასაცგავლენა აქვს ჩასახვის შესაძლებლობაზე.

 

კვებასთან ერთად ჯანსაღი სექსუალური ცხოვრებისთვის მთავარი გასათვალისწინებელი ფაქტორი, 

სტრესების მართვაც არის. ჩვენს ორგანიზმში არსებობს სტრესის ჰორმონები: ადრენალინი, ნორეპირეფრინი და კორტიზოლი, რომლებიც თირკმელზედა ჯირკვლიდან გამოიყოფა. ხანგრძლივი სტრესის დროს უარესდება თირკმლების მუშაობა, ქვეითდება იმუნიტეტი, იზრდება გლუკოზის გამომუშავების დონე, ქვეითდება უჯრედთა მეტაბოლიზმი, იზრდება სხეულის მასა და ირღვევა მენსტრუალური ციკლი. ორგანიზმზე სტრესის გავლენის მინიმუმამდე შესამცირებლად ნევროლოგის დახმარებით უნდა გაირკვეს მისი წარმოქმნის მიზეზი და თერაპიის დანიშნულებას მიჰყვეს. იდეალურ შემთხვევაში - ძილისა და კვების რეჟიმის მოწესრიგება და სპორტით დაკავებაა.

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას