5 კითხვა, რომლებიც ერთმანეთს უნდა დაუსვათ, ვიდრე ერთად ცხოვრებას გადაწყვეტთ

თუ ერთმანეთი იმდენად შეგიყვარდათ, რომ ერთად ცხოვრება გადაწყვიტეთ, უმჯობესია ჯერ რამდენიმე საკითხი განიხილოთ.

განსაკუთრებული ყურადღება დაუთმეთ ფინანსურ საკითხებს. ვიდრე თქვენს კავშირს იურიდიულად გააფორმებდეთ, დარწმუნდით, რომ ერთმანეთს ყველა საკითხში ეთავსებით.

მოაწყვეთ რომანტიკული საქმიანი ვახშამი და ერთმანეთს ხუთი მარტივი კითხვა დაუსვით:

1. როგორია შენი ფინანსური მდგომარეობა?

ფულის თემა ბევრისთვის უხერხული საკითხია, თუმცა განხილვის პროცესში თავს უფრო კომფორტულად იგრძნობთ. საუბარი არ არის იმაზე, რომ ერთმანეთს თქვენი საბანკო შემოსავლები უნდა გააცნოთ, თუმცა საშუალოდ შემოსავლის რაოდენობის გამხელა აუცილებელია, თუ მომავალში საერთო ბიუჯეტს გეგმავთ.


2. როგორ
გავინაწილებთ ხარჯებს?

დროა გამოყოთ რა არის „შენი“, რა „ჩემი“ და რა „ჩვენი“. წყვილებს ძალიან ხშირად აბნევს საერთო და ცალკეულ ხარჯებში გარკვევა.
შეათანხმეთ ყველა ხარჯი, რომელთა გაზიარება გსურთ. შეგიძლიათ ჩამოწეროთ ისინი. ყოველი თვის ბოლოს კი დათვალეთ დანახარჯი და განსხვავება გაუზიარეთ.


3. როგორ წყდებოდა ფინანსური საკითხები თქვენს ოჯახში?

ფინანსურ საკითხებთან დაკავშირებული ემოციური ტვირთი ყველას შეხვდება. იქნებ მისი მშობლები ხშირად კამათობდნენ მამის მფლანგველობის გამო. ან იქნებ თქვენს ოჯახში არასდროს არავინ განიხილავდა ფინანსურ საკითხს და არც კი იცით, საიდან დაიწყოთ.

ფსიქოლოგები დარწმუნებულები არიან, რომ ფულთან ჩვენი დამოკიდებულება განისაზღვრება იმ გარემოთი, რომელშიც გავიზარდეთ. სწორედ ამ ატმოსფეროს გათვალისწინებით, რამაც თქვენი ფინანსური ქმედების ფორმირება მოახდინა, შეძლებთ მიიღოთ გადაწყვეტილება იმაზე, თუ როგორ მართოთ პირადი და საერთო თანხები.


4. კრედიტი გაქვს?

ამ თემის განხილვა იმას მოიაზრებს, რომ უკვე ძალიან ახლო ურთიერთობა და ნდობა გაქვთ. ვიდრე ერთად ცხოვრებას გადაწყვეტდეთ, მნიშვნელოვანია იცოდეთ, ვისი და რამდენი მართებს თქვენს პარტნიორს, რადგან ეს თქვენს ფინანსურ პასუხისმგებლობაზე აისახება. თუმცა გახსოვდეთ, რომ ცუდი საკრედიტო ისტორია ფულის სწორად განკარგვის უუნარობას არ ნიშნავს.


5. „სერიოზულ საყიდლებს როგორ დავგეგმავთ?“

გამოიტანეთ თქვენი მომავალი შენაძენების გეგმები სააშკარაოზე. რამდენიმე პუნქტი მაინც განიხილეთ, რომელთა რეალიზებას ცხოვრებაში გეგმავთ და გამოთვალეთ საერთო დანახარჯები.

იყავით თამამი! თქვენ საყვარელ ადამიანთან ერთად ცხოვრება გადაწყვიტეთ, ის ხომ ყოველდღე გხედავთ. აღწერეთ თქვენი იდეები და მოუსმინეთ - ჯანსაღი კრიტიკა, გულწრფელი თანადგომა და საერთო ბიუჯეტი თქვენს წინაშე ახალ ჰორიზონტებს გახსნის.


ანა ვერძაძე
like
8

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას