დეტოქსი

თუ გსურთ წონის დაკლება სწორად - მავნე პროდუქტები რომლებიც, არ უნდა მიირთვათ
სტატიაში წაიკითხავთ მავნე პროდუქტების შესახებ და ასევე იმას, თუ რა უნდა ვჭამოთ, თუ გვსურს ჯანსაღი ცხოვრების წესის დაცვა, გახდომა და ა.შ.
მავნე პროდუქტები, რომლებიც არ უნდა მივირთვათ, თუ გვსურს გახდომა.


1). კეტჩუპი, მაიონეზი, არაჟანი და სხვა მსგავსი პროდუქტი.

2) კარაქი,ზეთი


3) უნდა ამოიღოთ კვების რაციონიდან შემწვარი პროდუქტები!! ისინი გამოყოფენ კონცეროგენებს...

4) თეთრი პური და სხვა სახის ცომეული..

6) შაქარი.

7) ტკბილეული.

8) ღორის ხორცი და მისი ხორცისგან (ფარშისგან) დამზადებული ნებისმიერი პროდუქტი.

9) ნახევარფაბრიკატები და ფასთფუდები..

თუ გვსურს წონის დაკლება და ნივთიერებების

დარეგულირება ორგანიზმში, აუცილებლად უნდა მიიღოთ მხოლოდ უმი, ორთქლზე მომზადებული, ან მოხარშული პროდუქტი. დაიცავით ბალანსი ცილებს, ცხიმებსა და ნახშირწყლებს შორის!
მნიშვნელოვანია, როგორ ვიკვებებით და რა სახის საკვებს მივიღებთ, და როგორ გვექნება გადანაწილებული რაციონი.

თქვენი რაციონის შემადგენელი პროდუქტები უნდა იყოს სწორად თანმიმდევრულად შერჩეული და უნდა უხდებოდნენ წინა კვების შემადგენელ პროდუქტებს.
რძის ნაწარმი და ბურღულეული აუცილებელია ყოველდღიურად, ამ პროდუქტების გარეშე, შედეგის მიღწევა პრაქტიკულად და თეორიულად შეუძლებელია.

კონკრეტული სახელწოდებით არსებული და გავრცელებული, ე. წ. ცილოვანი დიეტა, წყლის დიეტა, საზამთროს დიეტა, კოქტეილის დიეტა და სხვა
ზემოთხსენებული (დიეტები) ორგანიზმისთვის საზიანოა. უმეტესობა მათგანი დაფუძნებულია შიმშილზე და დისბალანსზე.

დიეტა ლათინური სიტყვაა და ნიშნავს ჯანსაღ კვებას, თუ დღის კვება არ შეიცავს 5 ძირითად კომპონენტს, როგორიცაა ცილები, ნახშირწყლები, ხილი, ბოსტნეული, მცენარეული ცხიმი, ესე იგი დიეტა არ შედგა და კვება არის არა სრულფასოვანი.
მოასწარი ახალ წლამდე: როგორ დავიკლოთ წონაში დღესასწაულამდე 2 კვირით ადრე
გულწრფელად რომ ვთქვათ, 2 კვირაში ბევრი კგ-ს დაკლება ვერ მოესწრება. მაგრამ ფორმაში ჩადგომა სრულიად შესაძლებელია.  
გიამბობთ, თუ როგორ უნდა გააკეთოთ ეს ჯანმრთელობისთვის ზიანის მიყენების გარეშე. შიმშილი გამორიცხეთ. ეს კარგს არაფერს მოგიტანთ. ამას აუცილებლად მოჰყვება მდგომარეობის გაუარესება და ცუდი განწყობა. დაიმახსოვრეთ, რომ გასახდომად, არც ინტენსიური დატვირთვა გამოგადგებათ. ის შიმშილის გრძონას ზრდის, ე.ი.ჭამის სურვილი კიდევ უფრო გაგიძლიერდებათ. გარდა ამისა, დატვირთული ვარჯიშები ქსოვილის შეშუპების პროვოცირებას ახდენს, ამიტომ გარეგნობით კმაყოფილი ვერ იქნებით - თქვენი წელის გარშემოწერილობა აუცილებლად გაიზრდება.

თუ რეკომენდებულ ფიზიკურ დატვირთვას მიმართავთ, აირჩიეთ ისეთები, რომლებიც სიამოვნებას მოგანიჭებთ, აამაღლებს ტონუსს და გაგიუმჯობესებთ განწყობას.
ეს შეიძლება იყოს ცეკვა და გაწელვები. მათში მთავარია დოფამინის გამომუშავება, რაც განწყობას გაგიუმჯობესებთ. ამ მდგომარეობაში ჭამაზე ნაკლებად იფიქრებთ და დანაყრების სურვილი აღარ გექნებათ.

მთავარი წესი - იკვებეთ პორციებით და რეგულარულად. მიირთვით დღეში არანაკლებ 5-ჯერ, მაქსიმალური შედეგის მისაღებად კი, შეამცირეთ ნახშირწყლები. ასევე რაციონში შეიტანეთ წვნიანები უცხიმო თევზით, ქათმის ან ინდაურის ხორცით.

ანა ვერძაძე
ზოგიერთს უფრო მხურვალე უყვარს: რით არის სასარგებლო ცხარე საკვები
ალბათ, გყავთ ისეთი ნაცნობები, რომლებსაც ძალიან არ უყვართ მწარე კერძები, თუმცა კულინარიული ინდუსტრიის ექსპერტები ამტკიცებენ, რომ ასეთი ადამიანები იმათზე გაცილებით ნაკლები არიან, ვიდრე ისინი, ვისაც სანელებლებიანი ექსპერიმენტები მოსწონთ. გაირკვა, რომ ზომიერად ცხარე საკვები მავნე სულაც არ არის, მეტიც, ის ჯანმრთელობისთვის სასარგებლოა.


ცხარე საკვები აძლიერებს ჯანმრთელობას

წიწაკა ჩილი შეიცავს ალკალოიდ კაპსაიცინს, რაც მას ძალიან ცხარე გემოს სძენს. კვლევამ დაამტკიცა, რომ კაპსაიცინი კლავს ფილტვებში, კუჭქვეშა და პროსტატას ჯირკვლებში წარმოქმნილ სიმსივნურ უჯრედებს, ამასთან არ აყენებს ზიანს ჯანმრთელ ორგანოებს.

სანელებლები წვავენ კილოგრამებს

ის, რომ ცხარე სანელებლები წვავენ ცხიმებს დიდიხნის დამტკიცებული ფაქტია. ზომიერად ცხარე სანელებლები აჩქარებენ ნივთიერებათა ცვლას და ასტიმულირებენ მეტაბოლიზმს, რაც თავის მხრივ ორგანიზმს აიძულებს ენერგია ეფექტურად და უფრო სწრაფად დაწვას. გარდა ამისა კერძზე ჩილის დამატება აქვეითებს შიმშილის გრძნობას.

კარი სადილად - დიდი სარგებელი
ინდური კარი არა მხოლოდ გემრიელი, არამედ ძალიან სასარგებლო კერძია - სხვადასხვა წიწაკის, სანელებლების, ჩილისა და კურკუმას კომბინაცია დადებითად აისახება სისხლის მიმოქცევაზე და ეხმარება გულ-სისხლძარღვთა დაავადებების დროს, აფერხებს თრომბის წარმოქმნას და აძლიერებს სისხლძარღვებს.

სანელებლები სასარგებლოა გაციებისა და ცუდი განწყობის დროს
ცხარე სანელებლები გაგანთავისუფლებთ გაციებისა და სურდოგან, ასევე შეგიმსუბუქებთ გაღიზიანებულ ბრონქებს, დაგეხმარებათ ასთმის დროს. მეცნიერები ადასტურებენ, რომ ზომიერად ცხარე კერძების რეგულარული მიღება ამაღლებს განწყობასაც ენდორფინების ხარჯზე, რაც ორგანიზმის საერთო „გახურების“ დროს გამოიყოფა.

ანა ვერძაძე
მარტივი და გემრიელი კივის დიეტა - დღეში მინუს 1 კგ
კივი შეიცავს ცხიმისმწველ მცენარეულ ნივთიერება კარნიტინს; ასევე, ნაყოფი მდიდარია უჯრედისით და ვიტამინით C,

ფლავონოიდებით და ანტიოქსიდანტებით. ამასთან - დაბალკალორიულია! იდეალურია განტვირთვის დღეებისთვის: მისი ქსოვილური სტრუქტურა საშუალებას გვაძლევს, ვაკონტოლოთ მადა.

სასარგებლოა 1 კივის მიღება უზმოზე, რა თქმა უნდა, იმ პირობით, თუკი არ გაწუხებთ კუჭის წყლული ან გასტრიტი.
ეს ხილი ასუფთავებს ნაწლავებს, ხოლო მასში შემავალი ვიტამინების საბადო საშუალებას გვაძლევს, სწრაფად დავნაყრდეთ.

განტვირთვის დღე კივიზე

კვირაში ერთხელ შესაძლებელია მოაწყოთ განტვირთვის დღე კივით. ამ დროს რეკომენდებულია, მთელი დღის განმავლობაში მიირთვათ 6 ცალი კივი და დალიოთ 1,5 ლ უცხიმო კეფირი ან ბუნებრივი იოგურტი. კივის ჯადოსნური თვისებების წყალობით 1 დღეში 2 კგ-ს დაიკლებთ.
განტვირთვის დღეს შეგიძლიათ მიირთვათ ასევე კოქტეილი: დააბლენდეროთ კივი, ფორთოხალი ან კენკრა კეფირთან ერთად. ეს კოქტეილი გაამრავალფეროვნებს განტვირთვის დღის მენიუს და საკვების შეზღუდვას არ გაგრძნობინებთ, ორგანიზმი კი ამ შემთხვევაშიც ეფექტურად გაიწმინდება!
ყველაზე  ეფექტური დიეტა -  მინუს 5 კგ 2 კვირაში
5 კგ-ის დაკლება ერთ კვირაში - რეალურია, მაგრამ დიეტის მაქსიმალური კურსი 14 დღეა. მისი დაცვა მიზანშეწონილი, წელიწადში მხოლოდ ერთხელაა.


1 დღე

დღის რაციონი: 2 ან 3 კვერცხი; ცოცხალი ხილი და ბოსტნეული.

2 დღე

450-550 გრ უცხიმო ხაჭო არაჟნით; 1 ლ. უცხიმო კეფირი.

3 დღე

დღის მანძილზე მიიღეთ ხილი და ბოსტნეული; 1 ლ. კეფირი, 1 ლ. ხილის ფრეში.

4 დღე

500 გრ. ქათმის მკერდი, 1 ლ კეფირი.

5 დღე

მხოლოდ ხილი და ბოსტნეული

6 დღე

400-500 გრ ხაჭო არაჟნით, 1 ლ. კეფირი


7 დღე

ხილი და ბოსტნეული

8 დღე

300 გრ ქათმის ხორცი (მოხარშული); 1 კვერცხი; ბოსტნეულის სალატა.

9 დღე

ცოცხალი ხილი, 150 გრ ძროხის ხორცი; კიტრისა და პომიდორის სალათა.

10 დღე

150 გრ თევზი; 2 ნაჭერი გახუხული პური; ბოსტნეულის სალათა; 0,5 ლ. კეფირი.

11 დღე

2 კვერცხი; 150 გრ ძროხის ხორცი; 4 ნაჭერი გახუხული პური; ბოსტნეულის სალათა; 0,5 ლ კეფირი

12 დღე

1 ლ. კეფირი; ხილი და ბოსტნეული

13 დღე

300 გრ ქათმის ხორცი; ბოსტნეული; 2 კვერცხი

14 დღე

4 ცალი მოხარშული კარტოფილი, ხილი, 1 ლ კეფირი.

როგორ მიიღოთ ნაკლები მარილი
მარილი ჩვენი ორგანიზმისთვის აუცილებელია. ნატრიუმი, რომელსაც ის შეიცავს, მნიშვნელოვანია ნერვული სისტემისა და კუნთოვანი დაბოლოებებისთვის. ასევე, ის ურთიერთქმედებს კალიუმთან, რათა ორგანიზმში სითხე დააბალანსოს. მაგრამ ამისათვის საკმარისია სულ მცირე რაოდენობა - დღეში ერთი მეათედი ჩაის კოვზი. ჰარვარდის უნივერსიტეტის მონაცემებით კი ჩვენ ამ დოზას საშუალოდ 20-ჯერ ვაჭარბებთ.
ყველაზე დიდი რაოდენობით მარილს ვიღებთ ნახევარფაბრიკატებისა და დამუშავებული პროდუქტებისგან: სენდვიჩები, შებოლილი ხორცი, სოუსები, შეფუთული წვენები, კონსერვირებული წვნიანები, პიცა და სხვა ფასდფუდი. ამავე უნივერსიტეტმა მოამზადა რამდენიმე რჩევა, რომლებიც მარილის დოზის შემცირებაში დაგეხმარებათ:


გამოიყენეთ სანელებლები და გემოს გამაძლიერებელი სხვა ნატურალური საშუალებები.
თქვენს საყვარელ კერძებს გემო ნატურალური სანელებლებით შეჰმატეთ - გამხმარი და ახალი მწვანილები, ნიორი, კოჭა, ციტრუსი, ბალზამისებური ძმარი და ღვინო. ისინი მადას აღგიძრავთ, მაგრამ კერძს მარილით არ „გადატვირთავენ“.


მიირთვით სასარგებლო ცხიმი
ხშირად გეჩვენებათ, რომ ვერ დანაყრდით, თუ კერძს მაიონეზიანი სოუსი არ დაუმატეთ. ეს რომ არ მოხდეს, მომზადების დროს მეტი სასარგებლო ცხიმი გამოიყენეთ - ავოკადო, ნიგოზი, ზეთი.


მოამზადეთ სწორად
სცადეთ ბოსტნეული და ხორცი სწრაფად შეწვათ. ეს მეთოდი ბუნებრივ გემოს გაგრძნობინებთ. ბოლოს შეაზავეთ ზეთითა და ლიმნით.


ნაკლები პური
მარცვლეულის პურიც კი, რომელიც უფრო სასარგებლოდ მიიჩნევა, შესაძლოა დიდი რაოდენობით ნატრიუმს შეიცავდეს. პური შეიცავს საკმაო რაოდენობის მარილს - მას უმატებენ როგორც გემოს, ასევე ცომის ამოყვანის მიზნით.


შეიძინეთ პროდუქტები სეზონურად
როგორც რ უნდა ვეცადოთ ბუნებას საკუთარი კანონები აქვს. პროდუქტი კი უფრო გემრიელი იქნება, თუ შესაფერის სეზონზე შეიძენთ - რაც უფრო გემრიელია ბოსტნეული, მარილის დამატების მით ნაკლები სურვილი გაქვთ.

ანა ვერძაძე
აზიური დიეტა: რა უნდა იცოდეთ კვების სისტემაზე, რომელშიც დიდი რაოდენობით პროდუქტია
აზიური დიეტა საკვების რაიმე სერიოზულ აკრძალვას არ განიხილავს. აზიური კერძების შემადგენლობით დიეტოლოგებმა საკმაოდ დაბალანსებული პირამიდა შექმნეს. ამ დიეტის განსაკუთრებულობა იმაში მდგომარეობს, რომ პროდუქტების საკმაოდ დიდი არჩევანი გაქვთ.

რა შეიძლება მიირთვათ?

დიეტის შემადგენლობაში აზიისთვის დამახასიათებელი კერძები შედის: ბრინჯი, ატრია, პური, ფეტვი, სიმინდი, მარცვლეული პროდუქტები, დიდი რაოდენობით ხილი, ბოსტნეული, პარკოსნები, ნიგოზი და მცენარეული ზეთი - ამ ყველაფრის მირთმევა ყოვედლღიურად შეგიძლიათ, მაგრამ ზომიერად. კვირაში მინიმუმ ორჯერ უნდა მიიღოთ თევზი ან ზღვის პროდუქტები. კვირაში ერთხელ შეგიძლიათ თავს უფლება მისცეთ კვერცხის, ფრინველის ხორცისა და დესერტის მირთმევის. წითელი ხორცის მიღება დაშვებულია თვეში ერთხელ. უნდა დალიოთ დღეში 6 ჭიქა წყალი და ჩაი. ალკოჰოლი შეიძლება მიიღოთ მხოლოდ ძალიან იშვიათად.

საიდან დაიწყოთ?

დიეტის ავტორების რჩევით დასაწყისში უპირატესობა მიანიჭეთ ბრინჯს, ატრიას, პურსა და მარცვლეულ პროდუქტებს. ასეთი საკვები შიმშილის გრძნობას არ დაგიტოვებთ. ნუ დაგავიწყდებათ ატრიასა და ბრინჯის წვნიანები, მსგავსი კერძები სწრაფად შეავსებს კუჭს და შესანიშნავად და კარგად ანაყრებს. თანდათან გაზარდეთ ხილისა და ბოსტნეულის რაოდენობა რაციონში. რამდენიმე კვირის მანძილზე ატრიას რაოდენობა შეამცირეთ და გაზარდეთ ბოსტნეულის რაოდენობა.

როგორ მოქმედებს?

პირამიდის შემქნელთა მონაცემებით, აზიური ქვეყნების მოსახლეობა, რომლებიც მოცემულ წესებს ითვალისწინებენ, უფრო ნაკლებს იწონიან, ვიდრე მათი დასავლელი კოლეგები. გახდომის ეფექტი იმ პროდუქტების ხარჯზე მიიღება, რომლებიც დიდიხნით ანაყრებს - მარცვლეული, პარკოსნები, ატრია. კიდევ ერთი მნიშვნელოვანი მომენტი - სანელებლები, რომელთა გარეშე აზიური სამზარეულო წარმოუდგენელია და რომლებსაც მეტაბოლიზმის დაჩქარება შეუძლიათ. არ უნდა დაივიწყოთ აქტიური ცხოვრების წესი: ნახშირწყლების წყალობით ყოველთვის გექნებათ ძალა სავარჯიშოდ.

ანა ვერძაძე
ექიმ გინეკოლოგ-ენდოკრინოლოგის აზრი: როგორ მოქმედებს კვება ქალის ჰორმონებზე?
ჰორმონები ორგანიზმში არსებული ბიოლოგიურად აქტიური ნივთიერებებია, რომლებსაც შინაგანი სეკრეციის ჯირკვლები გამოყოფენ, შემდეგ ხვდებიან სისხლში და არეგულირებენ ნივთიერებათა ცვლას. სწორედ ორგანიზმში ჰორმონალური ბალანსი უზრუნველყოფს მთელი სასიცოცხლო სისტემის სწორ ფუნქციონირებას. ექიმი გინეკოლოგ-ენდოკრინოლოგი მარია ვადალაჟსკაია განმარტავს, თუ რა გავლენას ახდენს კვება ჰორმონალურ სისტემაზე, ასევე როგორ შეიძლება ჰორმონალური ფონის გაუმჯობესება კონკრეტული პროდუქტების დახმარებით.

რაზეა დამოკიდებული ქალის სექსუალურობა და ლიბიდო?

ქალის ყველაზე მნიშვნელოვანი ჰორმონი ესტროგენი გახლავთ, ის არის პასუხისმგებელი ქალის სილამაზეზე, სექსუალურობაზე, სინაზესა და ქალურობაზე. ამ მნიშვნელოვანი ნივთიერების ნაკლებობა ვლინდება დეპრესიით, გაღიზიანებით, დაღლილობით, დაქვეითებული ლიბიდოთი და სხეულის მასის გაზრდით. ამიტომ მნიშვნელოვანია ქალმა მისი ესტროგენის დონე იცოდეს, კონსულტაცია გაიაროს ენდოკრინოლოგთან, რათა საჭიროების შემთხვევაში დაენიშნოს თერაპია. ხშირად აუცილებელია რაციონში დაამატოთ პროდუქტები, რომლებიც დიდი რაოდენობით ესტროგენს შეიცავენ - სელის თესლი, სეზამის თესლი, პარკოსნები, ყავა და გარგარი.

რა გავლენას ახდენს ტკბილი საკვები და ჭარბი წონა სქესობრივ სისტემაზე?

ჭარბი რაოდენობით ტკბილი საკვები ორგანიზმის გადაუმუშავებელი ენერგია ხდება, რაც საბოლოოდ წონაში მატებას იწვევს. წონის მომატების გამო ინსულინის რეცეპტორები უგრძნობი ხდება და გლუკოზა უჯრედებში შეღწევას ვერ ახერხებს. ამ პროცესის გამო სისხლში გლუკოზისა და ინსულინის დონე იზრდება, რაც ერთ-ერთ ყველაზე გავრცელებულ პრობლემას, პოლიკისტოზური საკვერცხის სინდრომს იწვევს. სწორედ ეს პრობლემა ითვლება უნაყოფობის მთავარ ფაქტორად, როცა ოვულაცია საერთოდ არ ან ძალიან იშვიათად ხდება. სწორედ ინსულინის მაღალი დონე საკვერცხეების ჰიპერსტიმულაციას და ანდროგენების (მამაკაცის სქესობრივი ჰორმონი) გამომუშავების მომატებას ახდენს, რასაც გავლენა აქვს ჩასახვის შესაძლებლობაზე.

როგორ მოქმედებს სტრესი ქალის ორგანიზმის განადგურებაზე?

ჩვენს ორგანიზმში არსებობს სტრესის ჰორმონები: ადრენალინი, ნორეპირეფრინი და კორტიზოლი, რომლებიც თირკმელზედა ჯირკვლიდან გამოიყოფა. ხანგრძლივი სტრესის დროს უარესდება თირკმლების მუშაობა, ქვეითდება იმუნიტეტი, იზრდება გლუკოზის გამომუშავების დონე, ქვეითდება უჯრედთა მეტაბოლიზმი, იზრდება სხეულის მასა და ირღვევა მენსტრუალური ციკლი. ორგანიზმზე სტრესის გავლენის მინიმუმამდე შესამცირებლად ნევროლოგის დახმარებით უნდა გაირკვეს მისი წარმოქმნის მიზეზი და თერაპიის დანიშნულებას მიჰყვეს. იდეალურ შემთხვევაში - ძილისა და კვების რეჟიმის მოწესრიგება და სპორტით დაკავებაა.

ანა ვერძაძე
ნიახურის წვენი ლამაზი კანისთვის - მწვანე სასმელი, რომელიც ორგანიზმში ნივთიერებათა ცვლის პროცესებს "ქოქავს"
იცოდით თუ არა, რომ თავდაპირველად ნიახური სამედიცინო მიზნებისთვის მოჰყავდათ და არა საკვებში ყოველდღიური გამოყენებისთვის. მას შემდეგ, რაც ნიახური ჩვენს რაციონში შემოვიდა, მისი სამკურნალო თვისებები დავივიწყეთ. მწვანე ღეროები ბევრ სასარგებლო ნივთიერებას შეიცავს, რომლებიც სისხლისმიმოქცევის გააქტიურებასა და მონელებაში ეხმარება, რის ხარჯზეც უმჯობესდება არა მხოლოდ ორგანიზმის საერთო მდგომარეობა, არამედ კანიც.

„ნიახურის 95%-ს წყალი შეადგენს. ის ატენიანებს კანს შიგნიდან, რაც მოვლის ერთ-ერთი უმთავრესი ასპექტია. გარდა ამისა, ნიახურის წვენი მდიდარია ნატრიუმით, რაც კუჭის წვენის გამოყოფის პროვოცირებას ახდენს. ეს ეხმარება ნაწლავური სისტემის მუშაობის გაუმჯობესებასა და ორგანიზმში ნივთიერებათა ცვლის პროცესების დასტაბილურებაში. რაც უფრო აქტიურად აღდგება თქვენი ორგანიზმი, მით უფრო უკეთ გრძნობთ თავს და უკეთესი კანი გაქვთ“ - ამბობს ვარსკვლავთა დიეტოლოგი, კიმბერლი სნაიდერი.

სნაიდერი გვირჩევს, ჭიქა წვენი დილით, უზმოზე მივიღოთ - ნიახური გაწმენდს ორგანიზმს და გაააქტიურებს მომნელებელ სისტემას. ჯანმრთელ ორგანიზმს კი ყველაფერი ჯანსაღი აქვს, მათ შორის კანიც.

ანა ვერძაძე
TOP-3 პროდუქტი რომელიც აუცილებლად უნდა მიირთვას ქალმა
ქალის ჯანმართელობა და სილამაზე დიდ ყურადღებასა და მოვლას საჭიროებს. იმისათვის, რომ მოვლილი ვიყოთ და შევინარჩუნოთ ენერგიულობა, აუცილებლია დავიცვათ ყოველდღიური რაცონის რამდენიმე წესი.

გთავაზობთ პროდუქტების სიას, რომლებიც ქალს ეხმარება დარჩეს ლამაზი და ჯანმრთელი ბევრი წლის განმავლობაში.


წითელი თევზი

თევზის ცხიმიანი სახეობები, რომლებიც შეიცავს დიდი რაოდენობით ომეგა-3-ს, შეუცვლელია ქალის ორგანიზმისთვის. სწორედ ეს ნივთიერებაა პასუხისმგებელი კანის სიმკვრივესა და ელასტიურობაზე, იცავს რა მემბრანას დაზიანებისგან. ასე რომ, მენიუში წითელი თევზის შეტანით, დარწმუნებული იყავით, რომ ნაადრევი ნაოჭები და სახის ოვალის მოშლა არ გემუქრებათ. დიეტოლოგები ქალებს ურჩევენ მიიღონ წითელი თევზის სახეობები კვირაში მინიმუმ ორჯერ...


ბროკოლი

მეცნიერებმა დაადგინეს, რომ ვიტამინი B-ს მაღალი შემცველობის გამო, ბროკოლი ყველაზე დადებითად მოქმედებს ნერვულ სისტემაზე, ხელს უშლის რა ორგანიზმში მავნე ბაქტერიების გავრცელებას. ამ ბოსტნეულის რეგულარულად მიღების შემთხვევაში, თქვენ აუმჯობესებთ მთელი ორგანიზმის მუშაობას და იხანგრძლივებთ ახალგაზრდობას. ქალებისთვის რეკომენდებულია ბროკოლის კვირაში 2-ჯერ მირთმევა.


შავი შოკოლადი


უცნაურია, მაგრამ ფაქტია: შოკოლადი სასარგებლოა და მეტიც, შეუცვლელი პროდუქტია ქალებისთვის, რადგან მის შემადგენლობაში შედის მაგნიუმი, მარგანეცი, თუთია, ფოსფორი და რკინა - ყველა ეს მინერალი ამყარებს ძვლოვან ქსოვილს, ასევე ხელს უწყობს ჰორმანალური ფონის დარეგულირებას. ბევრი რომ არ გავაგრძელოთ, ექიმების რეკომენდაციით ქალებმა უნდა მიირთვან დღეში 25 გ შავი შოკოლადი (და არამც და არამც მეტი).
AVTANDIL-ის მამაკაცის ხაზის პრეზენტაცია
რომელს უფრო უხდება Stella McCartney-ს პალტო?
მეგან მარკლის
კრისტინა აგილერას