დათა ალექსეევის ბლოგი - ადამიანი ხელოვნებაა, ხელოვნება კი ემოციების ჯაჭვით შემორტყმული კარის გასაღები

არ არსებობს ადამიანი, რომელიც ერთხელ მაინც არ ყოფილა „მატერიულ ჩიხში“, რომელსაც ეგზისტენციალური კრიზისი ჰქვია.



იზოლირებისა და მარტოსულობის შეგრძნება 21-ე საუკუნი სენია, რაც საკუთარი თავის რაობაზე და უმიზნო არსებობაზე გაფიქრებს. ხშირად მსმენია, რომ ნებისმიერ სტრესულ სიტუაციაში სიმშვიდის გასაღები ბუნებასთან და ხელოვნებასთან ურთიერთობაა. ეს მართლაც ასეა, მთავარია ღირებულებების „რევოლუცია“ გონებაში და საჭიროებების გადახარისხება. ნებისმიერი ჩვენგანი თუ დავაკვირდებით, იმას, რასაც ყოველთვის უმნიშვნელო ადგილი ეკავა ჩვენს ცხოვრებაში, ყოველი დღე უფრო საინტერესო და თავგადასავლებით მოცული გახდება, ამით კი ნამდვილად გავუღებთ კარს ახალ შეგრძნებებსა და გამოწვევებს.

ჩემი აზრით, Insta-Story ერთ-ერთი ყველაზე საინტერესო და ამავდროულად ინტიმური გამოგონებაა. Insta-სამყაროში ყოველდღიურად ვადევნებთ თვალს როგორც მეგობრების, ასევე ცნობილი ვარსკვლავების ყოველდღიურ „ისტორიებს“. ასევე ჩვენც ვაზიარებთ წამიერ შეგრძნებებს, რომელიც ახალ ამბავთან, ბედნიერებასთან ან სულაც უბედურებასთან ასოცირდება. ამ ტიპის კომუნიკაცია შეიძლება ქვეტექსტურიც იყოს. ისიც შესაძლებელია, რომ სულაც არ გინდოდეს ვინმესთან ემოციების აფიშირება და საუბარი, სწორედ ამიტომ ”Story”ს სახით შენ ნამდვილი პლატფორმა გაქვს გამოაქვეყნო თემატური პოსტი, რომელიც 24 საათში გაქრება. ამ შემთხვევაში შედეგზე მეტად მნიშვნელოვანი მომენტი იქნება, რომელსაც წამიერად დაიჭერ და წამიერადვე გააზიარებ.

ერთი შეხედვით ძალიან მარტივი მაგალითი მოგიყევით, თუმცა ფსიქოლოგიური თვალსაზრისით თუ განვიხილავთ, გეტყვით, ეს ყველაფერი „არტ თერაპიის“ ერთ-ერთი გამოვლინებაა, რომელიც გარკვეული ფსიქიკური კანონზომიერების აშკარა ილუსტრაციას ახდენს სოციალურ სამყაროში.

ხელოვნებამ განსაკუთრებული შემოქმედებითი მუხტი ფროიდის თეორიისგან, „ფსიქოანალიზისგან მიიღო. შემოქმედებითი იმპულსი როგორც პიროვნების ნებისმიერ სახეს, ასევე ხელოვნების ყოველ დარგს მოიცავს. ამის უტყუარი ფაქტი, არტ-თერაპიის მამის ენის მეტაფორულობა, ინტიმურობა და რაც მთავარია მისტიკური და ინსტიქტური „საიდუმლოს“ ამოხსნის ამოცანას უკავშირდება.

ადამიანი ხელოვნებაა, ხელოვნება კი ემოციების ჯაჭვით შემორტყმული კარის გასაღები. ირეალური სამყაროს რეალური გადმოტანა ყველაზე დიდ გავლენას ახდენს კაცობრიობაზე და ყველაზე მეტად იპყრობს მას. არ აქვს მნიშვნელობა კათარზისის ობიექტს, შეიძლება მონეს „მზის ამოსვლით“ ტკბებოდე ან კოკო ჩანელის ვინტაჟ კოლექციების თვალიერებით. მთავარი მომენტია, ის ფსიქოლოგიური დეტალი, რომელიც შენს ცნობიერში ახალ შეგრძნებებსა და ინსპირაციას გააღვიძებს.

დათა ალექსეევი

 

ასევე დაგაინტერესებთ:

 

ექსტრავაგანტური სილამაზე - დათა ალექსეევის ბლოგი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.