ყველაზე გემოვნებიანი ქართველი ბლოგერი, რომელიც იტალიური Vogue-ს ფურცლებზე მოხვდა

 მის შესახებ პირველად იტალიურმა Vogue-მა დაწერა, რუბრიკაში Vogue Talents.

Adidas Fotballsko

როგორც წესი, იქ მხოლოდ დიზაინერების ფოტოები და კოლექციები ქვეყნდება ხოლმე, თუმცა გამოცემა დათას საინტერესო ჩაცმულობით - ნიკოლას ქანთარიას სვიტერით და ნახევრად გახდილი პალტოთი მოიხიბლა. როსარიო მორაბიტომ (იტალიური Vogue-ის რედაქტორი) კი თბილისში ყოფნისას აღნიშნა, რომ მისი აზრით დათა მოდის კვირეულის ყველაზე საინტერესო სტუმარი იყო. მას შემდეგ მისი ლუქები სხვადასხვა საერთაშორისო გამოცემაში გამოჩნდა.

- დათა, ერთ-ერთი პირველი ქართველი ბლოგერი ხარ, ვინც ეს სამყარო

აღმოაჩინა და მათ შორის პირველმა დაიწყე კომერციულ სიუჟეტებზე მუშაობა. როგორ დაიწყო ყველაფერი?
- ამისთვის დიდი გზა გამოვიარე. ბავშვობის დროინდელი ფრაგმენტები მახსენდება, როდესაც აქტუალური იყო Fashion TV: მისი ყურება მომწონდა, თუმცა ბევრს ჩემი გატაცების შესახებ არ ესმოდა - მე კი ის უბრალოდ ესთეტიკურ სიამოვნებას მანიჭებდა. ნელ-ნელა სუბკულტურულმა მოდამ გამიტაცა. როდესაც იმ ასაკს მივაღწიე, რომ საკუთარ ჩაცმულობაზე თავად უნდა მეზრუნა, სურვილი გამიჩნდა, განსაკუთრებული ვყოფილიყავი. უამრავი განსხვავებული სტილი მოვირგე: საწყის ეტაპზე პანკი, მას ცოტა რთული გადახვევა - გოტიკა მოჰყვა და ა.შ. არ შემიძლია სიტყვებით გადმოგცეთ ადრენალინი, რომელსაც იმ სამოსის მორგებისას განვიცდიდი.

ასე დაიწყო ჩემი სიყვარული მოდის მიმართ. აქვე უნდა აღვნიშნო, არასოდეს არაფერი დამიკოპირებია; ჩემი ლუქები უფრო საკუთარი შეხამების თუ ინტერპრეტაციის პროდუქტი იყო. გარკვეული დროის შემდეგ, ამ ლუქების გადაღება და ბლოგზე გამოქვეყნება დავიწყე: პირველი პროფილი ბუზზნეტ-ზე გავაკეთე - ის მოდის სფეროსთან ერთად, გასართობ ინდუსტრიასაც მოიცავდა და ამის დამსახურებით დიდ რეიტინგებს ვაღწევდი. შემდეგ LOOKBOOK-ი გამოჩნდა, ფოტოებს იქაც ვდებდი. მოკლედ, ალბათ ჩემი ბლოგი იმითაა საინტერესო, რომ მხოლოდ მოდა არასოდეს მაინტერესებდა, ხელოვნების ეს დარგი ჩემთვის ყოველთვის სილამაზეს, ცხოვრების სტილს და სთაილინგს აერთიანებდა.

- მე-20 საუკუნეში სხვადასხვა დროის ტენდენციები კონკრეტულ, ჩამოყალიბებულ სტილს გულისხმობდა. როგორ ფიქრობ, რამ განაპირობა 21-ე საუკუნის "არეული" ტენდენცია, რომ "ყველაფერი მოდაშია"?
- არ შემიძლია, დემნა გვასალია არ ვახსენო, რომელმაც მთელ მსოფლიოში უდიდესი გარდატეხა, ნამდვილი რევოლუცია მოახდინა: პოსტსაბჭოთა პერიოდისთვის დამახასიათებელი სტილი დაამკვიდრა. 90-იანების ტენდენციები ხომ მაშინდელმა სოციალურმა მდგომარეობამ განაპირობა - რადგანაც ელექტროენერგია და გათბობა არ იყო, ადამიანებს ბევრი ტანსაცმელი ეცვათ, რომ გამთბარიყვნენ; ეს სტილი კი იმის მაპროვოცირებელია, რომ ყველაფერი მოდურია - ერთმანეთზე ბევრი რამე გაცვია და არაორდინარულად გამოიყურები.

- წერა იმ ეტაპზე დაიწყე, როდესაც ქართული მოდა პირველ ნაბიჯებს დგამდა. როგორ ფიქრობ, რა სიტუაციაა ახლა და რა აკლია ინდუსტრიას განვითარებისთვის?
- დაახლოებით 2013 წლიდან - მას შემდეგ, რაც თბილისი Fასჰონ ჭეეკ-ი შეიქმნა, ყველა კვირეულს აქტიურად ვესწრები. პირველი აკრედიტაციის მოპოვებაც კი მახსოვს.
მნიშვნელოვანია, ქართული მოდის ინდუსტრიისთვის მოდის კვირეულების ფუნქცია მხოლოდ სანახაობად არ დარჩეს და ბიზნესის დატვირთვაც მიიღოს - დიზაინერს და ბაიერს ან მომხმარებელს შორის შეთანხმებებიც ახლდეს. თუმცა, უნდა აღვნიშნო, რომ მოდის კვირეულები სწრაფად ვითარდება და ქართველი დიზაინერები სწორედ მოდის კვირეულებმა აღზარდა, რამდენადაც ერთგვარი სტანდარტები დაუწესა.

ასევე, მოქმედ დიზაინერებს მეტი ხედვა და შთაგონების ძიება სჭირდებათ, ხოლო მათ მეორე ნაწილს საშუალების მიცემა, საკუთარი თავის რეალიზება მოახდინონ. სასურველია, დიზაინერებმა მუშაობის პროცესში მეტი მასალა სცადონ და ბევრი ექსპერიმენტი აწარმოონ, სხვადასხვა სახის ქსოვილები გამოიყენონ - ამ მხრივ ჩვენთან კარგი ხელოსნების პოვნაც პრობლემატურია, მხოლოდ რამდენიმე მოდის სახლს ჰყავს კარგი მკერავები.

- როგორ ფიქრობ, უშუალოდ ქართველი საზოგადოება მზად არის ქართული ბრენდების შესაძენად? მასობრივი წარმოების პროდუქტის არსებობას ვგულისხმობ.
რატომაც არა. თუ ქართველი დიზაინერები ჩვენს საზოგადოებას მაღალი ხარისხის პროდუქციას და ადეკვატურ ფასებს შესთავაზებენ, რა თქმა უნდა, ყველაფერი გაეყიდებათ.  

- მეორადი ტანსაცმლის მაღაზიები ახსენე. არსებობს დღესდღეობით საქართველოში ისეთი მაღაზიები, სადაც საინტერესო ვინტაჟის აღმოჩენაა შესაძლებელი?
- რამდენიმე საინტერესო წერტილი ნამდვილად არის.
- როგორ ფიქრობ, რა სიტუაციაა ჩვენთან მოდის ფოტოგრაფიის მხრივ? ხომ არ გამოარჩევ რომელიმე ამომავალ ფოტოგრაფს, რომელსაც ახალი სიტყვის თქმა შეუძლია?
- სამწუხაროდ, საამისო რესურსები ჯერ არ არსებობს - მოდის ფოტოგრაფები საკუთარი თავის რეალიზაციას ვერ ახდენენ და ეს დარგიც რეგრესს განიცდის. ალბათ, ადამიანი მონდომებული უნდა იყოს და დიდი გავლენაც ჰქონდეს, ამ საქმეს რომ მოკიდოს ხელი და ბედი მსოფლიოს სხვადასხვა ქვეყანაში სცადოს. თუმცა დიდ ცვლილებებს ასე მალე არც უნდა ველოდოთ, ქართული მოდის ინდუსტრია დიდ პროგრესს განიცდის და მჯერა, რომ მოდის ფოტოგრაფიაც დროსთან ერთად განვითარდება. რეალურად საქართველომ მიაღწია იმ კონდიციას, რომ მოდა ბიზნესად იქცა და ეს დიდი მიღწევაა.

- რა კულტურულმა მოვლენებმა მოახდინა გავლენა შენი გემოვნების ჩამოყალიბებაზე?
- ერთხელ ჩჰანელ-ის სიტყვები წავიკითხე, მან თქვა, ყოველი დღე პოდიუმიაო (Every day is runway). ამ ფრაზამ ჩემზე უდიდესი გავლენა იქონია, მასზე დიდხანს ვფიქრობდი და დღეს ჩემი ბლოგის სახელწოდებაა. 

- რომელი ფილმი ასოცირდება შენთვის ყველაზე მეტად მოდასთან?
- შეიძლება ბანალურ პასუხად ჩაითვალოს, მაგრამ "ეშმაკი ატარებს პრადას": მოდის ჟურნალისტიკას, პოდიუმს, სამსახურს, პირად ცხოვრებას - ყველაფერს აერთიანებს, თანაც საინტერესო, ახლა უკვე ვინტაჟური კოსტიუმებია გამოყენებული. ეს ფილმი ბავშვობიდან მიყვარს და ყოველი ნახვისას ერთსა და იმავე ემოციებს განვიცდი, თანაც ყოველთვის სიახლეს ვპოულობ.

- ვინ არის შენთვის სტილის სიმბოლო?
- ძალიან ბევრი ადამიანის სტილი მომწონს. მიუხედავად იმისა, რომ მოდა მაინტერესებს, ფუფუნება ჩემი გატაცება არ არის: შეიძლება ჩვეულებრივი ადამიანის სტილი მომეწონოს და ჩემთვის საინტერესოდ ჩავთვალო, შესაბამისად იმ პიროვნების სახელი არც დამამახსოვრდეს. ჩემი მიზანი და გათვლაც ესაა - თუნდაც "ბომონდისთვის" დავწერო, როგორ შეიძლება გენიალურად გამოიყურებოდე მარტივად, დიდი ძალისხმევის და დანახარჯების გარეშე. მაგალითად, მომწონს მეორადი ტანსაცმლის ტენდენცია, მათი დახმარებით საინტერესო ლუქების შექმნა შეიძლება. ამიტომაც, კონკრეტული დიზაინერის შემოქმედებაზე მეტად, ჩემი შთაგონება Iნსტაგრამ-ზე ნანახი, სრულიად უცნობი ადამიანის ფოტოებია ხოლმე, რომელიც საინტერესოდაა ჩაცმული.

- სუბკულტურებით გატაცების შესახებ ახსენე. ამ სტილის წარმომადგენელი რომელი ხელოვანის იმიჯი მოგწონს განსაკუთრებულად?
- მერლინ მენსონი! სუბკულტურული მოდის №1 წარმომადგენელია.

- რა აზრის ხარ ცნობილი მხატვრების და დიზაინერების კოლაბორაციაზე?
- სიმართლე გითხრა, არ ვგიჟდები. ვფიქრობ, ნახატის ტანსაცმელზე გადმოტანა ერთგვარად ჩარჩოში გაქცევს და ასეთი პროექტები ფანტაზიას მოკლებული მგონია - ძალიან მარტივია, ყურადღება რომელიმე ცნობილი მხატვრის პრინტით მიიპყრო...

- შეგიძლია, "ბომონდში" მოღვაწეობის შესახებ შენი ხედვა გაგვაცნო? როგორ ფიქრობ, რას გააკეთებ ჟურ-ნალისთვის და რას ელი მისგან?
- ჩემი ინტერესებიდან გამომდინარე, მხოლოდ მოდას არ შევეხები, შესაბამისად, გათვლა მხოლოდ ვიწრო სეგმენტის დაინტერესებაზე არ მაქვს: მოვიცავ ცხოვრების სტილს, სთაილინგს და მკითხველს მოვუყვები, როგორ შეუძლიათ, თუნდაც მეორად მაღაზიებში შეძენილი სამოსით საუკეთესოდ გამოიყურებოდნენ.

ტექსტი: ქეთი ფოფხაძე
ფოტო: მიშო ბეგაშვილი
 

like
4

კომენტარები

Keti
ყოჩაღ, დათა!
2017-02-02 14:30
eli
kargi gemovnebisaa ashkarad, warmatebebi :)
2017-02-01 17:35

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.