Sport time - სალის ბლოგი

ალბათ შეამჩნევდით, რომ ბოლო რამდენიმე წელია ძალიან მოდური გახდა ჯანსაღი ცხოვრების წესი და ვარჯიშის სხვადასხვა სახეობები. ძალიან ბევრმა უარი თქვა დალევაზე და მოწევაზე. ახალგაზრდების უმრავლესობამ ყურადღება მიაქცია ჯანსაღ კვებას და გაჩნდა მოდური სიტყვა - მოტივაცია.

adidas


იმისთვის, რომ დავიწყოთ ნებისმიერი საქმის კეთება, პირველ რიგში გვჭირდება - მოტივაცია. იმისთვის, რომ ვაკეთოთ რაღაც გამუდმებით გვჭირდება - ჩვევა. როგორც წესი, მოტივაცია ბევრად უფრო მარტივი საკითხია, ვიდრე ჩვევა.

გოგოები წონაში იკლებენ ქორწილისთვის,

დაბადების დღისთვის, კორპორატიული საღამოებისთვის და განსაკუთრებით კარგად მუშაობს მოტივაცია - 31 დეკემბერს, როდესაც ნახევარი მსოფლიო საკუთარ თავთან დებს პირობას, რომ ამ ახალი წლიდან აუცილებლად შეცვლის რაღაც მნიშვნელოვანს თავის თავში.

სამწუხაროდ, ხშირ შემთხვევაში დაპირებები დაპირებებად რჩება. მოტივაცია არსებობს, თუმცა ნებისყოფა - არა.
- როგორ ვიპოვოთ მოტივაცია საკუთარ თავში ? - ეს ძალიან ზოგადი კითხვაა. იქედან გამომდინარე, რომ ყოველი ადამიანი ინდივიდია, შესაბამისად, საჭიროა ინდივიდუალური მიდგომა, რომელშიც საკუთარი თავის გარდა ვერავინ დაგეხმარებათ.



ჩემს შემთხვევაში, მოტივაცია სხეულის ფორმები და ხერხემლის ტკივილი იყო. ბავშობაში მიღებული ტრამვის გამო დღემდე მაწუხებს ხერხემლის ტკივილები, რომელიც ღამე არ მაძინებს, თუმცა დარბაზში ან სახლში თუნდა 30 წუთიანი ვარჯიშის შემდეგ, ტკივილს საერთოდ ვეღარ ვგრძნობ, რაც მშვიდი ძილის გარანტიაა ჩემთვის.



არ ვეთანხმები ადამიანებს, რომლებიც არ ვარჯიშობენ და ამას ამართლებენ, როგორც დროისა და საშუალების არ ქონას. რადგან ვთვლი, რომ დღეში თუნდაც 30 წუთი საკმარისია იმისთვის, რომ რაღაც დონეზე დაიჭირო სხეული ფორმაში.
მთავარია როგორ შევხედავთ და აღვიქვამთ სიტუაციას. თუ ჩვენ ის აღვიქვით როგორც სირთულე და პრობლემა, მაშინ არაფერი გამოგვივა და თუ ტვინს მივაწვდით ინფორმაციას, რომ ამაში არაფერი სირთულე არ არის, მაშინ ვფიქრობ, რომ 10 ნაბიჯით წინ იქნებით მიზანთან ( ჩემს შემთხვევაში სიტუაციის მარტივად აღქმა ძალიან კარგად მუშაობს )


ასევე, იდეალური საშუალება იმისთვის, რომ იყო ჯანმრთელი და იყო მუდამ ფორმაში, არის დილით სირბილი ( თუ ვინმე დარბიხართ დილის 6:00 საათზე კუს ტბაზე, ესე იგი ჩვენ უკვე შევხვედრილვართ ერთმანეთს ), რაც ენერგიული და წარმატებული დღის გარანტიაა.


სპორტული ცხოვრებისთვის ერთ ერთი ყველაზე მნიშვნელოვანია ფეხსაცმელი. არასწორად შერჩეულმა ფეხსაცმელმა შეიძლება დააზიანოს ხერხემალი და კუნთოვანი სისტემა.



P.S ბოდიშს ვიხდი ჩემი Converse- ის გამო, უბრალოდ დუბაიში აღმოვაჩინე, რომ სპორტული ფეხსაცმელი ჩემს ბარგში მხოლოდ ის იყო.

 

like
0

კომენტარები

gvantsa
kargi gogo xar ganagrdze gepeis codna gamoiyene, gemovnebiani da kargi gogo xar :)
2016-04-06 13:35

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.