სალის ბლოგი: DENIM (ის, რაც ჯინსის შესახებ უნდა იცოდეთ)

ჯინსი არასოდეს არ გადადის მოდიდან. განსაკუთრებით აქტუალურია გაზაფხული -ზაფხულის სეზონებზე. ჩემი აზრით, არ არსებობს არაფერი უფრო კომფორტული, ვიდრე ჯინსი, თან მისი შეხამება შესაძლებელია ნებისმიერ სამოსთან და ნებისმიერი სიტუაციისთვის.

Nike Air Max 90


რა თქმა უნდა, სეზონურად იგი იცვლის ფორმას, ფერს, სტილს და შეუძლებელია არ მიჰყვე ამ ცვლილებას და არ მოირგო განახლებული ვარიანტები.



ამ სეზონზე აქტუალური და მოდური - კლასიკური ცისფერი დაკოპლილი ეგრეთ წოდებული ,,მოხარშული “ ჯინსია. მუქი ფერის ჯინსი პრაქტიკულად არ არსებობს

ახალ კოლექციებში. აქედან გამომდინარე, აქტუალური გახდა ღია ფერის სხვადასხვა სტილის ზედა ტანისა და ქვედა ბოლოს შერწყმა.



მოდურია ორი უკიდურესობა - განიერი Boyfriend -ის სტილში, ვიწრო კოჭით ან უბრალოდ სწორი განიერი შარვლები. ასევე, ჯინსის პერანგები და Oversized ქურთუკები, რომელიც რამდენიმე წლის წინ იყო მოდური და სწორედ ამიტომ არ მიყვარს ტენდენციების მიხედვით გარდერობის გადარჩევა, რადგან მოდა ბრუნდება და არასოდეს არ იცი როდის რა გახდება ისევ საყვარელი და მოთხოვნადი.



შეიძლება ვთქვათ, რომ 2016 წლის მოდური ტენდენციების მარტივი ფორმულაა: ჯინსს+ ჯინსი = სეზონის ყველაზე მოდურ შეხამებას.

პოზიციებს არ თმობს ფერადი ჯინსიც, რომელიც განსაკუთრებით მოთხოვნადი გახდება ზაფხულში. ღია ყვითელი, პიტნის ფერი, ლურჯი ,,ელექტრიკი” და ღვინის ფერი ეს ის ფერებია, რომელზეც განსაკუთრებით უნდა გაამახვილოთ ყურადღება.



არ უნდა გამოგვრჩეს აქსესუარები! მაგალითად, ჯინსის ჩანთით შესაძლებელია ჩვენი LOOK - ი გავხადოთ მოდური.

ასევე, დიდი არჩევანია ფეხსაცმელებშიც - მოდის სახლები დაბალი თუ მაღალქუსლიანი ჯინსის ნაჭრით დამზადებული სხვადასხვა სტილის ფეხსაცმელებს გვთავაზობენ.



2016 წლის გაზაფხული-ზაფხულის ტენდენციები მაქსიმალურად მორგებულია კომფორტზე, რაც ვფიქრობ ძალიან ბევრს გაახარებს.

like
1

კომენტარები

ჰაბი
რა გირს და სად იყიდება
2018-04-06 17:24
ეკა
ძალიან მიყვარს ჯინსის კომბინიზონი
2016-05-03 09:50

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.