ბლოგი

რა არის საჭირო იმისათვის, რომ ქალმა კანს საფუძვლიანად მოუაროს?
ალბათ მეტყვით, რომ ძვირადღირებული კრემები, რომლის შეძენის საშუალება ყოველ მეორე ქალს არ აქვს, რაშიც ნამდვილად ვერ დაგეთანხმებით.
ყველაფერი სუნამოს შესახებ - იპოვე შენი არომატი!

ქალს არაერთი იდუმალი ცდუნების იარაღი აქვს რომლითაც სასურველ ადამიანს მასზე დამოკიდებულს ხდის.

ნაპოლეონი, სასახლე და სხვა ამბები
პრინცესობაზე ოცნება ბევრი გოგონას ბავშვობის აუხდენელ ოცნებად რჩება დღესაც. ოცნება პრინცესობაზე არის სიმბოლო უმანკოების, სილამაზისა და ძლიერი სურვილის. ეს არის პოზიტიური ლამაზი ფიქრები, რომელიც ყველას გვქონდა ბავშვობაში. სასახლე ულამაზესი ბაღებითა და შადრევნებით, მეფე-დედოფალი ლორდებითა და რაინდებით გარშემორტყმული, პრინცესები სეფექალებთან ერთად, მეჯლისები, ვერცხლის ლანგრები, ფაიფურის სერვიზები, ოქროს აზარფეშები, მუსიკოსები და მეფის მასხარა… ეს წარმოსახვა ზღაპრის კითხვისას სხვა განზომილებაში გვაგრძნობინებდა თავს.

საფრანგეთში მოგზაურობისას სასახლე ფონტენბლოს ნახვისას მქონდა განცდა, რომ ისტორიის ნაწილი ვიყავი, იმ ისტორიისა, როცა სასახლე რეზიდენცია იყო საფრანგეთის მონარქების ლუი VII -დან დაწყებული ნაპოლეონ III-ით დამთავრებული. საუკუნეების განმავლობაში ხელშეუხლებლად დარჩენილი სასახლე თავისი აპარტამენტებითა და ძვირფასი ავეჯით ვერცხლითა და ოქროთი მოვარაყებული, ხეზე კვეთით შესრულებული კარები, გობელინითა და ცნობილი მხატვრების ტილოებით მორთული ოთახები, უზარმაზარი ფარდებიანი საწოლები…. გიტოვებენ განცდას, რომ გრძნობ ისტორიისა და განგრძობადობის სურნელს. და მეც ვტკბებოდი წარსულის მტვრის სუნთან შერეული სიძველის არომატით. რენესანსის სასახლე ცნობილია, როგორც ყველაზე მდიდრული სასახლე მსოფლიოში და სწორედ ფონტენბლომ გააცნო რენესანსული სტილი საფრანგეთს.

მისი ინტერიერი და ექსტერიერი მუდმივად იცვლებოდა საუკუნეების განმავლობაში, თითოეული მონარქი, რომელსაც ამ სასახლეში ცხოვრება უწევდა, რაღაცას ცვლიდა და თავისას ამატებდა… ფრანსის I-ის გალერია, რომელიც აკავშირებს მეფის აპარტამენტებს სამლოცველოსთან იტალიურ რენესანსულ სტილშია გადაწყვეტილი.

ულამაზესი, ცხენის ნალის მქონე კიბეები, რომლებიც სასახლეს წინა მხრიდან ამშვენებს, ჰენრი II და კატრინ დე მედიჩის იდეა იყო. ჰენრი IV-ის მეფობის დროს მოიხატა სალონების ჭერი, მოწვეული მხატვრები კი არც მეტი და არც ნაკლები Ambroise Dubois და Toussaint Dubreuil იყვნენ.

სასახლე ბევრი ისტორიული მომენტებითაა ცნობილი, თუმცა ყველაზე მეტად დამაინტერესა რომის პაპის პიუს VII-ს ვიზიტმა. პაპი ნაპოლეონის პატიმარი იყო, თუმცა ამას ვერ იტყვით მისი აპარტამენტების ნახვისას. პაპი, რომელიც ფონტენბლოს სასახლეში 1812 წლის 20 ივნისს ჩავიდა, 19 თვის განმავლობაში ცხოვრობდა იქ და სუსტი ჯანმრთელობის გამო არც არასოდეს დაუტოვებია სასახლე. მანამდე კი, 1804 წელს სწორედ ოპიუს VII-ემ აკურთხა ნაპოლეონი იმპერატორად ფონტენბლოს სასახლეში.

მეფის საძინებელი კი სატახტო ოთახად გადააკეთეს ნაპოლეონისთვის, რომელსაც დღესაც აღტაცებაში მოჰყავს მნახველი. ყველაზე მეტი ცვლილება სასახლის ინტერიერმა ნაპოლეონის დროს განიცადა, როცა იმპერატორმა და იმპერატრიცამ სასახლე ახალ იმპერატორულ სტილში მოაწყეს. მათ მოიფიქრეს სასახლისთვის შემოევლოთ ორნამენტებით მოჭედილი რკინის გალავანი და ჭიშკარი, საიდანაც სასახლის ფასადის დანახვა შესაძლებელი იქნებოდა.

და ბოლოს, აღნიშვნის ღირსია დედოფლის საძინებელი, რომლის დასაკუთრებაზე, როგორც ამბობენ ბრძოლა იყო გამოცხადებული. ყველა დროის დედოფალს და იმპერატრიცას აქ ეძინა. საწოლი და ბუდუარი დედოფლის ოთახის გვერდით სპეციალურად მარია ანტუანეტასთვის შეიქმნა, მაგრამ საფრანგეთის რევოლუციამდე ის არც ჩასულა. თუმცა ნაპოლეონის ორივე ცოლი აქტიურად იყენებდა ამ საძინებელს.

ატალია ბერიანიძის ბლოგი


ასევე დაგაინტერესებთ: 

იმოგზაურე დრომომანისტას სტილში
რა ხდის ქალს უფრო მიმზიდველს?

 - მოგზაურობა! ამბობენ, ქალი, რაც უფრო მეტს მოგზაურობს, მით უფრო ჭკვიანი, სექსუალური და მომხიბვლელია.

ჩემი იდეალური ძველით ახალი წელი
ვინც მიცნობს, არ გაუკვირდება, თუ წერას ტურიზმსა და მოგზაურობაზე დავიწყებ, რადგან სწორედ ამ სფეროში ვმუშაობ და ჩემი სამსახური ჩემი ჰობიცაა.
როგორ ვებრძოლოთ დემოტივაციას ზაფხულში?
ყველა სფეროში მოიძებნება ადამიანი, რომელიც მიუხედავად აუტანელი სიცხეებისა შვებულების აღებას ვერ ახერხებს სხვადასხვა მიზეზისა და გარემოებების გამო. შემდეგ თავს იჩენს უგუნებობა, დემოტივაცია, შეუსრულებელი დავალებები, არაეფქტური სამუშაო კვირა.... რა უნდა ვქნათ, რომ არ მოხდეს ასე? გთავაზობთ რამდენიმე რჩევას, რომლის გათვალისწინების შემთხვევაში ოდნავ უკეთესად მაინც იგრძნობთ თავს.


1.დილის რიტუალი სამსახურში
მოიფიქრე შენი რიტუალი, რომელსაც სამსახურში მისული შეასრულებ, არ აქვს მნიშვნელობა რა იქნება ეს, ყავის დალევა, ერთი ნაჭერი ნამცხვრის დაგემოვნება, მუსიკის მოსმენა თუ სურნელოვანი სანთლების დანთება... არჩევანი შენზეა, მთავარია ეს იყოს, ის რაც ნამდვილად მოგანიჭებს სიამოვნებას, შენი სტრესის დონეს დასწევს და შეგამზადებს სამუშაო დღის დასაწყებად.


2. იყავი შვებულებაზე ორიენტირებული

ადრე თუ გვიან ნებისმიერ სამსახურში ლაგდება სიტუაცია, სრულდება საქმეები და შენც შესაძლებლობა გექნება ისარგებლო ნანატრი შვებულებით. მანამდე კი განწყობა შეიქმენი. გააკეთე ვიზუალური დაფა და გააფორმე შვებულების ამსახველი ფოტოებითა და სამოტივაციო გამონათქვამებით. როგორც კი იგრძნობ, რომ ეშვები, შეხედე ამ დაფას და გაიხსენე რა ცოტა დრო დაგრჩა შვებულებამდე.


3. weekend-ის კულტურა

ევროპისგან განსხვავებით საქართველოში არ აფასებენ უიკენდის კულტურას, არადა ეს 2 დღე ბევრ შესაძლებლობას იძლევა. საქართველო მდიდარი ქვეყანაა, ყველაფერი გვაქვს ტბა, მთა, ზღვა, უდაბნო....გადახედე რუკას და აღმოაჩინე ახალი ადგილები. 2 დღიანი დასვენება ნამდვილად გაგახალისებს და განახლებული ძალებით შეუდგები ორშაბათს მუშაობას.


4.იზრუნე საკუთარ თავზე

ფიზიკური ვარჯიში და ჯანმრთელი კვება შენზე დადებითად აისახება, ხელს შეუწყობს პოზიტიურ განწყობას და გონებრივი შესაძლებლობების გაუმჯობესებას.

5. დაასაჩუქრე საკუთარი თავი
მუდმივი სამუშაო რეჟიმი ყველასთვის დამღლელია. შესრულებული სამუშაოსთვის ან თუნდაც ზაფხულში მუშაობისთვის საკუთარი თავის დასაჩუქრება კარგი გამოსავალია მოტივაციის ასამაღლებლად.

ეს რჩევები იმდენად მარტივია, მის შესასრულებლად ძალისხმევაც არ დაგჭირდებათ. საზაფხულო დემოტივაციის დასაძლევად გჭირდებათ სიახლეები, რომლებსაც ახლავს განტვირთვა და ახალი შესაძლებლობები.

ატალია ბერიანიძის ბლოგი

ჯეფ კუნსი - ახალი ხედვის დიდოსტატი თუ კიტჩის მეფე?!
თანამედროვე ხელოვნებაში უამრავ საინტერესო შემოქმედს, კერძოდ, მოქანდაკეს ვხვდებით. დღესდღეობით მასალების მრავალფეროვნება შესაძლებლობას იძლევა, შეიქმნას ახალი და სრულიად წარმოუდგენელი ნიმუშები.
როგორ ქალს უნდა ერიდოს მამაკაცი?
"ნეტავ სად ჰქონდა თვალები ამ კაცს?" ამ ფრაზის მოსმენა საქართველოში არავის უკვირს. მართლაც, საინტერესოა რას ხედავენ მამაკაცები ქალში ისეთს, რაც სხვისთვის უხილავია? რატომ ხდება რომ სიმპატიურ, განათლებულ მამაკაცს გვერდით უფერული ქალი ჰყავს პარტნიორად? ნუთუ ანგარება ამოძრავებს? ან "ლამაზი ბუნება" და სამზარეულოში ტრიალია წინაპირობა ბედნიერი ოჯახის შესაქმნელად? თუ ესეც ერთგვარი მამაკაცური კომპლექსის გამოვლინებაა, როცა ცდილობს გვერდით მყოფი მეორე ნახევარი მასზე ნაკლები იყოს, რათა მისი მამაკაცური თვითშეფასება არ დაქვეითდეს?
მიზეზი ბევრია, შედეგი კი - ღალატია მამაკაცის მხრიდან. იმედგაცრუებული მამაკაცი სხვა კავშირებს ოჯახს გარეთ ეძებს. რატომ აკეთებს მამაკაცი არასწორ არჩევანს?

რას უნდა მიაქციოს მამაკაცმა ყურადღება სანამ არჩევანს გააკეთებს?


1. ერიდეთ ქალს, რომელსაც მხოლოდ ფული, საჩუქრები, გართობა და გამორჩენა აინტერესებს. ძალიან მარტივია მსგავსი ქალის ამოცნობა.


2. ერიდეთ ქალს, რომელსაც არ გააჩნია თავმოყვარეობა, არ იცის საკუთარი თავის ფასი და რომელიც მამაკაცის გამოსაჭერად ყველაფერზეა წამსვლელი.


3. ერიდეთ ქალს, რომელიც ენერგო ვამპირია. ქალი, რომელიც მუდმივად წუწუნებს, უკმაყოფილოა, მისი მოსაწონი არაფერია და არაფერი უხარია, ყოველთვის გამოიწვევს დისონანსს თქვენს ცხოვრებაში.


4. ერიდეთ ქალს, რომელიც "ცარიელია". არ აქვს პროფესია, ინტერესები, ჰობი... ძალიან მოსაწყენია მსგავს ქალთან ურთიერთობა და მალე მოგბეზრდებათ.


5. ერიდეთ ქალს, რომელიც გათხოვილია. პრობლემების და შარის მეტს არაფერს მოგიტანთ მასთან ურთიერთობა.


6. ერიდეთ ქალს, რომელიც თავის მოკვლით იმუქრება და შანტაჟით ცდილობს მამაკაცის შენარჩუნებას.


7. და ბოლოს, მამაკაცებო ეძიეთ და მოიპოვეთ თქვენი ოცნების ქალი და გაუფრთხილდით მას!

ატალია ბერიანიძის ბლოგი

ასევე დაგაინტერესებთ: 

როგორ მამაკაცს უნდა ერიდოს ქალი?
ზღვარი მეგობრობასა და სიყვარულს შორის
მხოლოდ მეგობარია თუ?.... იქნებ უყვარს და ვერ ეუბნება?... - ასეთი ეჭვი ყველას უჩნდება, როცა გოგოსა და ბიჭის მეგობრობის შესახებ იგებენ. შესაძლებელია თუ არა ქალსა და მამაკაცს შორის მეგობრული ურთიერთობა? ამაზე ბევრჯერ მიკამათია. მე ვფიქრობ შესაძლებელია, მაგრამ იშვიათია. ჩემი პოზიცია საკუთარი გამოცდილებიდან გამომდინარე ასეთია: როცა ადამიანი ძალიან კარგია, ლამაზია, ჭკვიანი და გამგები, ის სხვისთვის არ გემეტება და ხდები ეგოისტი, სიყვარულიც გეპარება და ეს მეგობრობაც ცალ კარში თამაშს ემსგავსება. ხშირია შემთხვევა როცა "მეგობრებად რჩებიან", სიყვარული გაუზიარებელია და ამ გარდამავალი მდგომარეობის გადალახვა საკმაოდ რთული ხდება, რასაც შედეგად დანაკარგი მოჰყვება. ეს ჩემი პირადია აზრია, მაგრამ შენ ნამდვილად გაგიმართლა, თუ შენს მამაკაც-მეგობართან ურთიერთობა გულწრფელად მეგობრულია და ერთ ქვაბში არ იხარშება მეგობრობა, სიყვარული, თავის მოტყუება და მარტოდ დარჩენის შიში.

მამაკაც-მეგობარს ბევრი სარგებლობა მოაქვს, ბევრად კომფორტულია ურთიერთობებში ვიდრე მეგობარი გოგონა. ზუსტად ვერ გეტყვი რა განსხვავებაა, მაგრამ უმეტეს სიტუაციაში მამაკაცს მეტი უპირატესობა აქვს. მას შეუძლია დაგამშვიდოს, თვითშეფასება აგიმაღლოს, მოგიწყოს სიურპრიზები, მოგამარაგოს საყვარელი ტკბილეულობით, სახლში გაგაცილოს და მოგცეს ყველაზე პრაქტიკული რჩევა, როცა ყველაზე მეტად გჭირდება.
მეგობარი ის ადამიანია, რომელსაც ყველაზე კარგად იცნობ, არ ეპრანჭები და მასაც ისეთი უყვარხარ, როგორიც სინამდვილეში ხარ, შენი მინუს-პლიუსებიანად, მაგრამ როგორ უყვარხარ?...

დაკვირვებიხართ, ზოგჯერ როგორ დაჟინებით გიმტკიცებს მამაკაცი რომ "დასავით უყვარხარ ან მეგობრულად". ამას იმდენად ხშირად გიმეორებს, სულ რომ არ გქონდეს ეჭვი, უკვე გაგიჩნდება. თითქოს საკუთარ თავს უმტკიცებენ, რომ სხვანაირად არ უნდა შემოგხედოს და რომ ეს ღალატის ტოლფასია. ამას ერთვის მეგობრის დაკარგვის შიში და უთქმელობის კომპლექსი. ზოგადად ადამიანმა ჯობია გააკეთო რამე და ინანო, ვიდრე არ გააკეთო და ინანო. მე ვფიქრობ, მამაკაცმა დრო სწორად უნდა შეარჩიოს და ქალ-მეგობარს ეს საიდუმლო გაანდოს, რადგან გამონაკლისებიც არსებობს, როცა გრძნობა უპასუხოდ არ რჩება და მეგობრობა სიყვარულში გადაიზრდება. ყველაზე ცუდი სცენარი ისაა, როცა მამაკაცი თანხმდება მეგობრებად დარჩენას, თუმცა ყოველი სიტყვა, თუნდაც ხუმრობით ნათქვამი მასში იმედს აღძრავს, რომ მისკენ შებრუნდები და ყველაფერი შეიცვლება. ამ მტკივნეულ და ხანდახან არცთუ ისე ხანმოკლე პროცესს კი დრო სჭირდება. ძნელია ამ ურთიერთობის შენარჩუნება, მით უმეტეს, როცა ამ ადამიანის დაკარგვა არ გინდა და შენთვის მართლაც ძვირფასია. უამრავი დრო და ენერგია გჭირდება, რომ ეს მეგობრობა შეინარჩუნო.

მაგრამ ერთი რამ უნდა გვახსოვდეს, რომ ადამიანები ვართ და ადამიანური სისუსტეები და შეცდომები ჩვენთვის უცხო არ არის. ყველას გამოუცდია ეს მდგომარეობა, როცა აცნობიერებ, რომ ის მეგობარზე მეტი ხდება შენთვის. ჩვენ ადამიანები, ხომ ზოგადად, ქალებად და კაცებად ვიყოფით და ადრე თუ გვიან, ერთმანეთს სწორედ საკუთარი ქალური და მამაკაცური თვალით ვაფასებთ.


ატალია ბერიანიძის ბლოგი

დათა ალექსეევის ბლოგი - ადამიანი ხელოვნებაა, ხელოვნება კი ემოციების ჯაჭვით შემორტყმული კარის გასაღები
არ არსებობს ადამიანი, რომელიც ერთხელ მაინც არ ყოფილა „მატერიულ ჩიხში“, რომელსაც ეგზისტენციალური კრიზისი ჰქვია.
BABUKHADIA-ს ახალი მიმართულება
თამამად შეგვიძლია ვთქვათ, რომ ქართველი დიზაინერები მთელ მსოფლიოში საკმაოდ წარმატებულები არიან.
უნიფორმა - საქმიანი ადამიანების ერთფეროვანი არჩევანი
საინტერესო თემების განხილვა გრძელდება ქ.ნ მანანა ანთელიძის ბლოგში.