რა დაავადებებს ავიცილებთ თავიდან წყლის სწორად მიღებით - როდის და როგორ უნდა ვსვათ წყალი

წყალი ჩვენი ორგანიზმის 70 %-ს შეადგენს, იმ შემთხვევაში, თუ ორგანიზმში წყლის დონე 20%- ით დაიკლებს, ეს ორგანიზმისთვის და შესაბამისად ჩვენთვის, სავალალო შედეგით დასრულდება!


უამრავ ადამიანს ჰგონია, რომ წვენი, ყავა, ჩაი და ა.შ წყლის კატეგორიას მიეკუთვნება. ეს მოსაზრება მცდარია!


სიცხეში ხშირად გვიჩნდება წყურვილის შეგრძნება. უმეტეს შემთხვევაში, ადამიანები წყურვილს ტკბილი გაზიანი სასმელის დალევით იკლავენ. არც ეს გახლავთ სწორი საქციელი. წყურვილის დროს აუცილებლად წყალი უნდა მიიღოთ.

გაზიანი სასმელები ჯანმრთელობისთვის საზიანოა და ის წყურვილის შეგრძნებას კიდევ უფრო ამძაფრებს.

სასურველი და სავალდებულოა უზმოზე წყლის მიღება, რათა მოვაწესრიგოთ კუჭ ნაწლავის მდგომარეობა ახალი

დღისთვის. წყალი ასევე უზრუნველყოფს ლორწოს წარმოქმნას, რომელიც აუცილებელია კუჭის კედლების დასაცავად!

 

როდის დავლიოთ წყალი?

მიიღეთ 1 ჭიქა წყალი უშუალოდ დაძინების წინ, რათა გამოირიცხოს ინფარქტის და სხვა გულის დაავადებების რისკები.


რეკომენდებულია წყლის მიღება კვებამდე 20-30 წუთით ადრე, ხოლო კვების შემდგომ 1,5-2 საათში.


ბევრი ადამიანი უშუალოდ კვების დროს სვამს წყალს და ეს ფაქტობრივად ჩვევაში აქვთ გადასული. ცოტამ თუ იცის, რამდენად საზიანოა მსგავსი ქმედება ჯანმთელობისთვის.
კვების დროს სითხის მიღება ანეიტრალებს კუჭის წვენის მოქმედებას და კუჭში მოხვედრილი საკვები რჩება გადაუმუშავებელი, რაც საერთო ჯამში საკვების ლპობას და არასასიამოვნო შეგრძნებებს იწვევს. ასევე, კუჭ-ნაწლავის დაავადებებსაც.


 წყლის მიღება სასურველია შემდეგი დაავადებების დროს: კუჭის წყლული, თორმეტგოჯა ნაწლავის წყლული, გასტრიტი (ასევე მათი თავიდან არიდების მიზნით).


სვით წყალი გამუდმებით, ხშირად! როდესაც მოგწყურდებათ, ჩათვალეთ, რომ მისი დალევა უკვე დააგვიანეთ. წყალი უნდა მიაწოდოთ ორგანიზმს ინტენსიურად 1-2 ჭიქა და თავად დაინახავთ, რომ თქვენი ჯანმრთელობის მდგომარეობა საგრძნობლად შეიცვლება უკეთესობისკენ.


ავტორი: ანტონ ლაშქარაშვილი

Lady Fitness LAB

like
4

კომენტარები

shorena
Shorena
2016-08-24 18:16

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.