ე.წ. ”განტვირთვის დღეები” წონაში დასაკლებად - 5 რეცეპტი ფიტნეს ინსტრუქტორის რჩევით

წონაში კლების მიზნით უამრავი ადამიანი იცავს კონკრეტული სახელწოდებით არსებულ დიეტებს, რაც ჯანმთელობისთვის საზიანოა. აუცილებელია, რომ იკვებოთ ჯანსაღად, მიიღოთ საჭირო კალორიების რაოდენობა დღის განმავლობაში, გამორიცხოთ შიმშილი, სვათ საჭირო რაოდენობით წყალი და ივარჯიშოთ სწორად შერჩეული პრინციპით, გამოცდილი ინსტრუქტორის მეთვალყურეობის ქვეშ.


ამ ყველაფერთან ერთად, შეასრულეთ განტვირთვის დღეები და შედეგი იქნება მეტად ეფექტური. სასურველი და რეკომენდებულია კვირაში ერთი დღე დაუთმოთ განტვირთვას.


არსებობს განტვირთვის რამდენიმე სახეობა:


1). დღესდღეობით, პოპულარულობით სარგებლობს კეფირის განთვირთვა, რომლის დროსაც შეგიძლიათ მიიღოთ 2 ლიტრამდე კეფირი და დღის განმავლობაში საჭირო რაოდენოით წყალი.

2). კიტრის შემცველობის უმეტესი ნაწილი უჭირავს წყალს, ამიტომ ასევე ეფექტურია კიტრის განტვირთვის დღის მოწყობა, 2 კგ მდე კიტრი და ამ ყველაფერს შეგიძლიათ დაურთოთ კეფირი, არა უმეტეს 1 ლიტრისა. მიიღეთ დღის განმავლობაში საჭირო წყლის რაოდენობა.
3). მწვანე ვაშლის განტვირთვა ასევე ეფექტურია. მწვანე ვაშლი შეგიძლიათ მიიღოთ 1 დან 2 კგ- მდე. არ იქნება ურიგო, თუ დღის დასასრულს თან დაურთავთ მაწონს 150-200 გრ.
4). შეგიძლიათ მიირთვათ დღის განმავლობაში 2-3 კგ ბოსტნეული და ასევე ხილი, არ მიიღთვათ მჟავე და ტკბილი ხილი ერთდროულად და შეეცადეთ, საღამოს საათებში არ მიიღოთ მეტად ტკბილი ხილის სახეობები, როგორიცაა ატამი და ბანანი.
5). 400-500 გრ 0% ხაჭო + 1 ჭიქა უცხიმო რძე.


ზემოხსენებულ განტვირთვის სახეობებში არსებული საკვები გადაანაწილეთ ისე, რომ დღის განმავლობაში მოგიწიოთ 4-5 ჯერადი კვება.
წარმატებულ დღეს გისურვებთ!


ავტორი: ანტონ ლაშქარაშვილი (ფიტნეს-ინსტრუქტორი)

like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.