რეაბილიტაცია კვებითი ინტოქსიკაციის შემდეგ

საკვებით ადამიანი წელიწადის ნებისმიერ დროს და ნებისმიერ სიტუაციაში შეიძლება მოიწამლოს.

ინტოქსიკაციის (მოწამვლის) მიზეზი შეიძლება გახდეს არა მხოლოდ უხარისხო, გაფუჭებული (ლპობადი) ან ვადაგასული საკვები, არამედ თამბაქო, ალკოჰოლი, ნარკოტიკული და სამკურნალო საშუალებები, საყოფაცხოვრებო ქიმია, სასოფლო-სამეურნეო შხამ-ქიმიკატები, სხვადასხვა საღებავი, ლაქები და გამხსნელები.

როგორ გავხდეთ ზაფხულამდე: აირჩიეთ სასურველი დიეტა


საზოგადოდ, ორგანიზმის ინტოქსიკაცია მისი შხამებით (ტოქსინებით) დაზიანების გამო ხდება. უმრავლეს შემთხვევაში ეს ტოქსინები, მავნე ნივთიერებები, ორგანიზმში საკვებთან ერთად ხვდება, შესაბამისად, თქვენს ყურადღებასაც საკვებისმიერ ინტოქსიკაციაზე შევაჩერებთ.

უხარისხო ან ვადაგასული პროდუქტი ორგანიზმის ინტოქსიკაციისა და დასნებოვნების უმთავრესი წყაროა,

რადგან აღნიშნული სახის საკვებში უხვად მრავლდება ტოქსინების (შხამების) გამომყოფი მიკრობები. ორგანიზმში საკვებ პროდუქტთან ერთად მოხვედრისას ეს მიკრობები კუჭსა და ნაწლავებში სერიოზულ ანთებას იწვევენ. შემდგომ პათოგენური მიკროორგანიზმები სისხლში ხვდება და აქედან იწყებს ადამიანის ორგანიზმის ცალკეულ ორგანოებზე უარყოფით გავლენას. ყველაზე დიდი საფრთხე ემუქრება ღვიძლს, გულსა და ცენტრალურ ნერვულ სისტემას.

5 მავნე ჩვევა, რომელსაც უნდა გადაეჩვიოთ, თუ წონის დაკლება გსურთ

გახსოვდეთ, მოწამვლის დროს აღმოცენებული დიარეა (იგივე ფაღართი) და ღებინება იმაზე მეტყველებს, რომ ორგანიზმი თავად ცდილობს პარაზიტებისაგან განთავისუფლება-გაწმენდას. ამ დამცველობით მექანიზმთა (სიმპტომთა) არარსებობა უფრო მეტად საშიშია, ვიდრე მათი გამოვლენა (ანუ ორგანიზმის მიერ მათი ჩართვა).

ინტოქსიკაციის სამკურნალო კურსის შემდეგ არანაკლებ მნიშვნელოვანია სარეაბილიტაციო (ანუ აღდგენითი) კურსის ჩატარება. რა ხდება ორგანიზმში მოწამვლის შემდეგ და როგორ უნდა აღვადგინოთ მისი დამცველობითი მექანიზმები, განსაკუთრებით - კუჭისა და ნაწლავების ნორმალური ფუნქციობა? ამ მნიშვნელოვან საკითხებს სწორედ წინამდებარე სტატიაში გაეცნობით.

5 დეტოქს-სასმელი (გასახდომი და ორგანიზმის გასაწმენდი კოქტეილების რეცეპტები)


როგორ დავეხმაროთ კუჭს


უხარისხო საკვები უპირველესად კუჭში ხვდება, შესაბამისად, ტოქსინების პირველ დარტყმას სწორედ ეს ორგანო განიცდის. კუჭის ფუნქციობის აღსადგენად პირველი დახმარება სწორი კვებაა. კვების ყველაზე სწორი რეჟიმი ინტოქსიკაციის შემდეგ ორგანიზმის გადატვირთვისაგან დაცვაა. მიღებულმა საკვებმა არ უნდა გადატვირთოს კუჭი, ეს იმას ნიშნავს, რომ კუჭი ზედმეტად არ უნდა გადაივსოს, გაიწელოს და გაღიზიანდეს. ამისათვის საჭიროა დღეში 5-6-ჯერ მცირე ულუფებით ისეთი საკვების მიღება, რომელიც არც ცხელი იქნება და არც ცივი. დიდი მნიშვნელობა აქვს აგრეთვე მიღებული საკვების კონსისტენციას. ინტოქსიკაციის შემდეგ აუცილებელია საკვები თხევადი ან ფაფისებრი იყოს ადვილად მონელებისათვის. წაიკითხეთ სრულად

როგორ ვისაუზმოთ სწორად - დიეტოლოგების რჩევები

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.