ქალთა ფიტნეს ინსტრუქტორი დუკანის დიეტაზე: - "ამ დიეტის მიმართ განსაკუთრებულად უარყოფითი დამოკიდებულება გამაჩნია"

საქართველოში, ბოლო პერიოდში განსაკუთრებით პოპულარული გახდა ე.წ. დუკანის დიეტა, რომელიც ფრანგმა ექიმმა, პიერ დუკანმა შეიმუშავა. 

 

ამ დიეტას საკმაოდ ბევრი ადამიანი იცავს. მათ შორის ცნობილი სახეებიც. გადავწყვიტეთ, არსებული დიეტის ავკარგიანობის შესახებ აზრი კომპეტენტური ადამიანისთვის გვეკითხა. გთავაზობთ ინტერვიუს ქალთა ფიტნეს ინსტრუქტორთან, ანტონ ლაშქარაშვილთან, რომელიც საკუთარ შეხედულებებს გაგვიზიარებს.

ანტონ ლაშქარაშვილი (Studio7)

 

-  დავიწყებ იქიდან, რომ "დიეტა" ლათინური სიტყვაა და "ჯანსაღ კვებას" ნიშნავს, რასაც დუკანის დიეტაზე ვერ ვიტყვი ვერც მე და ვერც ერთი კომპეტენტური ადამიანი, მსგავს საკითხებში. პიერ დუკანმა დიეტა 20-ე საუკუნის მიწურულს შეიმუშავა.  დიეტამ  პოპულარულობა იმის საფუძველზე მოიპოვა, რომ შედეგი

არის სწრაფი და არ საჭიროებს ზედმეტ ძალისხმევას. ადამიანებს გვინდა ყველაფერი ჩქარა და მარტივად გაკეთდეს.

კონკრეტული სახელწოდებებით არსებული დიეტების მომხრე არასდროს ვყოფილვარ, მაგრამ დუკანის დიეტის მიმართ განსაკუთრებულად უარყოფითი დამოკიდებულება გამაჩნია. ვფიქრობ, ეს დიეტა სხვა არაფერია, თუ არა ფულის შოვნის წყარო, რომელიც ადამიანების ჯანმთელობის შეწირვის ხარჯზე ხდება.

-კონკრეტულად რას გულისხმობთ?


- არც ერთი კვლევის დასკვნა არ არსებობს, რომ ზემოთ აღნიშნული დიეტა არის ბალანსირებული და მოიცავს ჯანსაღი კვების არსს.
მინდა ვნახო ისეთი ადამიანი, ვინც ამ დიეტით დაიკლო ზედმეტი კილოგრამები და ერთი, ორი, სამი და ოთხი წლის მანძილზე არ მოიმატა  მეტი! ისეთი ადამიანიც მინდა ვნახო, რომელზეც უარყოფითად არ უმოქმედია დიეტას, მაგრამ სამწუხაროდ, პრაქტიკაში არ შევხვედრილვარ ასეთ ადამიანს.
კარგია ზედმეტი ძალისხმევის გარეშე მაღალი შედეგის მიღწევა? ჩემი რჩევა იქნება, წინ გაიხედოთ, სანამ დიეტის დაცვას გადაწყვეტთ.
 დიეტა ერთი შეხედვით მკაცრია და დარღვეულია ბალანსი (ნუტრიენტების, ცილები, ცხიმები, ნახშირწყლები, ვიტამინები, მინერალები). 

დიეტა მეტწილად შეიცავს ცილებს, ხოლო ძალიან მცირე რაოდენობით - სხვა, ორგანიზმისთვის ისეთ აუცილებელ ნივთიერებებს, როგორიცაა: ნახშირწყლები, ბოსტნეული, "მცენარეული ცხიმები, ხილი და რძის ნაწარმი. ზემო აღნიშნული ნივთიერებები აუცილებელია ორგანიზმის ნორმალიზირებული ფუნქციონირებისთვის.


- რა უკუჩვენებები შეიძლება გამოიწვიოს ამ დიეტამ?


- სუნთქვითი პროცესის გაუარესება, არასასიამოვნო სუნი პირიდან, სიმშრალე პირის ღრუში, სისუსტე, დაღლილობა და ყაბზობა. 


აღნიშნული დიეტა მინიმალური რაოდენობით შეიცავს ვიტამინებს, რომელიც ხშირ შემთხვევაში გვხვდება ხილსა და ბოსტნეულში A,B,C,D,U და სხვა.


ამ დიეტის დროს ასევე დიდი საშიშროებაა თირკმელებში კენჭის წარმოქმნის. ამ რისკს კი ხილი და ბოსტნეული ანეიტრალებს, რაც დიეტაში ძალიან მცირედაა წარმოდგენილი. ლაქტაციის (ძუძუთი კვება) და ორსულობის დროს, დიეტა სასტიკად საშიშია! 


საფრანგეთში ჩატარებული კვების შედეგად აღმოჩნდა, რომ 5000 დუკანელს შორის - 35%-მა,  დაკარგული წონა უკან აღიდგინა დიეტის დაწყებიდან ერთი წელზე ნაკლებ დროში;


48 %-მა  წონა ერთ წელში აღიდგინა;


64%-მა  – 2 წლის განმავლობაში;


70%-მა  – 3 წლის განმავლობაში;


80%-მა – 4 და მეტი წლის განმავლობაში.


ახლა მინდა განვმარტო ერთი დეტალი, რომელზეც არის დაყრდნობილი პიერ დუკანის დიეტა. ეს გახლავთ - "ქატო". 


ქატოს მიღება მხოლოდ მცირე რაოდენობითაა დაშვებული. წინაამღდეგ შემთხვევაში, შესაძლოა თავი იჩინოს არასასურველმა სიმპტომებმა: მუცლის შებერილობა,  დიარეა, ნაწლავების მუშაობის ბალანსის დარღვევა, გულისრევა.


ქატო არამხოლოდ მიკრო ელემენტების შემცველი შეიძლება იყოს, ის შეიძლება შეიცავდეს ტოქსინებსაც და დიდი ალბათობაა, რომ ქატოს ფაფა შეანელებს და დიდ წინაღობას შეუქმნის ნაწლავებში საკვების გადაადგილებას.


ქატოს მიღება უარყოფით როლს თამაშობს ვიტამინების და მინერალების ათვისებაზე, როგორიცაა: კალციუმი, მაგნიუმი, რკინა, თუთია და B ჯგუფის ვიტამინები.


ქატოს მიღება ასევე აზიანებს ნაწლავების ლორწოვან გარსს, ამ დროს გარდაუვალია გასტრიტი, კოლიტი და ამ ყველაფერს ჯამში მივყავართ სავალალო შედეგამდე, როგორიცაა სისხლმდენი ბუასილი. ქატო შინაური ცხოველების გასაკვებად გამოიყენებოდა, რომ ცხოველური მადა დაეთრგუნათ. 

- რას გვეტყვით პიერ დუკანზე?

- პიერ დუკანი ე.წ. დიეტოლოგია, მისი სამედიცინო პრაქტიკა დიდი ხანია ეჭქვეშ დგას. საფრანგეთში მას პრაქტიკა ოფიციალურად აქვს შეჩერებული, მაგრამ ამ დიეტას ბიზნესის სახით იყენებს. 


პიერ დუკანის დიეტის გამო, უამრავ ადამიანს შეექმნა ჯანმრთელობის პრობლემები და ამის შესახებ ინფორმაციის მოძიება ინტერნეტითაც არის შესაძლებელი. დუკანის დიეტას კომატოზური მდგომარეობაც  გამოუწვევია. 2000 წელს, მან წიგნი გამოსცა, რომელმაც პოპულარობა და ძალიან დიდი ფული მოუტანა.  სამწუხაროდ, ბევრი ბრმად ენდობა დუკანის დიეტას, რითაც საკუთარ ჯანმრთელობას უქმნის საფრთხეს.

 

ქალთა ფიტნეს ინსტრუქტორი ანტონ ლაშქარაშვილი Studio 7 

შეიძლება დაგაინტერესოთ: ე.წ. ”განტვირთვის დღეები” წონაში დასაკლებად - 5 რეცეპტი ფიტნეს ინსტრუქტორის რჩევით

საღამოს 6 სთ-ის შემდეგ შიმშილით წონაში ვერ დაიკლებთ! პროფესიონალის ამომწურავი პასუხები და რჩევები

 

like
4

კომენტარები

CHUGO 2019-08-26 07:55
ამას საერთოდ რატო უკომენტარებთ:))
ყლეა ტიპი :)))) რას ბოდავთ.

P.S.

ძალიან კარგი დიეტაა. ზუსტად უნდა მიყვე ინსტრუქციას და იდეალურად მიაღწევ მიზანს.
ნინო 2017-11-12 17:52
ძალიან კარგია თუ ზუსტად მიყვები და არ დაარღვევ.ჩემმა ახლობელმა 27 კილო დაიკლო და კმაყოფილია.არც შიმშილობდა და ინარჩუნებს კიდეც ფორმას.
pitnava makvala 2017-09-19 18:35
dalian kmakofilebi vart.ra aris am dietashi cudi ?kvelaferi jansagi sakvebia mocemuli.rac sheexeba katos dalian mcire odenobitaa da isicaa mititebuli rom 7 dgeze meti ar gaaketoto.ase rom tvins nu urevt xalxs.tkven ras tavazobt xalxs uketess?
ეკატერინე 2017-09-18 04:38
ბატონო ანტონ სანამ ინტერვიუს მისცთ კარგი იქნება მეტი ინფორმაცია მოიპოვოთ საკითხზე. დავიწყოთ იქედან რომ ნებისმიერი დიეტის მერე მოიმატებს ადამიანი თუ შეზღუდული კვებიდან გაძლიერებულ კვებაზე გადავა, როდესაც გაქვს მიდრეკილება ჭარბი წონისკენ მუდმივ კონტროლს მოითხოვს. რაც შეეხება დუკანის დიეტას, ქატო საკმაოდ მცირე ოდენობითაა დაშვებული და ამასთან მის სასარგებლო თვისებებზე მოიძიეთ ინფორმაცია, რძის ნაწარმზე და ბოსტნეულზე შეძღუდვა არაა და ნახშირწყალს ამ ფორმით იღებს ადამიანი. ზოგადად თუ ვინმეს პრობლემა შეექმნა ეს ინდივიდუალურია და ნებისმიერმა დიეტამ შეიძლება გამოიწვიოს. მე 36 კილო დავიკელი 6 თვეში და არანსირი რობლემა არ შემქმნია, პირიქით ჭარბი წონიდან გამოწვეულ პრობლემებს დავემშვიდობე. რაც შეეხება ცილას თუ ასეთი საზიანოა მაშინ სპორცმენები აღარ უნდა არსებობდნენ რადგან მათ რაციონში საკმაოდ დიდი რაოდენობაა პროტეინების. ასე რომ ნუ შეგყავთ ხალხი შეცდომაში. თუ სწორედ დაიცავენ მითითებებს და არ აქვთ ჯანმრთელობის პრობლემა მაშინ საშიშიც არაფერია
ყოფილი დუკანელი 2017-07-20 19:57
დავიკელი 1,5 თვეში 16 კილო
და მოვიმატე 20 კილო დაახლოებით 8 თვეში.
დიეტა ეფექტურია,ოღონდ დროებით

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.