რა არის კალორიების მთვლელი და როგორ გვეხმარება ის წონის კლებაში

გახდომის მთავარი საიდუმლო - მიირთვით ნაკლები. თუმცა რადიკალური ზომების მიღება არ ღირს, რადგან ეს ნივთიერებათა ცვლის დარღვევასა და იმედგაცრუებამდე მიგიყვანთ.
გამოსავალი - უბრალოდ დაითვალეთ კალორიების რაოდენობა. ამაში კი საუკეთესო დამხმარე კალკულატორია.

კალორია ეს გახლავთ ენერგია, რასაც ადამიანი პროდუქტებისგან იღებს. ის ორგანიზმს იმისთვის სჭირდება, რომ სიცოცხლისთვის მნიშვნელოვანი ყველა ფუნქცია შეინარჩუნოს. ყველა ადამიანს ახასიათებს განსაკუთრებულობა, ამიტომ კალორიების მიღების ნორმა ინდივიდუალურია.

უამრავი საიტი არსებობს, სადაც პერსონალური კალორიის გამოთვლაა შესაძლებელი. ინტერნეტში მათი მოძიება მარტივია.

დღიური კალორიულობის გამოსათვლელად, უნდა დააფიქსიროთ თქვენი წონა, სიმაღლე, სქესი და
ფიზიკური დატვირთვის ყოველდღიური დონე. გამომდინარე აქედან კალკულატორი შესაბამისი კალორიის რაოდენობას აფიქსირებს. თუ ამ ციფრს შეამცირებთ, ადამიანი საკუთარი ორგანიზმის რესურსის ხარჯვას დაიწყებს და წონაში დაიკლებს. პროგრამა კალორიის იმ ნორმას გამოყოფს, რაც ორგანიზმს ზიანს არ მიაყენებს.

ისინი, ვინც უსულო მანქანას არ ენდობიან, შეუძლიათ საკუთარი ნორმა დამოუკიდებლად გამოთვალონ. არსებობს სულ ორი ფორმულა, რაც ადამიანის მეტაბოლიზმის დონეს განსაზღვრავს. ჰარის-ბენედიქტის ფორმულა, რომელიც 1919 წელს გაჩნდა, როცა ჯეიმს არტურ ჰარისმა და ფრენსის განო ბენედიქტმა თითოეული მათგანის მიერ დახარჯული ენერგია გასზაღვრეს და საკუთარ ნაშრომში "ადამიანის ძირითადი მეტაბოლიზმის ბიომეტრიული კვლევები" გამოაქვეყნეს.



ჰარისმა და ბენედიქტმა აჩვენეს, რომ ადამიანისთვის აუცილებელი კალორიების რაოდენობა ყოველდღიურად იცვლება ისეთი მაჩვენებლებით, როგორიცაა ბაზალური (BMR) და აქტიური მეტაბოლიზმი (AMR).

როგორ განსაზღვროთ BMR (ბაზალური მეტაბოლიზმი) - მოგიყვანთ ფორმულას, რომელიც მეცნიერებმა 1919 წელს გამოიყენეს.

ბაზალური მეტაბოლიზმი BMR ქალებისთვის (20 წელზე ზევით): BMR BMR = 655,0955 + (9,5634 * წონა კილოგრამებში) + (1,8496 * სიმაღლე სანტიმეტრებში) – (4,6756 * ასაკი წლებში).

ბაზალური მეტაბოლიზმი BMR მამაკაცებისთვის (20 წელზე ზევით): BMR = 66,4730 + (13,7516 * წონა) + (5,0033 * სიმაღლე) – (6,7550 * ასაკი).

როგორ განსაზღვროთ AMR(აქტიური მეტაბოლიზმი)

გამომდინარეობს თქვენი ცხოვრების წესიდან. თქვენ უნდა აირჩიოთ შესაბამისი კოეფიციენტი:

მჯდომიარე ცხოვრების წესი - 1,200;

ზომიერი აქტივობა (მსუბუქი ფიზიკური დატვირთვა ან ვარჯიში კვირაში 1-3 ჯერ) – 1,375;

საშუალო აქტივობა (კვირაში 3-5 ჯერ ვარჯიში) – 1,550;

აქტიური ადამიანები (ინტენსიური დატვირთვა, კვირაში 6-7ჯერ) – 1,725;

სპორტსმენები და ადამიანები, რომლებიც მსგავს დატვირთვას ასრულებენ ( კვირაში 6-7 ჯერ) -1,9.

დღის ნორმა იკვეთება ამ ორის - BMR-სა და AMR-ის შემცირებით.

მიფლინ სან-ჟეორის ფორმულა ამერიკელი დიეტოლოგების ჯგუფმა 2005 წელს შეადგინა. მასში შეიტანეს სიმაღლის, წონის, სქესისა და აქტივობის მაჩვენებლები.



მამაკაცებისთვის: (10 X წონა + 6,25 X სიმაღლე – 5 X ასაკი + 5) X A;

ქალებისთვის: (10 X წონა + 6.25 X სიმაღლე – 5 X ასაკი – 161) X A.

A -ადამიანის აქტივობის დონეს, როგორც წესი მას დღის განმავლობაში ფიზიკური დატვირთვის 5 საფეხურით განსაზღვრავენ.

1. მინიმალური აქტივობა: A = 1,2.

2. სუსტი აქტივობა: A = 1,375.

3. საშუალო აქტივობა: A = 1,55.

4. მაღალი აქტივობა: A = 1,725.

5. ექსტრააქტივობა: A = 1,9 (სპორტის ძალოსნური სახეობები, მძიმე ფიზიკური მუშაობა).

ანა ვერძაძე

ასევე შეიძლება დაგაინტერესოთ:

დიეტა აუცილებლად უნდა შეიცავდეს 5 კომპონენტს! სტატია ჯანსაღი კვებისა და მავნე პროდუქტების შესახებ

არაამქვეყნიურად სრულყოფილი სხეული: 9 ფაქტი "ანგელოზების დიეტაზე"
like
0

კომენტარები

Lile
Simagle 168.cons75 k,asaki59
2019-10-21 19:44

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.