როგორ დაიკლო ჯანეტ ჯექსონმა 50 კგ

ცოტა ხნის წინ, ჯანეტ ჯექსონი შვილის გაჩენის შემდეგ წითელ ხალიჩაზე პირველად გამოჩნდა.
51 წლის მომღერალმა სტუმრები საკუთარი ფორმებით გააოგნა: 9 თვეში მან 50 კგ დაიკლო და კიდევ უფრო გამხდარია, ვიდრე ფეხმძიმობამდე იყო.

გაგაცნობთ, როგორ მოახერხა ჯანეტ ჯექსონმა ფორმის დაბრუნება

ვარჯიში

ზედმეტი კილოგრამების მოშორებისთვის, ვარსკვლავი სპორტით აქტიურად დაკავდა. იცავდა მკაცრ დიეტას და რეგულარულად ვარჯიშობდა. ჯანეტის მწვრთნელი, პოლეტ სიბლისი ჰყვება: "არ მინდოდა, რომ მას უბრალოდ კილოგრამები დაეკარგა, ჩვენი მიზანი ცხიმისგან განთავისუფლება და კუნთის მასის გაზრდა იყო".



კვების გეგმა
ჯანეტის კვებას ნუტრიციოლოგი, დევიდ
ალენი ხელმძღვანელობს, სწორედ მან შეადგინა მომღერლისთვის დაბალანსებული და ჯანსაღი რაციონი. ფეხმძიმობის დროს, ჯექსონმა მკაცრ დიეტებზე უარი თქვა, რამდენადაც ბავშვის ჯანმრთელობა მისთვის უფრო მნიშვნელოვანი იყო. შვილის დაბადების შემდეგ კი ის სპორტს დაუბრუნდა და კალორიული კერძებიც შეამცირა. მომღერლის დიეტოლოგი ამბობს, რომ ჯანეტ ჯექსონი დღეში 1150-1450 კალორიას იღებდა და ოთხჯერ, მცირე ულუფებით იკვებებოდა.
ექსპერტი დიეტოლოგიის საკითხებში, დევიდ ალენი ასევე აღნიშნავს: "ცხიმების ხარჯზე ვერასდროს დაიკლებთ წონაში, თუ საკვების მიღებას უარყოფთ". თავად ჯანეტი გამოტყდა, რომ ყოველთვის დროზე კვებას ვერ ასწრებდა და ამან გახდომის პროცესი შეაფერხა. დიეტის დროს, ვარსკვლავის რაციონიდან ამოიღეს ყველა გადამუშავებული პროდუქტი, თეთრი შაქარი, ცომეული, ალკოჰოლი და ტკბილი გაზიანი სასმელები. დღის განმავლობაში მომღერალი დიდი რაოდენობით ცილებსა და ბოსტნეულს იღებდა: კვერცხი, ქათმის ფილე, ორაგული, კრევეტი, სატაცური. აკრძალული არ ყოფილა რთული ნახშირწყლებიც, შვრიის სახით.



ძილი

ჯანეტი იმაშიც გამოტყდა, რომ გახდომისთვის მისთვის ერთ-ერთი უმთავრესი ფაქტორი ჯანსაღი ძილია, მაგრამ ბავშვის გამო გამუდმებით გამოუძინებლობა, ნორმად ექცა.


ავტორიტეტული ჟურნალი European Journal of Clinical Nutrition  ამტკიცებს, რომ ძილის უკმარისობას ხშირად მოჰყვება ზედმეტი ჭამა. გამოუძინებლობის შემთხვევაში, ადამიანი საშუალოდ 385 კალორიაზე მეტს იღებს. მეცნიერების განმარტებით მეტი ჭამის სურვილს ცირკადული რითმის დარღვევა აღძრავს, რაც გრელინის ჰორმონის გამომუშავებაზე აისახება, რომელიც შიმშილის გრძნობაზეა პასუხისმგებელი. პოპ-ვარსკვლავისა და დედის დატვირთული გრაფიკის მიუხედავად, ჯექსონი ცდილობს დღის განმავლობაში ძილისთვის მცირე შესვენებები გამოყოს.

ანა ვერძაძე

ასევე დაგაინტერესებთ:
ნახეთ ჯანეტ ჯექსონის ახალშობილი ბავშვის ფოტოები
ჯანეტ ჯექსონის ქმართან განშორების ახალი დეტალები
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.