მეცნიერებმა ყველაზე ეფექტური დიეტები დაასახელეს

გულის, ფილტვებისა და სისხლის ეროვნული უნივერსიტეტის (NHLBI) ვებგვერდზე ექსპერტების ანგარიში გამოქვეყნდა U.S. News and World Report-დან.

მეცნიერებმა ყველაზე ეფექტური დიეტების ჩამონათვალი წარმოადგინეს.

დიეტა DASH (კვების სისტემა ჰიპერტონიკებისთვის)



პირველი ადგილი ორმა დიეტამ გაინაწილა: ესენია აშშ-ში პოპულარული DASH-ისა და ხმელთაშუა ზღვისპირეთის დიეტები. DASH-ის მთავარი პრინციპი მარილის შემცირება ან მასზე სრულიად უარის თქმაა, ასევე ზედმეტად ცხიმიანი და შაქრის შემცველი პროდუქტების რაციონიდან ამოღება. ამ სისტემის მთავარი მიზეზი სისხლის წნევისა და ქოლესტერინის დონის დაწევაა. როგორც დიეტოლოგები ამტკიცებენ, DASH-ის დიეტა წნევის საწინააღმდეგო ყველა სხვა წამალზე უკეთ
მოქმედებს, გარდა ამისა წონაში კლებაში ეხმარება.

ხმელთაშუა ზღვისპირეთის დიეტა


რეიტინგის კიდევ ერთი ლიდერი. კვების ამ სისტემის ძირითადი შემცველი რთული ნახშირწყლებია (ბულგური, ყავისფერი ბრინჯი, ხორბლის ფქვილისგან დამზადებული მაკარონი, ხორბლის პური) ბოსტნეული და ხილი, ზეითუნის ზეთი, თხილი, თევზი, ჩიტის ხორცი (განსაზღვრული რაოდენობით). დიეტა რაციონიდან არ გამორიცხავს წითელ ხორცსა და ტკბილს, მაგრამ ეს პროდუქტები შეზღუდული რაოდენობით უნდა მიიღოთ. ამგვარი კვება წონაში დაგაკლებინებთ, გულისა და ტვინის მუშაობას გაგიუმჯობესებთ, შეაჩერებს დიაბეტის განვითარებას და ონკოლოგიურ დაავადებასაც კი.

ვეგეტარიანული დიეტა



ვეგეტარიანული დიეტის დამცველები ხორცის მოყვარულებზე 15%-ით ნაკლებს იწონიან, ნაკლებად მიდრეკილნი არიან ინფაქტის, დიაბეტისა და სიმსივნისკენ, ასევე საშუალოდ 3,6 წლით მეტს ცოცხლობენ. დასახელებული კვების სისტემა ხორცზე უარის თქმას მოითხოვს, მაგრამ დასაშვებია გამონაკლისი, თუ სურვილი დიდია.

„წონის დამკვირვებლების“ დიეტა ან WEIGHT WATCHERS



1961 წელს დიეტა ვიწრო წრეში გახდა ცნობილი, როცა ჭარბწონიანმა დიასახლისმა, ჯეინ ნიდეჩმა ნიუ-ჯერსიდან მეგობრებთან ერთად ზედმეტ წონასთან ბრძოლა დაიწყო. ჯეინმა კვების სპეციალური პროგრამა შეიმუშავა, რომელიც მოგვიანებით ამერიკის სხვადასხვა ქალაქში გავრცელდა. დიეტა რაციონში რადიკალური ცვლილებების შეტანას არ საჭიროებს და ფსიქოლოგიურად რთული ასატანი არ არის.
დიეტის ძირითადი პრინციპებია: ყოველდღიურად უნდა ჩაიწეროთ ყველაფერი, რაც მიირთვით, დალიოთ არანაკლებ 8 ჭიქა სითხე, მიიღოთ მულტივიტამინები, მიირთვათ არანაკლებ 5 სხვადასხვა ხილი და ბოსტნეული, რეგულარულად დაკავდეთ ფიზიკური აქტივობით, მიჰყვეთ კვების პროგრამას (ირჩევა ინდივიდუალურად).

ინტუიციური კვება



თუ პროდუქტების შერჩევას პასუხისმგებლობით მოეკიდებით და დაბალანსებულ კვებას მიმართავთ, მაშინ დიეტის დარღვევის რისკი გაცილებით ნაკლებია, ვიდრე მკაცრი შეზღუდვების დროს. გარდა ამისა, ინტუიციური კვება დადებითად აისახება ფსიქიკურ მდგომარეობაზე და ჯამში ორგანიზმის ჯანმრთელობაზე. რაციონის ძირითადი პრინციპი ხმელთაშუა ზღვისპირეთის დიეტის ანალოგიურია + პატარა სისუსტეები დესერტის სახით და არც ჭიქა ღვინო გეკრძალებათ, თუ ნამდვილად ფიქრობთ, რომ ეს თქვენთვის სასარგებლოა.

ტექსტი: ანა ვერძაძე


ასევე დაგაინტერესებთ:

გახდე და არ დაიზიანო ღვიძლი: 3 უსაფრთხო დიეტა

დიეტა აუცილებლად უნდა შეიცავდეს 5 კომპონენტს! სტატია ჯანსაღი კვებისა და მავნე პროდუქტების შესახებ

დიეტა ნახშირწყლების დაბალი შემცველობით
like
0

კომენტარები

ლატა
17წლისასაკში92კგ ს ვიწონიდი. ახლა52წლის ვარ და უკვე 30წელია53კგ ს ვიწონი. უბრალოდ დიდ პატივს ვცემ ჩემს თავს.
2018-03-21 06:57

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.