გემრიელი ლიმონათის 3 რეცეპტი - აჩქარებს წონის კლებას!

ეფექტური გახდომის ერთ-ერთი მთავარი პირობა საჭირო რაოდენობის წყლის მიღებაა, დღეში არანაკლებ 2 ლ-სა.
ამ პირობის შესრულების შემთხვევაში, ცხიმები ნორმალური ტემპით ქრება, მომნელებელი სისტემა მოქმედებს ისე, როგორც საჭიროა, კანი კი უფრო ჯანსაღად გამოიყურება. წყლის დახმარებით გახდომის პროცესი ჩქარდება, თუ მას რამდენიმე სასარგებლო ინგრედიენტს დაუმატებთ. გთავაზობთ დეტოქს-სასმელებს, რომლებიც აჩქარებენ მეტაბოლიზმს, ორგანიზმიდან გამოდევნიან ტოქსინებს, აქვეითებენ მადას და რამდენიმე კვირაში ბრტყელ მუცელს გპირდებათ.

წყალი მარწყვითა და ბაზილიკით (შაშკვლავი)


5ც ახალი ან გაყინული მარწყვი, რამდენიმე ნაჭერი ლიმონი, ნახევარი ლიმნის ახლადდაწურული წვენი და ცოტაოდენი შაშკვლავი -
აურიეთ ერთმანეთს. შეგიძლიათ კოვზით დაუმატოთ კენკრა და ფოთლები. ნარევი გადაიტანეთ ბოთლში და დაასხით 1 ლ წყალი. დალევამდე სასმელი 3-4 სთ-ს გააჩერეთ.

პიტნისა და
 კოჭას წყალი


ჯამში აურიეთ მრგვალ ნაჭრებად დაჭრილი კიტრი, მცირე ზომის, წვრილად დახეხილი 5სმ კოჭას ნაჭერი, რამდენიმე ნაჭერი ლიმონი კანიანად, პიტნის ფოთლები და მწიკვი ჰიმალაის მარილი. სასმელი მაცივარში 5-6 სთ-ს გააჩერეთ. ეს სასმელი არა მარტო გაგიუმჯობესებთ მონელების პროცესს და დაწვავს ცხიმებს, არამედ დაგეხმარებათ ყელის ტკივილის შემთხვევაში.

წყალი მანგოთი და ანანასით



დაჭერით მანგო და ანანასი კუბებად - დაახლოებით ნახევარი ჭიქა. აურიეთ, დაუმატეთ რამდენიმე ნაჭერი ლიმონი და კვლავ აურიეთ. გადაიტანეთ ბოთლში, დაასხით წყალი და გააჩერეთ მთელი ღამით.

ტექსტი: ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.