ჰარლი პასტერნაკის წონის კლების სისტემა - 5 ფაქტორი

ციფრების მაგიის გწამთ? თუ არა, მაშინ დროა ირწმუნოთ!

ნებისმიერ შემთხვევაში - ალიშა კისმა, ევა მენდესმა, ჯესიკა სიმპსონმა, რიზ უიზერსპუნმა და სხვა ვარსკვლავებმა ეს გააკეთეს და არ ინანეს. მათ საკუთარი ვარსკვლავური სხეული ჰოლივუდის ინსტრუქტორსა და დიეტოლოგს, ჰარლი პასტერნაკს მიანდეს, რომელმაც გახდომის პროგრამა „ხუთი ფაქტორი“ შექმნა.

გახდომის სისტემა სიმარტივესა და ეფექტურობას აერთიანებს. მეტაბოლიზმის დაჩქარების მეთოდის მეშვეობით, მოკლე დროში შესაძლებელია წარმოუდგენელი შედეგის მიღება.



გთავაზობთ, თავად შეაფასოთ პასტერნაკის დიეტის ეფექტურობა.

მოხდენილობის 5 ფაქტორი

1. ხუთი კვირა
35 დღე: სწორედ ეს დრო დასჭირდება დიეტის დამცველს სასურველი
შედეგის მისაღებად. დიეტა უსასრულოდ არ გრძელდება, რაც ეხმარება არ დანებდეთ და საქმე ბოლომდე მიიყვანოთ.



2. ხუთჯერადი კვება
დაივიწყეთ მსუყედ კვება დღეში 2-ჯერ, ვახშმობის გარეშე. მიიღეთ მცირე ულუფები 2,5-3 სთ-ის ინტერვალებით, რაც სისხლში გლუკოზის მოულოდნელ წარმოქმნას აგარიდებთ თავიდან.

3. ხუთი კომპონენტი
საკვების ყოველი მიღება ხუთი კომპონენტისგან შეადგინეთ. ცილა (ჰუმუსი, კვერცხი, თევზი, ქათმის ფილე, ხაჭო), რთული ნახშირწყლები, უჯრედისი, ჯანსაღი ცხიმები და სასმელები (არატკბილი წვენები, სმუზი, უშაქრო ჩაი, კეფირი).



4. ხუთი წუთი მომზადებისთვის
საკვები უნდა იყოს მაქსიმალურად მარტივი და მინიმალური მომზადება უნდა სჭირდებოდეს. ნაკლები დრო მომზადებისთვის - მეტი სარგებელი.



5. დასვენების ხუთი დღე
დიეტის დაწყებიდან 5 დღეში დასვენებისთვის გამოყეთ 1 დღე, როცა თავს ტკბილის ან ისეთი პროდუქტის მირთმევის უფლებას მისცემთ, რომელიც დიეტის დროს რეკომენდებული არ არის. ამ შემთხვევაში ზომიერება მთავარია.



გარდა ამისა, სპეციალისტი ყოველდღიური მოკლე ვარჯიშების რეკომენდაციას იძლევა (არაუმეტეს 25 წთ-სა), რაც ცხიმის წვაში უფრო მეტად დაგეხმარებათ. მამაკაცების აზრით მსგავსი მიდგომა, სპორტდარბაზში კვირაში 2-ჯერ ვარჯიშზე უფრო ეფექტურია. სახსრების ხანმოკლე გახურება, სწრაფი მოძრაობები, სახტომი თოკით ხტომა, სტატიკური ვარჯიში („პლანკა“) და აზიდვები ოცნების სხეულს მოგიტანთ.


ანა ვერძაძე

ასევე დაგაინტერესებთ:

დიეტა "7 ფურცელი"

ექიმ კოენის ცნობილი ფრანგული დიეტა

დიეტა "12 დღე" - ყველასათვის ხელმისაწვდომი ინგრედიენტებით
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.