რა ემართება თქვენს სხეულს, როცა ღამით ჭამთ?

XXI საუკუნეში ჭარბწონიანობის პრობლემას კაცობრიობა უფრო გაცნობიერებულად უდგება:
რეგულარულად ვკავდებით სპორტით, ვერიდებით მარტივ ნახშირწყლებს, ვცდილობთ მეტი ბოსტნეულისა და ხილის მიღებას. თუმცა, ისინიც კი, ვინც ძალიან მკაცრად აკონტროლებს საკუთარ კვებას თავს ერთი პატარა სისუსტის უფლებას აძლევენ - ეს გვიანი ვახშამია. ჩვენ გავარკვიეთ, რა ემართება სხეულს, როცა ღამით ჭამთ:

რატომ გვაქვს შიმშილის გრძნობა განსაკუთრებით გაძლიერებული ღამის საათებში?

დიეტის დარღვევა ყველაზე ხშირად სწორედ საღამოს ხდება. ამას სამი მიზეზი აქვს:

1. ფიზიოლოგიური ან უფრო მარტივად რომ ვთქვათ, დღის განმავლობაში კვების უკმარისობა.

2. ფარული შიმშილი.
არადაბალანსებული კვება დღის განმავლობაში ორგანიზმში სასარგებლო ნივთიერებების უკმარისობას იწვევს.

3. ფსიქოლოგიური, როცა სტრესისგან გაღიზიანებული ხართ.



როგორ მოქმედებს ღამის კვება ორგანიზმზე?

ღამით, როგორც წესი ადამიანს სძინავს და ორგანიზმი განწყობილია სიმშვიდისთვის, მოულოდნელად კი კუჭში ხვდება სტეიკი, კარტოფილი ფრი, სალათი, წითელი ღვინო. ამ დროს თითქმის მიძინებული ორგანიზმი მთელი ძალით ცდილობს მონელებას, მაგრამ ვერ უმკლავდება, რაც საბოლოოდ ტოქსინების წარმოქმნას იწვევს.

მეტიც, ნახშირწყლოვანი პროდუქტის ნარჩენები ღამით დიდი რაოდენობით ინსულინს გამოყოფს, ღვიძლში შაქრისა და ცხიმოვანი ქსოვილების გადანაწილების პროცესი ირღვევა, შედეგად კი ორგანიზმში ცხიმების განლაგება ხდება.

როგორ არ უნდა დაუშვათ ღამით დანაყრება?

1. დღის განმავლობში დაბალანსებული კვება, დაახლოებით 5-ჯერ.

2. რაციონის მრავალფეროვნება, ცხიმების, ცილებისა და ნახშირწყლების, მაკრო და მიკროელემენტების რაოდენობის კონტროლი.

3. სტრესთან ბრძოლის ალტერნატიული ვარიანტის გამონახვა: საღამოს სეირნობა, სპორტი, იოგა, სერიალის ან ინტერნეტით ლექციის ყურება და ა.შ.



რა შემთხვევაში შეიძლება ღამით ჭამა

საღამოობით კვების მკაცრად გაკონტროლება ყველას არ სჭირდება. რამდენიმე წლის წინ ისრაელის მეცნიერებმა კვლევა ჩაატარეს და გაარკვიეს: ადამიანები, რომლებიც 20 სთ-ის შემდეგ მსუყედ ვახშმობენ, ხშირად, ზედმეტ კილოგრამებს უფრო სწრაფად იკლებენ ვიდრე ისინი, ვინც მსუყედ სადილობას არჩევენ და 18 სთ-ის შემდეგ არ მიირთმევენ. უნდა შევნიშნოთ, რომ ისინი, ვინც ძილის წინ ვახშმობენ, როგორც წესი საუზმეს გამოტოვებენ და დღის განმავლობაში ბევრს არ მიირთმევენ. გვიანი ვახშმის კალორიულობა დღის რაციონის ენერგეტიკულ ღირებულებას არ აღემატება. მარტივად რომ ვთქვათ, თუ საუზმობას ვერ ასწრებთ, შეგიძლიათ ვახშამი რამდენიმე საათით გადადოთ და ეს თქვენს სხეულს არაფერს ავნებს. მნიშვნელოვანია გახსოვდეთ, რომ ძილის წინ სასარგებლოა პროდუქტი დაბალი გლიკემიური ინდექსით, რათა ინსულინის გამომუშავება აიცილოთ თავიდან და მშვიდად ძილი შეძლოთ.

ანა ვერძაძე
like
2

კომენტარები

ტატო 2018-03-03 18:53
გლიკემიური ინდექსი რა არის,შე
baia 2018-02-24 13:03
glikemiuri ideqsi dacera imitom ,rom yvelaferi gadmocera da tvitonac ar icis da shen ra agixsnas,?,, tavshi qva ixale da shen tviton gaarkvie rac davcereoooooo! vot tak
ტატო 2018-02-11 12:47
გლიკემიური ინდექსი რა არის,შე.....

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.