7 ამოუცნობი მიზეზი, რომელთა გამოც წონაში ვერ იკლებთ, თუმცა ყველა წესს ითვალისწინებთ

ითვლით კალორიებს, უარს ამბობთ ტკბილზე, სვამთ ბევრ წყალს, გახდომის მიზნით დაკავებული ხართ სპორტით, მაგრამ წონაში ვერ იკლებთ.
ნუ მიეცემით სასოწარკვეთას - ჩვენ გაგარკვევთ რატომ ხდება ასე და რა უნდა მოუხერხოთ ამ პრობლემას.

ირჩევთ უცხიმო პროდუქტებს


მაღაზიაში ალბათ ყოველთვის ირჩევთ იოგურტს, რომლის ცხიმიანობა 0%-ია, თქვენ ხომ კალორიებს ზედმიწევნით ითვლით. მაგრამ აქ ერთი ხრიკი არსებობს: უცხიმო პროდუქტი სასიამოვნოდ მისართმევი რომ გახდეს, მწარმოებლები ხშირად იმაზე მეტ შაქარს უმატებენ, ვიდრე ჩვეულებრივ იოგურტს.

ნახშირწყლებით საუზმობთ


დარწმუნებული ხართ, რომ რთული ნახშირწყლები - შვრიის ფანტელი ან ხორბლის
პური უფრო სასარგებლო საუზმეა, რადგან ასე დანაყრების შეგრძნება დიდხანს გასტანს. თუმცა ყველაფერი ასე არ არის: თუ წონაში დაკლება გსურთ, საუზმე უნდა შედგებოდეს ცილებისგან, მათ გადამუშავებაზე ხომ მეტი ენერგია და დრო იხარჯება, ვიდრე ნახშირწყლებზე. სადილად კი უმჯობესია წიწიბურა მიირთვათ.

არასწორ ვარჯიშებს ირჩევთ


აქტიური ვარჯიშების ნაცვლად, რომლის დროსაც ცხიმი იწვის - ტანვარჯიში, სირბილი, ცურვა - სპორტდარბაზში ძალოვან ვარჯიშებს არჩევთ. პრობლემა იმაში მდგომარეობს, რომ მსგავსი ფიზიკური დატვირთვების დროს თქვენი კუნთები იზრდება და სხეულის მასა იმატებს, ცხიმი კი ძალიან ნელა ქრება.

იყენებთ სოიოს



სოიოს დიეტური პროდუქტების უმრავლესობა შეიცავს, მაგრამ მისი არასწორი გამოყენება წონაში მატებას გამოიწვევს. საქმე იმაშია, რომ სოიო ესტროგენის ანალოგიურ ფიტოჰორმონებს შეიცავს. მის გამოყოფას ორგანიზმი კი ისე იღებს, როგორც ცხიმის დაგროვების სიგნალს.

გლუტენის გარეშე დიეტას ირჩევთ



აქ სიტუაცია თითქმის იგივეა, როგორც უცხიმო პროდუქტების შემთხვევაში. დიეტა გლუტენის გარეშე ხელსაყრელია მხოლოდ მათთვის, ვისაც გლუტენის აუტანლობა აქვს. თუ ეს პრობლემა არ გაწუხებთ, გაითვალისწინეთ, რომ გლუტენის გარეშე პროდუქტების წარმოებისას იყენებენ რაფინირებულ შაქარს და შედეგად მეტ კალორიას იღებთ.

ჭამთ ხშირად და ცოტას



კვების ეს მეთოდი იდეალურად მიიჩნევა, მაგრამ ყველასთვის გამოსადეგი არ არის. უფრო ზუსტად კი მათთვის, ვისაც გრაფიკით ცხოვრება არ შეუძლია და ბოროტად იყენებს ულუფებს. ამ მეთოდის ნაკლი ისაა, რომ თქვენ გამუდმებით მაძღარი ხართ და გავიწყდებათ როგორია შიმშილის გრძნობა. თუ შიმშილის გრძნობა არ გექნებათ, საჭიროზე მეტი საკვების მიღებით რისკავთ.

იყენებთ შაქრის შემცვლელებს



დიეტური კოკა-კოლა და შაქრის შემცვლელი აბები ყოველთვის გამოსავალი არ არის. მაშინაც კი, თუ ტკბილ გაზიან სასმელში კალორია 0-ია, ორგანიზმი შაქრის შემცვლელს ჩვეულებრივი შაქრისგან მაინც ვერ ანსხვავებს და ინსულინს გამოიმუშავებს. გამომუშავებული ინსულინი გლიკოგენად იქცევა, რაც ცხიმად გარდაიქმნება.

ანა ვერძაძე


ასევე დაგაინტერესებთ:

6 პროდუქტი, რომელიც თამამად შეგიძლიათ მიირთვათ გვიან და არ მოიმატოთ წონაში

საღამოს 6 სთ-ის შემდეგ შიმშილით წონაში ვერ დაიკლებთ! რისი ჭამა შეიძლება? ქალთა ფიტნეს-ინსტრუქტორის რჩევები

სწორი რაციონი - როგორ იკლებენ წონას იტალიელი ქალები
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.