რა ემართება სხეულს როცა სვამთ და როცა არ სვამთ წყალს?

ადამიანის 80% წყლისგან შედგება - ეს ჯერ კიდევ ბიოლოგიის გაკვეთილებიდან ვიცით და წყლის მოთხოვნილებაც სწორედ ამით აიხსნება - მხოლოდ წყალი და არა წვენი, ჩაი, ყავა ან სხვა სახის სითხეები.
მაგრამ ნამდვილად გვესაჭიროება წყალი, თუ დღეში 1,5-2ლ წყლის მიღების წესი გადაჭარბებულია?

მაშ ასე, გაიგეთ ყველაფერი ადამიანის ორგანიზმზე წყლის გავლენის შესახებ.



დღეში რამდენი წყალი უნდა დალიოს ადამიანმა?

გამოკვლევების მონაცემებით, ადამიანმა დღეში უნდა მიიღოს 1 კგ-ზე 30 მლ წყალი. შესაბამისად 60 კგ-ს შემთხვევაში უნდა დალიოთ დღეში 1,8 ლ წყალი. სინამდვილეში ყველაფერი დამოკიდებულია სითხის
მოცულობაზე, რასაც კარგავთ. ამაზე გავლენას ახდენს:

კლიმატი: რაც უფრო ცხელა, მით უფრო მეტ წყალს კარგავს ორგანიზმი.

დიეტა: დიდი რაოდენობით ცილების მიღების შემთხვევაში ორგანიზმი შრება, ამ პრინციპზეა დაფუძნებული დუკანის დიეტა.

ფიზიკური აქტივობა: რაც უფრო აქტიური ცხოვრების წესს ეწევით, მით მეტი წყალია საჭირო.

ჯანმრთელობა: მომატებული ტემპერატურის დროს, ორგანიზმი მეტ წყალს საჭიროებს.

ორგანიზმის ინდივიდუალური განსაკუთრებულობა.



წყლის პლუსები და მინუსები:

წყლის მთავარი დადებითი თვისება არის ის, რომ მას სხვა სასმელებთან შედარებით არავითარი კალორია არ აქვს, შესაბამისად წყლით გასუქება შეუძლებელია. მნიშვნელოვანი ნაკლია - ზედმეტი რაოდენიბით წყლის მიღებამ შესაძლოა შეშუპება გამოიწვიოს.

რა მოხდება, თუ ადამიანი წყალზე საბოლოოდ იტყვის უარს?

წყალზე სრული უარის თქმა პირველ ხანებში ორგანიზმზე არანაირად არ აისახება, თუმცა დროთაგანმავლობაში შედეგი თავს შეგახსენებთ: შემცვლელზე დამოკიდებულება, სისხლში შაქრის მომატებას გამოიწვევს. როცა ნაკლებად ძლიერ ჩაის ან ყავას სვამთ, მიუხედავად იმისა, რომ მათში შემცველი წყალი ორგანიზმში გათავისდება, უმრავლესშემთხვევაში ისინიმათში შემცველი კოფეინისა და ტანინის გამო ორგანიზმიდან დარჩენილ წყალს გამოდევნიან. ბევრი მცენარეული ჩაი - გვირილა, პიტნა, კოჭა - წყალს არ გამოდევნის.



რით გვემუქრება გაუწყლოება?

გაუწყლოება კანის სიმშრალეს, დერმატიტს, შარდისა და ნაღვლის ბუშტში კენჭების დაგროვებას იწვევს. წყლის უკმარისობის დროს სისხლი სქელდება და მისი ცირკულაცია ფერხდება. ასევე, უარყოფითად აისახება ტვინის მუშაობაზე. ხანგრძლივ გაუწყლოებას გულის წასვლა და ჰალუცინაციების გამოწვევაც შეუძლია.

რატომ ურჩევენ გასახდომად დიდი რაოდენობით წყლის მიღებას?

არსებობს მითები - დიეტოლოგები ხშირად ამბობენ, რომ წყალი საჭიროა „ორგანიზმიდან ცხიმების გამოდევნის მიზნით“. სინამდვილეში ამისათვის ჩვეულებრივ დოზაზე გარკვეული რაოდენობის დამატება საჭირო არ არის. წონაში კლების პროცესი არ დაჩქარდება, თუ მეტ წყალს დალევთ. და საჭირო არ არის „შიმშილის დღეები“ მხოლოდ წყალზე - ჯანმრთელ ადამიანს ეს არ სჭირდება. ორგანიზმისთვის შიმშილი სტრესია, რის შემდეგად ის ენერგიის მომარაგებას გაორმაგებული ძალებით ცდილობს.

ანა ვერძაძე


ასევე დაგაინტერესებთ:

რა დაავადებებს ავიცილებთ თავიდან წყლის სწორად მიღებით - როდის და როგორ უნდა ვსვათ წყალი

რატომ უნდა ვსვათ ლიმონიანი წყალი

4 მეთოდი, როგორ გავწმინდოთ ონკანის წყალი სახლის პირობებში
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.